ខេត្តកណ្តាល៖ ជនសង្ស័យ២នាក់ ត្រូវសមត្ថកិច្ចនគរបាលប៉ុស្តិ៍ព្រែកដំបងឃាត់ខ្លួនកា លពីវេលាម៉ោង២១និង២០នាទី ថ្ងៃទី២៣ ខែមករា ឆ្នាំ២០១៦ នៅចំណុចដីឡូត៍ម្ចាស់ឈ្មោះ លក្ខឈុំ ឋិតនៅភូមិឡឥដ្ឋ ឃុំព្រែកដំបង ស្រុកមុខកំពូល ខេត្តកណ្តាល ។
ប្រភពពីសមត្ថកិច្ចបានឲ្យដឹងថា ជនសង្ស័ដែលត្រូវឃាត់ខ្លួនឈ្មោះ ១ អៀង ឡឹម ភេទប្រុស អាយុ១៨ឆ្នាំ ស្នាក់នៅបច្ចុប្បន្នភូមិឡឥដ្ឋ ឃុំព្រែដំបង ស្រុកមុខកំពូល, ២ ឈ្មោះ គង់ ស្រស់ ភេទប្រុស អាយុ២៦ឆ្នាំ មុខរបរជាងសំណង់ស្នាក់នៅភូមិឃុំជាមួយគ្នា ។
សមត្ថកិច្ចបានបានឲ្យដឹងទៀតថា មុនពេលឃាត់ខ្លួនជនសង្ស័យទាំងពីរនាក់ ដំបូងសមត្ថកិច្ចជិះម៉ូតូល្បាតក្នុងមូលដ្ឋានដោយនៅក្នុងភូមិមានពលរដ្ឋធ្វើបុណ្យបច្ច័យបួន ហើយមានជួលធុងបាស់រាំលេងកំសាន្ត ខណៈនោះជនសង្ស័យទាំងពីរនាក់បានឆ្លៀតឱកាសយកដាវសាំម៉ូរ៉ៃចាំសងសឹកគំនុំចាស់ដែលមានទំនាស់ពីថ្ងៃមុន ប៉ុន្តែ ជនសង្ស័យទាំងពីរនាក់មិនទាន់បានធ្វើសម្មភាពផងដោយគ្រាន់តែកាន់ដាវក្នុងបំណងធ្វើសកម្មភាពកាប់ឈ្មោះ ចិត្ត ក៏ត្រូវសមត្ថកិច្ចឃាត់ខ្លួនតែម្តង ។
បច្ចុប្បន្នជនសង្ស័យទាំងពីរនាក់ត្រូវបានបញ្ជូនទៅអធិការដ្ឋាននគរបាលស្រុកដើម្បីកសាងសំណុំរឿងបញ្ជូនទៅតុលាការខេត្តកណ្តាលបន្ត ៕
ដោយ៖ ឡូ សំអាត
