ខេត្តពោធិ៍សាត់៖ រថយន្ត ១គ្រឿងរងការខូចខាតអស់ទាំងស្រុង ដោយសារអគ្គីភ័យឆាបឆេះ សង្ស័យអាចបណ្ដាលមកពីឆ្លងចរន្តអគ្គីសនី ។

ហេតុគ្រោះអគ្គីភ័យឆាបឆេះរថយន្តខាងលើ នៅវេលា៩ និង៣០នាទី ព្រឹកថ្ងៃអាទិត្យ ១កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២១ ខែមិថុនា ឆ្នាំ២០២០ នៅលើកំណាត់ផ្លូវជាតិលេខ៥៥ ត្រង់ចំណុចភ្នំ១៥០០ចន្លោះបង្គោលគីឡូម៉ែត្រលេខ១៤០.១៤១ ស្ថិតនៅភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់ ។

ប្រភពព័ត៌មានពីមូលដ្ឋានកងរាជអាវុធហត្ថស្រុកវាលវែងប្រាប់ថា រថយន្តរងការខូចខាតទាំងស្រុងម៉ាក NISSN ពណ៏ស គ្មានស្លាកលេខ ម្ចាស់អត់ឃើញនៅកន្លែងកើតហេតុ(គេចបាត់) មូលហេតុ៖ អាចបណ្ដាលមកពីឆ្លងចរន្តអគ្គីសនី បច្ចុប្បន្ន រថយន្តនៅកន្លែងកើតហេតុ សមត្ថកិច្ចកំពុងស្រាវជ្រាវ ៕ ដោយៈ បុឹម ពិន