ភ្នំពេញ ៖ មានរថយន្តម៉ាកហុីយ៉ាន់ដាយមួយគ្រឿងប្រភេទទេសចរណ៍បេីកបរដោយបុរសម្នាក់ជាជនជាតិចិន បានពន្លះទ្រូងផ្លូវក្នុងបរិវេណកោះពេជ្រយ៉ាងពេញទំហឹងបណ្ដាលឲ្យរងការខូចខាតយ៉ាងដំណំ និងរងរបួសធ្ងន់មនុស្សម្នាក់ កាលពីវេលាម៉ោង៣ និង៥០នាទីរំលងអធ្រាត្រ ឈានចូលថ្ងៃទី២៦ ខែមិថុនា ឆ្នាំ២០២០ ស្ថិតនៅក្នុងបរិវេណកោះពេជ្រ ក្បែរស្ពានឥន្ទធនូ ក្នុងសង្កាត់ទន្លេបាសាក់ខណ្ឌចំការមន រាជធានីភ្នំពេញ ។
តាមប្រភពព័ត៌មានពីសន្តិសុខក្នុងកោះពេជ្រ បានឲ្យដឹងថា មុនកេីតហេតុគេឃេីញរថយន្តបង្កម៉ាកហុីយ៉ាន់ដាយ ប្រភេទរថយន្តទេសចរណ៍ ពណ៌ខ្មៅ ពាក់ស្លាកលេខភ្នំពេញ 2AZ- 3557 បានធ្វេីដំណេីរពីកេីតមកលិច ក្នុងល្បឿនយ៉ាងលឿន ។ លុះមកដល់ចំណុចកេីតហេតុក្បែរស្ពានឥន្ទធនូបានបុកទ្រូងផ្លូវយ៉ាងពេញទំហឹង បណ្ដាលឲ្យរថយន្តបង្កក្រឡាប់ជាច្រេីនត្រឡប់ រងការខូចខាតយ៉ាងដំណំ និងធ្វេីឲ្យតៃកុងជាជនជាតិចិនបេីកបរតែម្នាក់ឯងរងរបួសធ្ងន់ផងដែរ ។
ក្រោយកេីតហេតុភ្លាមៗ សន្តិសុខក្នុងកោះពេជ្រ បានទាក់ទងទៅខាងរថយន្តសាមុយឲ្យមកដឹកជនរងគ្រោះទៅសង្គ្រោះអាយុជីវិត រួចទាក់ទងទៅសមត្ថកិច្ចមូលដ្ឋានឲ្យចុះមកពិនិត្យដល់កន្លែងកេីតហេតុ ។ បន្ទាប់មកសមត្ថកិច្ចជំនាញចរាចរណ៍ខណ្ឌចំការមនបានមកធ្វេីការវាស់វែងយករថយន្តបង្កខាងលេីទៅរក្សាទុកនៅការិយាល័យចរាចរណ៍ជេីងគោក នៃស្នងការដ្ឋាននគរបាលរាជធានីភ្នំពេញ ដេីម្បីរង់ចាំដោះស្រាយតាមក្រោយ ៕ ដោយ៖ ភារ៉ា ដង្កោ
