ខេត្ដព្រះសីហនុ៖ បុរសម្នាក់បាន ចង.កសម្លាប់ខ្លួនចោលប្រពន្ធនិងកូនៗ ដោយគេសង្ស័យព្រោះតែជីវភាពក្រីក្រ ហើយគ្មានលទ្ធភាពចិញ្ចឹមប្រពន្ធកូន។
ករណីដែលបុរសគិតខ្លីចង.កសម្លាប់ ខ្លួនខាងលើនេះបង្កឱ្យភ្ញាក់ផ្អើលនៅព្រឹក ថ្ងៃទី២៦ ខែមករា ឆ្នាំ២០១៦ នៅក្រុម ១៤ ភូមិ៣ សង្កាត់លេខ១ ក្រុង-ខេត្ដព្រះ សីហនុ ។
បើតាមមន្ដ្រីនគរបាលមូលដ្ឋានឱ្យ ដឹងថា ជនរងគ្រោះដែលចង.កសម្លាប់ ខ្លួនឈ្មោះ ផាន អូន អាយុ៤២ឆ្នាំ មាន ស្រុកកំណើតនៅស្រុកគៀនស្វាយ ខេត្ដ កណ្ដាល បច្ចុប្បន្នរស់នៅភូមិ-សង្កាត់ កើតហេតុខាងលើ មានប្រពន្ធឈ្មោះ ច្រុយ ហាន អាយុ៥១ឆ្នាំ ។ ជនរងគ្រោះ មានកូន៥នាក់ក្នុងបន្ទុក ក្នុងនោះមាន ស្រី៤នាក់ប្រុសម្នាក់ ។
តាមអ្នកភូមិឱ្យដឹងថា ជនរងគ្រោះពុំ មានដីសាងសង់ទីលំនៅស្នាក់នៅសម្រាប់ ប្រពន្ធកូនពិតប្រាកដនោះទេ ដែល បច្ចុប្បន្នបានមកសង់ផ្ទះតូចមួយរបៀប ជាខ្ទមនៅលើដីចំណីរបងវត្ដ ស្ថិតនៅ ចំណុចក្រុមកើតហេតុ ។ អ្នកភូមិបានឱ្យ ដឹងទៀតថា ជនរងគ្រោះនិងប្រពន្ធមាន ជីវភាពក្រីក្រនិងមានមុខរបរដើរស៊ីឈ្នួល យកប្រាក់ទិញអង្ករចិញ្ចឹមកូនបានមួយថ្ងៃ រស់មួយថ្ងៃតែប៉ុណ្ណោះ ។ ជនរងគ្រោះគេ ក៏តែងសង្កេតឃើញផឹកស្រាជាប្រចាំ ទំនងតូចចិត្ដនឹងជីវភាពរកព្រឹកខ្វះល្ងាច នេះទើបជំរុញឱ្យជនរងគ្រោះគិតខ្លីចង.ក សម្លាប់ខ្លួនតែម្ដងទៅ ។
យ៉ាងណាក៏ដោយអ្នកភូមិឯទៀតបាន លើកឡើងថា ការគិតខ្លីបែបនេះជាការ ឆោតល្ងង់មួយ បើទោះជាខ្លួនឯង(ជនរង គ្រោះ)ស្លាប់ទៅក៏ពិតមែន តែបានបន្សល់ ទុកប្រពន្ធកូនឱ្យនៅវេទនាដោយគ្មាន ការទទួលខុសត្រូវ បានត្រឹមបង្កើតកូន តែមិនបានផ្ដល់អនាគតឱ្យពួកគេ ៕
ដោយ៖ ឆ្លាមសមុទ្រ
