ក្នុងពិធីព្យុហត្រា ទាហានស្រីម្នាក់របស់រុស្ស៊ី បានរបូតស្បែកជើង ប៉ុន្តែនាងនៅតែធ្វើដំណើរដោយជើងទទេ ទៅតាមក្បួនដង្ហែរ ទទួលបានការសរសើរយ៉ាងខ្លាំង។ ក្រោយបង្ហោះរូបភាពនឹងរឿងរ៉ាវ លើបណ្តាញសង្គម ទទួលបានការចាប់អារម្មណ៍យ៉ាងខ្លាំង ដោយឲ្យរហ័សនាមថាស៊ិនដេរីឡា (cinderella)២០២០របស់រុស្ស៊ី។
ទាហានស្រីខាងលើមានឈ្មោះKsenia Kalchinskaya អាយុ២៦ឆ្នាំ ទទួលបានការសរសើរយ៉ាងខ្លាំង ដោយនាងបានដោះស្រាយស្ថានភាពល្អ បើទោះបីរបូតស្បែកជើងមួយជំហៀងក្តី ក៏នៅតែរក្សាជំហរហូតដល់ក្បួនដើរបញ្ចប់។ មិនតែប៉ុណ្ណោះ នាងមានរូបសម្រស់ដ៏ស្រស់ស្អាត់ ទាក់ទាញ ទើប គេឲ្យឈ្មោះថាជា ស៊ិនដេរីឡា។
ដោយឃើញសកម្មភាព និងការដោះស្រាយស្ថានភាពស្ថានភាពបានល្អ មិនប៉ះពាល់ដល់ក្បួនដង្ហែរ ឧត្តមនាវី Alexander Nosatov មេបញ្ជាការកម្លាំង កងពលប្រចាំសមុទ្រBaltic របស់ទាហានរុស្ស៊ីបានចាប់អារម្មណ៍យ៉ាងខ្លាំង ក៏បានស្នើដល់កងពលផ្តល់អត្តសញ្ញាណ ដើម្បីទទួលបានរង្វាន់លើកទឹកចិត្ត។
ឧត្តមនាវី Alexander Nosatov បានលើកឡើងថា«ទោះបីរបូតស្បែកជើងមួយជំហៀង តែនាងបោះជំហានបានយ៉ាងល្អ គ្មានអ្នកណាម្នាក់ដឹកថានាង ដើរជើងទទេនោះឡើយ។ សូមផ្តល់អត្តសញ្ញាណដើម្បីលើកទឹកចិត្តដាច់ដោយឡែកលើរូបនាង»។ សូមបញ្ជាក់ថាពិធីដង្ហែរក្បួនព្យុហយាត្រត្រូវបានធ្វើឡើងនៅថ្ងៃ២៤ខែមិថុនា កន្លងមក៕
https://youtu.be/bpsm1eNV2m8
