ភ្នំពេញ៖ កម្លាំងនគរបាលការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននរគបាលរាជធានីភ្នំពេញ បានចុះឃាត់ខ្លួនយុវជនម្នាក់ តាមដីការតុលាការ ពីបទរំលោភលើទំនុកចិត្ត កាលពីរសៀលថ្ងៃទី២៥ ខែមករា ឆ្នាំ២០១៦ ស្ថិតនៅចំណុចផ្ទះលេខ១៩H ផ្លូវ២៦៥ សង្កាត់ទឹកល្អក់៣ ខណ្ឌទួលគោក ។
ជនសង្ស័យឈ្មោះ សឿង រតនា ភេទប្រុស អាយុ៣៣ឆ្នាំ មានទីលំនៅផ្ទះលេខ១៩H ផ្លូវ២៦៥ សង្កាត់ទឹកល្អក់៣ ខណ្ឌទួលគោក ។
តាមប្រភពព័ត៌មានពីសមត្ថកិច្ចមូលដ្ឋានបានឲ្យដឹងថា ជនសង្ស័យដែលត្រូវនគរបាលព្រហ្មទណ្ឌកម្រិតធ្ងន់ឃាត់ខ្លួននោះ ដោយយោងតាមដីការតុលាការបង្គាប់ឲ្យចាប់ខ្លួន របស់ចៅក្រមស៊ើបសួរនៃសាលាដំបូងរាជធានីភ្នំពេញ លោក សែម សក្កកូឡា ពីបទរំលោភលើទំនុបចិត្ត ដែលប្រព្រឹត្តទៅកាលពីថ្ងៃទី៥-៧ ខែសីហា ឆ្នាំ២០១១ នៅរាជធានីភ្នំពេញ ។
ក្រោយឃាត់ខ្លួនជនសង្ស័យ សមត្ថកិច្ចបានបញ្ចូនទៅស្នងការដ្ឋាននរគបាលរាជធានីភ្នំពេញ ដើម្បីកសាងសំណុំរឿងចាត់ការតាមនីតិវិធី ៕
...
ដោយ៖ ស ដារ៉ា
