ភ្នំពេញ៖គ្រប់គ្នាតែងតែមានការងឿងឆ្ងល់និងចាប់អារម្មណ៍រហូតមកថា តើហេតុអ្វីបានជាបុរសបរទេសភាគច្រើនលង់ស្រលាញ់នារីខ្មែរដែលមានឈាមជ័រជាអ្នកចម្បាំង មានពណ៌សម្បុរខ្មៅស្រអែម សណ្តែកបាយមិនខ្មៅពេកហើយក៏មិនសពេកនោះ?
ដូច្ចេះដើម្បីបំបាត់ចម្ងល់នេះយើងត្រូវទៅដឹងពីលក្ខណៈ៤យ៉ាងរបស់នារីខ្មែរដែលមានសម្បូរខ្មៅស្រអែម ស្គមៗដែលនាំឱ្យបុរសបារាំងឬជនជាតិអឺរ៉ុបស្រលាញ់ទាំងអស់គ្នា៖
១-ភាពរួសរាយរាក់ទាក់
ជាក់ស្តែងស្ត្រីខ្មែរគឺ មានភាពរួសរាយរាក់ទាក់ព្រមទាំងមានទឹកចិត្តល្អ។ មិនតែប៉ុណ្ណោះអ្វីដែលធ្វើឲ្យ ជនជាតិបរទេស ដកចិត្តមិនបាននោះគឺស្នាមញញឹមដ៏ស្រស់ទាក់ទាញ រួមទាំងកាយវិការទន់ភ្លន់ បង្ហាញពី អត្តសញ្ញាណរបស់ខ្មែរ ពេលដែលជួបគ្នានោះ គឺការសំពះនេះតែម្តង។
២-ភាពស្មោះត្រង់
ចរិតស្ត្រីខ្មែរគឺស្មោះត្រង់ ប្រសិនបើ
សម្រេចចិត្តថាស្រលាញ់បុរសណាម្នាក់ហើយ គឺមិនងាយមានគំនិតសាវាបែកចិត្តទៅស្រលាញ់លួចលាក់មានដៃគូរស្នេហា២-៣នាក់នោះទេ។ ម្យ៉ាងវិញទៀតនាងក៏នឹងស្ម័គ្រចិត្តរួមសុខទុក្ខជាមួយអ្នក បើទោះបីជាអ្នកកំពុងស្ថិតក្នុងកាលៈទេសៈលំបាក ឬសប្បាយបែបណាក៏ដោយ។
៣-ផ្តល់តម្លៃ
ស្ត្រីខ្មែរនៅពេលដែលរៀបការហើយគឺ តែងតែទុកប្តីជាធំ ផ្តល់តម្លៃ រៀបចំបាយទឹក ទុកដាក់ឲ្យប្តីគ្មានទាស់ឡើយ។ មិនតែប៉ុណ្ណោះ ពួកគេនឹងបង្រៀនអ្នកឲ្យយល់ដឹងពីរបៀបរបបរស់នៅក្នុងប្រទេសខ្មែរ ស្រលាញ់អ្នកចេញពីចិត្ត មិនមែនគ្រាន់តែចង់បោកបញ្ឆោតព្រោះឃើញអ្នកជាជនជាតិបរទេសមានលុយកាក់ច្រើននោះទេ។
៤-ងាយស្រួលចុះសម្រុង
ស្ត្រីខ្មែរជាមនុស្សស្រី ដែលងាយចុះសម្រុង នៅពេលដែលរៀបការមានប្តីហើយចិត្តនិងគំនិតក៏តាមប្តីដូចគ្នា ទោះបីជាជាតិសាសន៍ខុសគ្នាក្តី របៀបរបបរស់នៅម្ហូបអាហារ ទម្លាប់ផ្សេងៗ នាងក៏នឹងរៀនកែប្រែទៅតាមអ្នកដូចគ្នាដែរ៕ស សម
