តាមការចេញផ្សាយរបស់ BBC Sport បានបង្ហាញពីទីផ្សារដោះដូរកីឡាករ-គ្រូបង្វឹកមួយចំនួនដែលអាចកើតមាន ឬក៏អាចជាពាក្យចចាមអារ៉ាម។ យោងតាមការចេញផ្សាយខាងល់ “គេហទំព័រនគរវត្ត” សូមធ្វើការបង្ហាញពីផ្សាយដោះដូរកីឡាករ-គ្រូបង្វឹកក្នុងវិស័យកីឡានៅលើពិភពលោកសម្រាប់មួយសប្តាហ៍នេះដូចខាងក្រោម៖
១-ក្លឹប Manchester City អាចចុះហត្ថលេខាលើខ្សែប្រយុទ្ធអាហ្សង់ទីន Lionel Messi វ័យ៣៣ឆ្នាំនៅពេលកុងត្រារបស់គាត់ផុតកំណត់នៅរដូវក្តៅខាងមុខនេះ ប្រសិនបើអ្នកចាត់ការ Pep Guardiola ចាកចេញពីក្លឹប។
២-ក្លឹបតោខៀវ Chelsea កំពុងស្វែងរកលក់កីឡាករចំនួន៦នាក់ដើម្បីជាថ្នូរនឹងការផ្ទេរខ្សែបម្រើកណ្តាលអាល្លឺម៉ង់ Kai Havertz វ័យ២១ឆ្នាំដែលមានតម្លៃប្រហែល៩០លានផោនរបស់ក្លឹប Bayer Leverkusen ។
៣-ក្លឹប Arsenal និង Napoli ទាំងពីរចាប់អារម្មណ៍នឹងខ្សែបម្រើស្លាបសញ្ជាតិបារាំង Allan Saint-Maximin វ័យ២៣ឆ្នាំ។
៤-ក្លឹប Arsenal ត្រៀមបើកកិច្ចពិភាក្សាជាមួយខ្សែប្រយុទ្ធបារាំង Alexandre Lacazette វ័យ២៩ឆ្នាំជុំវិញកិច្ចព្រមព្រៀងថ្មី។
៥-ក្លឹប Paris St-Germain កំពុងសម្លឹងមើលការផ្លាស់ប្តូរខ្សែការពារស្លាបស្តាំរបស់ Arsenal កីឡាករ Hector Bellerin វ័យ២៥ឆ្នាំ ដោយក្លឹប Juventus និង Bayern Munich ក៏ចាប់អារម្មណ៍ផងដែរ។
៦-ខ្សែបម្រើ Thiago Alcantara វ័យ២៩ឆ្នាំ របស់ក្លិប Bayern Munich កំពុងកៀកក្នុងការផ្លាស់ទៅលេងនៅ Premier League ដោយ Liverpool កំពុងសម្លឹងមើលការផ្ទេរក្នុងតម្លៃ៣២លានផោនសម្រាប់កីឡាករអន្តរជាតិអេស្ប៉ាញរូបនេះ។ ទោះយ៉ាងណាលោក Hansi Flick គ្រូបង្វឹកក្រុម Bayern Munich មានប្រសាសន៍ថាគាត់កំពុងប្រឹងប្រែងអស់ពីសមត្ថភាពដើម្បីបញ្ចុះបញ្ចូល Alcantara ឱ្យស្នាក់នៅជាមួយ Bayern Munich បន្តទៀត។
៧-ខ្សែការពារក្រុមជម្រើសជាតិអង់គ្លេស Danny Rose វ័យ៣០ឆ្នាំ បារម្ភពីអាជីពរបស់គាត់នៅ Tottenham ត្រូវបានបញ្ចប់ ហើយគាត់កំពុងលេងក្នុងការខ្ចីជើងនៅក្លឹប Newcastle ។
៨-ក្លឹប Sevilla និង Atletico Madrid កំពុងថ្លឹងថ្លែងការផ្តល់ជូនសម្រាប់ខ្សែបម្រើ Ivan Rakitic វ័យ៣២ឆ្នាំ របស់ក្លឹប Barcelona សញ្ជាតិក្រូអាតដែលគ្រោងនឹងចាកចេញពី Nou Camp នៅរដូវក្តៅនេះ។
៩-កីឡាករក្រុមអ្នកមានបុណ្យ Barcelona មានការខឹងសម្បារយ៉ាងខ្លាំងប្រសិនបើមានការតែងតាំងលោក Xavi ធ្វើជាអ្នកចាត់ការទូទៅ បន្ទាប់ពីអតីតខ្សែបម្រើរបស់ពួកគេបានចុះកុងត្រាថ្មីជាមួយក្រុម Qatari side Al-Sadd ។
១០-លោក Carlo Ancelotti គ្រូបង្វឹកក្រុម Everton និយាយថា លោកនឹងមិនលក់កីឡាករឆ្នើមរបស់ខ្លួនឡើយដោយខ្សែការពារបារាំង Lucas Digne វ័យ២៦ឆ្នាំ ខ្សែប្រយុទ្ធប្រេស៊ីល Richarlison វ័យ២៣ឆ្នាំ និងខ្សែការពារអង់គ្លេស Mason Holgate វ័យ២៣ឆ្នាំ មានលេចឮដំណឹងចង់ផ្លាស់ប្តូរនៅរដូវក្ដៅចេញពីកីឡដ្ឋាន Goodison Park ។
១១-អតីតខ្សែបម្រើ Paul Scholes និយាយថា ក្រុមបិសាចក្រហម Manchester United បានធ្វើខុសដោយមិនបានចុះហត្ថលេខាលើខ្សែប្រយុទ្ធន័រវែសកីឡាករ Erling Braut Haaland អាយុ១៩ឆ្នាំ មុនពេលគាត់ផ្លាស់ទៅក្លឹប Borussia Dortmund ពីក្រុម Red Bull Salzburg ។
១២-ខ្សែប្រយុទ្ធសញ្ជាតិក្រូអាត Mario Mandzukic វ័យ៣៤ឆ្នាំ បានក្លាយជាភ្នាក់ងារឥតគិតថ្លៃបន្ទាប់ពីបានបញ្ចប់កិច្ចសន្យារបស់គាត់ជាមួយក្រុម Al-Duhail របស់ប្រទេសកាតារ។
១៣-ក្លឹប Napoli ចាប់អារម្មណ៍ក្នុងការចុះហត្ថលេខាលើកីឡាករនីហ្សេរីយ៉ាវ័យ២១ឆ្នាំ របស់ក្លឹបបារាំង Lille ។
១៤-ការមកដល់របស់ Osimhen នៅ Napoli អាចជួយពន្លឿនការចាកចេញរបស់កីឡាករអន្តរជាតិប៉ូឡូញ Arkadiusz Milik ដែលមានវ័យ២៦ឆ្នាំ ដោយក្លឹប Tottenham និង Juventus សុទ្ធតែចង់បានរូបគេន។
១៥-អ្នកចាត់ការក្រុមតោខៀវ Chelsea លោក Frank Lampard បានផ្តោតគោលដៅទៅលើកីឡាករក្លឹប West Ham គឺខ្សែបម្រើអង់គ្លេស Declan Rice វ័យ២១ឆ្នាំជាខ្សែការពារកណ្តាលដ៏មានសក្តានុពលសម្រាប់ក្រុមរបស់គាត់។
១៦-ក្រុម Manchester City និង Manchester United ទាំងពីរចាប់អារម្មណ៍នឹងខ្សែការពារកណ្តាលដូចគ្នាគឺខ្សែការពារក្លឹប Napoli សញ្ជាតិសេណេហ្គាល់ Kalidou Koulibaly វ័យ២៩ឆ្នាំ និង Milan Skriniar វ័យ២៥ឆ្នាំដែលលេងឲ្យក្រុម Inter Milan និង Sloviakia ។
១៧-ក្រុមតោខៀវ Chelsea និង Real Madrid បានបង្កើនកិច្ចខិតខំប្រឹងប្រែងដើម្បីចុះហត្ថលេខាលើខ្សែបម្រើរបស់ក្លិប Lazio គឺកីឡាករ Sergej Milinkovic-Savic នៅពេលពួកគេព្យាយាមប្រជែងក្រុម Manchester United និង Paris St-Germain លើកីឡាករអន្តរជាតិស៊ែប៊ីវ័យ២៥ឆ្នាំរូបនេះ។
១៨-អ្នកចាត់ការក្រុមបិសាចក្រហមលោក Ole Gunnar Solskjaer បានចាប់អារម្មណ៍ខ្សែការពារកណ្តាលក្លឹប Bournemouth កីឡាករ Nathan Ake ដោយលោកត្រូវការខ្សែការពារកណ្តាលឆ្វេងម្នាក់ទៀត។
១៩-ក្លឹប Crystal Palace គ្រោងនឹងផ្ទេរតម្លៃ២៥លានផោនសម្រាប់ខ្សែប្រយុទ្ធបារាំង Odsonne Edouard វ័យ ២២ឆ្នាំរបស់ក្រុម Celtic ។
២០-ក្រុម Bayern Munich នឹងទុកខ្សែការពារសញ្ជាតិអូទ្រីសវ័យ២៨ឆ្នាំ David Alaba ដែលកិច្ចសន្យារបស់គាត់ផុតនៅឆ្នាំ២០២១ ដើម្បីសំរេចថាតើគាត់ចង់នៅជាមួយក្លឹបបន្តទៀត ឬផ្លាស់ទៅ Premier League ។
២១-ក្លឹប RB Leipzig រំពឹងថាខ្សែការពារបារាំងវ័យ២១ឆ្នាំ Dayot Upamecano ដែលមានទំនាក់ទំនងជាមួយ Arsenal នឹងបន្តកុងត្រាបន្តទៀតនៅពេលដែលកិច្ចព្រមព្រៀងបច្ចុប្បន្នរបស់គាត់នឹងផុតនៅឆ្នាំ២០២១ ។
២២-ក្លឹបសេះបង្កង់ Juventus កំពុងសម្លឹងមើលការផ្លាស់ប្តូររដូវក្តៅសម្រាប់ខ្សែបម្រើតោខៀវ សញ្ជាតិអ៊ីតាលី Jorginho វ័យ២៨ឆ្នាំ។
២៣-ក្លឹប Real Madrid មិនមានគម្រោងនឹងធ្វើការចុះហត្ថលេខាណាមួយនៅរដូវក្តៅនេះទេដោយសារតែផលប៉ះពាល់នៃជំងឺឆ្លងកូវីដ-១៩។ ផ្ទុយទៅវិញក្លឹបសង្ឃឹមថានឹងរកប្រាក់បាន១៩០លានផោនក្នុងការលក់កីឡាករដោយខ្សែការពារស្លាបវែល Gareth Bale វ័យ៣០ឆ្នាំដែលអាចត្រូវបានផ្លាស់ប្តូរទៅក្លឹបផ្សេង។
២៤-យោងតាមភ្នាក់ងាររបស់ខ្សែការពារ Achraf Hakimi បានឲ្យដឹងថា អ្នកចាត់ការទូទៅរបស់ក្លឹប Real Madrid លោក Zinedine Zidane គឺជាមូលហេតុដែលកីឡាករអន្តរជាតិរបស់ប្រទេសម៉ារ៉ុកវ័យ២១ឆ្នាំរូបនេះ ចាកចេញពីក្លឹបអេស្ប៉ាញដើម្បីចូលរួមជាមួយក្រុម Inter Milan ។
២៥-អតីតខ្សែការពារក្រុមជម្រើសជាតិអង់គ្លេសគឺលោក John Terry ដែលជាជំនួយការអ្នកចាត់ការក្លឹប Aston Villa លោក Dean Smith គឺជាបេក្ខជនដើម្បីក្លាយជាអ្នកចាត់ការទូទៅរបស់ក្រុម Bristol City ។
២៦-ក្រុម Manchester City និង Juventus បានឈានមុខគេលើក្រុម Barcelona ក្នុងការតាមប្រមាញ់ខ្សែការពារស្លាបសញ្ជាតិអេស្ប៉ាញ Adama Traore វ័យ៤ឆ្នាំ។
២៧-ក្រុមតោខៀវ Chelsea កំពុងស្ថិតក្នុងជំហរដើម្បីចុះហត្ថលេខានាំយកខ្សែប្រយុទ្ធឆ្នើមរបស់ក្លឹប Bayer Leverkusen កីឡាករ Kai Havertz វ័យ២១ឆ្នាំជាមួយនឹងការដាក់តម្លៃខ្លួន៩០លានផោនរបស់អាល្លឺម៉ង់មួយនេះ។
២៨-ក្លឹប Barcelona បានសាកសួរអំពីការចុះហត្ថលេខាលើខ្សែបម្រើសញ្ជាតិបារាំង Tanguy Ndombele វ័យ២៣ឆ្នាំរបស់ក្លឹប Tottenham និងខ្សែការពារអង់គ្លេស Ryan Sessegnon នៅក្នុងកិច្ចព្រមព្រៀងដោះដូរកីឡាករ។
២៩-ក្លឹប Tottenham អាចនឹងស្វែងរកការផ្លាស់ប្តូរលក្ខខណ្ឌខ្ចីជើងសម្រាប់ Sessegnon នៅរដូវក្តៅនេះចំពេលមានការព្រួយបារម្ភចំពោះការអភិវឌ្ឍរបស់កីឡាករវ័យ២០ឆ្នាំរូបនេះកំពុងជាប់គាំងក្រោមការដឹកនាំរបស់លោក Jose Mourinho ។
៣០-ក្រុម Borussia Dortmund បានកំណត់ពេលវេលាដល់ថ្ងៃទី១០ ខែសីហាដើម្បីបំពេញការចុះហត្ថលេខាលើខ្សែបម្រើស្លាបអង់គ្លេស Jadon Sancho វ័យ២០ឆ្នាំ។
៣១-ខ្សែប្រយុទ្ធអង់គ្លេស Tammy Abraham វ័យ២២ឆ្នាំបានប្រាប់ទៅ Chelsea ថារូបគេចង់បានកុងត្រាថ្មីដែលមានតម្លៃ១៣០,០០០ ផោនក្នុងមួយសប្តាហ៍។
៣២-លោក David Moyes គ្រូបង្វឹកក្រុម West Ham កំពុងពិចារណាផ្លាស់ប្តូរកីឡាករអង់គ្លេស Phil Jones វ័យ២៨ឆ្នាំ និង Jesse Lingard វ័យ២៧ឆ្នាំ។
៣៣-ក្លឹប Arsenal, West Ham និង Everton ចាប់អារម្មណ៍កីឡាករក្លឹប Athletic Bilbao វ័យ២៣ឆ្នាំនិងខ្សែការពារសញ្ជាតិអេស្ប៉ាញ Unai Nunez ។
៣៤-អតីតខ្សែប្រយុទ្ធក្រុមជម្រើសជាតិអង់គ្លេស Daniel Sturridge ចង់ចូលរួមជាមួយក្លឹបនៅលីគទី១ ឬ MLS របស់អាមេរិក។ បច្ចុប្បន្នបុរសវ័យ៣០ឆ្នាំរូបនេះគឺជាភ្នាក់ងារឥតគិតថ្លៃ។
៣៥-ប្រធានក្លឹប Barcelona លោក Josep Bartomeu និយាយថាក្លឹបនេះទំនងជាមិនចុះកុងត្រាជាមួយខ្សែប្រយុទ្ធប្រេស៊ីល Neymar វ័យ២៨ឆ្នាំពី Paris St-Germain នារដូវក្តៅនេះទេ។
៣៦-លោក Saint-Etienne សង្ឃឹមថានឹងរក្សាខ្សែការពារបារាំង William Loiba វ័យ១៩ឆ្នាំសម្រាប់ក្រុមជម្រើសជាតិបារាំងក្នុងការប្រកួតវគ្គផ្តាច់ព្រ័ត្រ French Cup ទោះបីជាមានការមិនចុះសម្រុងគ្នាចំពោះតម្លៃបន្ថែម២,៣លានផោនក៏ដោយ។
៣៧-ភ្នាក់ងាររបស់កីឡាករបានឲ្យដឹងថា កីឡាករ Tahith Chong វ័យ២០ឆ្នាំអាចនឹងចាកចេញពីក្រុម Manchester United នៅរដូវកាលក្រោយ។
៣៨-ក្លឹប Barcelona បានធានាថាខ្សែប្រយុទ្ធបារាំង Antoine Griezmann វ័យ២៩ឆ្នាំគាត់គឺជាផ្នែកមួយនៃផែនការរបស់ពួកគេនៅរដូវកាលក្រោយ ។
៣៩-ក្លឹប Norwich City ចង់បានទឹកប្រាក់ប្រហែល៥០លានផោនសម្រាប់ខ្សែការពារ Ben Godfrey វ័យ២២ឆ្នាំជាមួយ Borussia Dortmund និង RB Leipzig ក្នុងចំណោមក្លឹបដែលចង់បានកីឡាករអន្តរជាតិអង់គ្លេសអាយុក្រោម២១ឆ្នាំរូបនេះ។
៤០-ខ្សែបម្រើស្លាបរបស់ក្រុមជម្រើសជាតិអាឡឺម៉ង់ Kai Havertz វ័យ២១ឆ្នាំបានត្រៀមខ្លួនជាស្រេចក្នុងការស្នើសុំការផ្ទេរទៅក្លឹប Bayer Leverkusen បន្ទាប់ពីបានប្រាប់ក្រុមតោខៀវ Chelsea ថាគាត់ចង់ចូលរួមជាមួយពួកគេនៅរដូវក្តៅនេះ។
៤១-ក្រុមតោខៀវសង្ឃឹមថាអាចឆ្លៀតយកប្រយោជន៍ពីបំណងប្រាថ្នារបស់ Havertz ក្នុងការចូលរួមជាមួយមិត្តរួមក្រុមជម្រើសជាតិអាឡឺម៉ង់ Timo Werner វ័យ២៤ឆ្នាំ និង Antonio Rudiger វ័យ២៧ឆ្នាំនៅកីឡដ្ឋាន Stamford Bridge ។
៤២-ភ្នាក់ងាររបស់កីឡាករ Kevin de Bruyne បាននិយាយសម្ដីថាខ្សែបម្រើសញ្ជាតិប៊ែលហ្សិកវ័យ២៩ឆ្នាំរូបនេះត្រៀមចាកចេញពីទីក្រុង Manchester ដើម្បីចូលរួមជាមួយ Real Madrid ឬ Paris St-Germain ។
៤៣-ក្លឹប Ajax បានប្រជែងជាមួយ Tottenham ក្នុងការចុះហត្ថលេខាជាមួយក្លឹប Southampton យកខ្សែបម្រើសញ្ជាតិដាណឺម៉ាក Pierre-Emile Hojbjerg វ័យ២៤ឆ្នាំ ដោយក្លឹប Everton ក៏ចាប់អារម្មណ៍ផងដែរ។
៤៤-ភ្នាក់ងាររបស់កីឡាករ Jack Grealish វ័យ២៤ឆ្នាំ របស់ក្លឹប Aston Villa បាននិយាយថាខ្សែបម្រើរូបនេះមិនទាន់ឈានដល់កិច្ចព្រមព្រៀងក្នុងការចុះហត្ថលេខាជាមួយក្លឹបបិសាចក្រហម Manchester United ជាមួយនឹងតម្លៃខ្លួនប្រហែល៨០លានផោននៅឡើយទេ។
៤៥-អតីតមិត្តរួមក្រុមរបស់ក្រុម Brentford និងក្រុមជម្រើសជាតិអាល់ហ្សេរីកីឡាករ Said Benrahma វ័យ២៤ឆ្នាំបានអបអរសាទរខ្សែបម្រើស្លាបរូបនេះចំពោះការផ្លាស់ទៅកាន់ Chelsea នៅលើបណ្តាញសង្គម Instagram ដោយលើកឡើងពីកិច្ចព្រមព្រៀងមួយសម្រាប់កីឡាកររូបនេះដែលមានតម្លៃជាង៣០លានផោន។
៤៦-ក្រុម Manchester City មានជំនឿចិត្តថាខ្សែការពារ Eric Garcia វ័យ១៩ឆ្នាំនឹងនៅជាមួយពួកគេចំពេលមានគេនិយាយថា កីឡាកររូបនេះត្រូវបានក្លឹប Barcelona ចាប់អារម្មណ៍។
៤៧-ក្លឹបសេះបង្កង់ Juventus បានផ្តល់ជូន Chelsea នូវការជ្រើសរើសកីឡាករពីររូបរួមមានកីឡាករអន្តរជាតិវែល Ram Ramsey វ័យ២៩ឆ្នាំ ជាថ្នូរនឹងខ្សែបម្រើអ៊ីតាលី Jorginho វ័យ២៨ឆ្នាំ។
៤៨-ក្រុម Sevilla គ្រោងនឹងចុះកុងត្រាដើម្បីចុះហត្ថលេខាជាមួយខ្សែការពាររបស់ក្លឹបកាំភ្លើងធំ Arsenal សញ្ជាតិអេស្ប៉ាញ Hector Bellerin វ័យ២៥ឆ្នាំនៅរដូវក្តៅនេះ។ ទាំង Juventus និង Inter Milan ក៏ចាប់អារម្មណ៍នឹងកីឡាកររូបនេះដែរ។
៤៩-ក្រុមបិសាចក្រហម Manchester United កំពុងសំឡឹងមើលកីឡាករអន្តរជាតិហុល្លង់ Nathan Ake វ័យ២៥ ឆ្នាំ របស់ក្លឹប Aston Villa, ខ្សែការពារអង់គ្លេស Tyrone Mings វ័យ២៧ឆ្នាំ របស់ក្លឹប AC Milan និងខ្សែការពារអ៊ីតាលី Alessio Romagnoli វ័យ២៥ឆ្នាំជាជម្រើសដើម្បីចាប់ដៃគូ Harry Maguire ក្នុងតំបន់ការពារកណ្តាល។
៥០-ខ្សែការពារក្លឹប RB Leipzig បានជំនួសកន្លែងកីឡាករ Timo Werner ដែលមានវ័យ២៤ឆ្នាំដែលទៅលេងឲ្យក្រុមតោខៀវ Chelsea ដោយកីឡាករខ្សែប្រយុទ្ធកូរ៉េខាងត្បូង Hwang Hee-chan វ័យ២៤ឆ្នាំ មកពីក្រុម Red Bull Salzburg ។ ខ្សែការពារសញ្ជាតិអាឡឺម៉ង់ Benjamin Henrichs វ័យ២៣ឆ្នាំក៏កំពុងធ្វើដំណើរទៅកាន់ក្លឹប Bundesliga ក្នុងលក្ខខណ្ឌខ្ចីជើងពី Monaco ផងដែរ។
៥១-ក្លឹប Sheffield United គ្រោងនឹងចំណាយប្រាក់១០លានផោនសម្រាប់ខ្សែបម្រើ Norwich Todd Cantwell វ័យ២២ឆ្នាំ ។
៥២-លោក Pep Guardiola គ្រូបង្វឹករបស់ក្រុម Manchester City កំពុងពិចារណាលើការផ្លាស់ប្តូរសម្រាប់កីឡាករខ្សែការពារឆ្វេង David Alaba វ័យ២៨ឆ្នាំពីក្រុម Bayern Munich នៅរដូវក្តៅនេះ។
៥៣-ភ្នាក់ងាររបស់ Kevin de Bruyne និយាយថាខ្សែបម្រើសញ្ជាតិប៊ែលហ្សិកវ័យ២៩ឆ្នាំរូបនេះនឹងមិនចាកចេញពី Manchester City នៅរដូវក្តៅនេះទេ ទោះបីមានការចង់បានពីក្លឹបធំៗនៅអឺរ៉ុបក៏ដោយ។
៥៤-ក្លឹប Everton ប្រឈមមុខនឹងការប្រជែងគ្នាដើម្បីចុះហត្ថលេខាជាមួយខ្សែការពារសញ្ជាតិប្រេស៊ីល Gabriel Magalhaes វ័យ២២ឆ្នាំ បន្ទាប់ពីមានក្លឹបទី២នៃក្របខ័ណ្ឌ Premier League មួយបានធ្វើការដេញថ្លៃសម្រាប់កីឡាកររូបនេះដែរ។
៥៥-ក្រុមកាំភ្លើងធំ Arsenal ចង់រក្សាអ្នកចាំទីអាហ្សង់ទីន Emiliano Martinez វ័យ២៧ឆ្នាំបន្ទាប់ពីទុកផែនការសម្រាប់អ្នកចាំទីរញ្ជួយនៅរដូវក្តៅនេះ។
៥៦-ក្លឹប Real Madrid ត្រៀមខ្លួនប្រជែងថ្លៃសម្រាប់ខ្សែប្រយុទ្ធសញ្ជាតិស៊ែប៊ី Luka Jovic វ័យ២២ឆ្នាំ។
៦៧-ក្លឹប Leicester City ជឿជាក់ថាពួកគេអាចចុះហត្ថលេខាជាមួយ Jovic ក្នុងតម្លៃប្រហែល៣១លានផោនហើយបានទាក់ទងជាមួយភ្នាក់ងាររបស់គាត់។
៥៨-នាយកកីឡាក្លឹប Borussia Dortmund លោក Michael Zorc មានប្រសាសន៍ថាក្លឹបអាល្លឺម៉ង់បានតម្រង់ជួរគ្នាក្នុងការជំនួសកន្លែង ប្រសិនបើខ្សែប្រយុទ្ធស្លាប Jadon Sancho វ័យ២០ឆ្នាំ ចាកចេញនៅរដូវក្តៅនេះ។
៥៩-លោក Ole Gunnar Solskjaer គ្រូបង្វឹករបស់ក្រុមបិសាចក្រហមបានប្រាប់ក្លឹបថាលោកចង់ចុះហត្ថលេខាលើខ្សែ ប្រយុទ្ធនិងខ្សែការពារកណ្តាលម្នាក់នៅរដូវក្តៅនេះ។
៦០-ក្រុមហង្សក្រហម Liverpool ត្រូវបានពិភាក្សាជាមួយក្រុម Fulham ដើម្បីកំណត់ថ្លៃឈ្នួលសំណងសម្រាប់ Harvey Elliott ។ ខ្សែបម្រើស្លាបវ័យ១៧ឆ្នាំរូបនេះបានចូលរួមជាមួយហង្សក្រហមកាលពីរដូវក្តៅមុនបន្ទាប់ពីចប់កុងត្រារបស់គាត់នៅឯ Craven Cottage ។
៦១-ខ្សែបម្រើសាធារណរដ្ឋអៀរឡង់ Jeff Hendrick វ័យ២៨ឆ្នាំគ្រោងនឹងខកខានការផ្លាស់ទៅកាន់ក្លិប AC Milan ដោយសារតែមិនទាន់ដាច់ស្រេចរឿងតម្លៃខ្លួនជាបន្ទាប់ពីកិច្ចសន្យារបស់គាត់បានបញ្ចប់នៅក្លឹប Burnley ។
៦២-ក្លឹប Real Madrid គ្រោងនឹងទិញខ្សែប្រយុទ្ធបារាំង Kylian Mbappe វ័យ២១ឆ្នាំមកពី Paris St-Germain និងខ្សែបម្រើសញ្ជាតិបារាំង Eduardo Camavinga វ័យ១ឆ្នាំ ពី Rennes ក្នុងឆ្នាំ២០២១ ហើយបានប្រាប់អ្នកទាំងពីរមិនឲ្យបន្តកុងត្រាថ្មីទៀតទេ។ ប៉ុន្តែព័ត៌មាននេះក្លឹបយក្សរបស់បារាំងមិនទាន់ឆ្លើយតបនោះទេ។
៦៣-ក្លឹប Leeds ចាប់អារម្មណ៍លើខ្សែការពារកណ្តាល Brighton Haydon Roberts ដោយក្លឹប Brentford, Derby, RB Leipzig និង Mainz ក៏ចាប់អារម្មណ៍លើកីឡាករវ័យ១៨ឆ្នាំនេះដែរ។
៦៤-ក្លឹប Inter Milan ចង់ចុះហត្ថលេខាលើខ្សែការពារស្លាបឆ្វេងសញ្ជាតិអ៊ីតាលី Emerson Palmieri វ័យ២៥ឆ្នាំនិងខ្សែប្រយុទ្ធបារាំង Olivier Giroud វ័យ៣៣ឆ្នាំមកពីក្លឹប Chelsea ។
៦៥-អ្នកចាំទីសញ្ជាតិអាមេរិក Zack Steffen វ័យ២៥ឆ្នាំនឹងត្រលប់មកលេងនៅក្លឹប Manchester City វិញនៅរដូវកាលក្រោយបន្ទាប់ពីចំណាយពេលមួយរដូវកាលខ្ចីជើងពីក្លឹបអាល្លឺម៉ង់ Fortuna Dusseldorf ។
៦៦-ក្រុមតោខៀវ Chelsea បានចូលរួមជាមួយក្រុម Manchester City និងក្រុម Juventus ក្នុងការដេញថ្លៃកីឡាករ Facundo Pellistri វ័យ១៨ឆ្នាំ។ កិច្ចសន្យារបស់ខ្សែប្រយុទ្ធសញ្ជាតិអ៊ុយរ៉ាហ្គាយរូបនេះនឹងចប់នៅឆ្នាំ២០២២ ។
៦៧-ក្លឹប Saint-Etienne សង្ឃឹមថានឹងបញ្ចុះបញ្ចូលក្លឹប Arsenal ឱ្យខ្សែការពារកណ្តាលបារាំង William Saliba វ័យ១៩ឆ្នាំវិលត្រឡប់ទៅខ្ចីជើងលេងនៅវគ្គផ្តាច់ព្រ័ត្រ Coupe de France ទល់នឹងPSG នៅចុងខែនេះ ៕
