ហាងលក់សម្លៀកបំពាក់កូរ៉េខាងត្បូង មានទីតាំងស្ថិតនៅផ្ទះលេខ២៩ មហាវិថី ហុងវឿង ខណ្ឌហ្វូហ៊ូយ ទីក្រុងវ៉េ ត្រូវអគ្គិភ័យឆាបឆេះយ៉ាងសន្ធោសន្ធៅនៅល្ងាចថ្ងៃទី៩ ខែកក្កដា បណ្តាលឲ្យទំនិញ ទ្រព្យសម្បត្តិទាំងប៉ុន្មាននៅខាងក្នុងត្រូវឆេះខ្ទេច។
តំបន់ដែលឆាបឆេះ គឺជាកន្លែងមានអគារកម្ពស់ច្រើនជាន់ ហើយនៅផ្នែកខាងមុខដែលឆេះនេះ សម្រាប់ធ្វើអាជីវកម្មលក់ដូរសម្លៀកបំពាក់ និងសម្ភារប្រើប្រាស់ផ្សេងៗ។
ក្រោយទទួលបានព័ត៌មានភា្លម កម្លាំងពន្លត់អគ្គិភ័យដែលមានរថយន្តពន្លត់អគ្គិភ័យដល់ទៅ៤០គ្រឿង បានមកកាន់ទីតាំងឆាបឆេះ។ រថយន្តពន្លត់អគ្គិភ័យទាំងនោះ តែងតែចូលរួមយុទ្ធនាការទប់ស្កាត់ភ្លើងឆេះនៅតាមអគារខុនដូ។
ដោយសារតែការពន្លត់ទាន់ពេលវេលា ទើបមិនប៉ះពាល់ដល់អគារជិតខាងឡើយ។
មិនមានអ្នកស្លាប់និងរងរបួសក្នុងហេតុការណ៍នោះឡើយ ។ ចំណែកកម្លាំងជំនាញ កំពុងតែស្រាវជ្រាវពីមូលហេតុដែលបណ្តាលឲ្យឆេះ៕ដោយ៖ធី រីណា
