ភ្នំពេញ៖ គណៈបញ្ជាការឯកភាពខណ្ឌទួលគោកដឹកនាំរួមដោយលោកប៉ាង លីដា អភិបាលរងខណ្ឌចុះត្រួតពិនិត្យអាវុធជាតិផ្ទុះនិងជាតិស្រវឹង កាលពីវេលាម៉ោង១១យប់ថ្ងៃទី២៤ខែមករា ២០១៦ រហូតដល់ម៉ោង២រំលងអាធ្រាត្រឈានចូលថ្ងៃទី២៥ជាលិទ្ធផល បានឃាត់ខ្លួនជនសង្ស័យម្នាក់ជាក់ស្តែង ពីបទកាន់កាប់អាវុធជាតិផ្ទុះដោយគ្មានការអនុញ្ញាត  និងរក្សាទុកដោយខុសច្បាប់នូវសារធាតុញៀននៅចំណុច មុខផ្សារ ហេង លី ផ្លូវលេខ២៧១ ក្រុមទី២៩ ភូមិ១១ សង្កាត់ទឹកល្អក់ទី៣ ខណ្ឌទួលគោក រាជធានី ភ្នំពេញ ។

ជនសង្ស័យឈ្មោះ ឃីន ប៊ុនណា ហៅប៊ុនណា ភេទប្រុស អាយុ ៣៦ឆ្នាំ ជនជាតិខ្មែរ មុខរបរពុំពិតប្រាកដ មានទីលំនៅដើម ភូមិព្រះអណ្តូង ឃុំកណ្តុរជ្រុំ ស្រុកពញ្ញាក្រែក ខេត្តកំពង់ចាម ស្នាក់នៅបណ្តោះ អាសន្នផ្ទះជួលម្តុំលូប្រាំ សង្កាត់ស្ទឹងមានជ័យ ខណ្ឌ មានជ័យ រាជធានីភ្នំពេញ ។

វត្ថុតាងចាប់យក៖ អាវុធខ្លីមួយដើម ម៉ាក K 59 មានលេខ2034 បង់មួយ, គ្រាប់ចំនួន ០៨គ្រាប់, ក្រាមពណ៌សថ្លា (សង្ស័យជាគ្រឿងញៀន )ចំនួន ២កញ្ចប់តូច, ម៉ូតូមួយគ្រឿងម៉ាកហុងដាឌ្រីម សេ១២៥ ពណ៌ខ្មៅ ស៊េរី២០១៣ មានលេខតួ និងលេខម៉ាស៊ីន 88199 10 ពាក់ស្លាកលេខភ្នំពេញ 1BW-8520, ឧបករណ៌សម្រាប់ជក់គ្រឿងញៀន១, ប័ណ្ណ Golden edge Naga world មានលេខ 100200813 របស់ឈ្មោះ ឃីន ប៊ុនណា ១សន្លឹក, ទូរសព័្ឌ២គ្រឿងម៉ាក Samsung note ពណ៌ស គ្មានស៊ីម និងម៉ាក Nokia ពណ៌ខ្មៅ មានស៊ីម លេខ 096 406 518 ។

បច្ចុប្បន្នជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរចាត់ការតាមនីតិវិធី ៕

ដោយ៖ ស ដារ៉ា