ក្លិបយក្សអឺរ៉ុបទាំង២គឺអធិរាជស Real Madrid នៅអេស្ប៉ាញ និងក្លឹបបិសាចក្រហម Manchester United ហាក់ដូចជាជំរើសដ៏ល្អបំផុតសំរាប់កីឡាករ Jadon Sancho ដែលនៅតែបន្តជាប់ទាក់ទងនឹងការផ្លាស់ប្តូរពីក្លឹប Borussia Dortmund ។

Sancho ត្រូវបានគេរាយការណ៍ថា កៀកនឹងផ្ទេរទៅកាន់ទឹកដី Old Trafford ប៉ុន្តែកីឡាករអន្តរជាតិអង់គ្លេសរូបនេះក៏អាចនឹងត្រូវផ្លាស់ទៅកាន់ទឹដី Santiago Bernabeu ផងដែរ។ ប៉ុន្តែមិនទាន់មានសារព័ត៌មានណាមួយអះអាងថា កីឡាកររូបនេះទៅកាន់ក្លឹបណាមួយច្បាស់លាស់នៅឡើយទេ ដោយក្លឹបយក្សទាំង២ខាងលើមានអាទិភាពខ្ពស់ជាងគេ។

យោងតាមសារព័ត៌មាន Le10 Sport បានឲ្យដឹងថា ក្រុម Real Madrid និង Manchester United នឹងឈានមុខគេដើម្បីចុះហត្ថលេខាលើតារាឆ្នើម Jadon Sancho របស់ Borussia Dortmund សម្រាប់រដូវក្តៅខាងមុខ។

Sancho ត្រូវបានគេទាក់ទងឲ្យទៅលេងនៅក្លឹបបិសាចក្រហម បើទោះបីក្លឹបធំៗនិងល្បីៗនៅអឺរ៉ុបដូចជា Real Madrid, Chelsea, Liverpool, Barcelona និង Paris Saint-Germain សុទ្ធសឹងជាគោលដៅដែលកំពុងទាក់ទងកីឡាករឆ្នើមរូបនេះ ។

តាមការចេញផ្សាយរបស់សារព័ត៌មានអេស្ប៉ាញបានឲ្យដឹងថា លោក Zinedine Zidane ចង់នាំ Sancho មកកាន់ Real Madrid ខណៈដែលក្លឹប Dortmund ទាមទារថ្លៃឈ្នួលកីឡាកររូបនេះច្រើនពេក ៕

ដោយ៖ ភារៈ