កីឡាអន្តរជាតិ៖ប្រធានគណៈកម្មាធិការអូឡាំពិកអន្តរជាតិ (IOC) នៅតែប្តេជ្ញាចិត្តពេញលេញក្នុងការចូលរួមព្រឹត្តិការណ៍អូឡាំពិកទីក្រុងតូក្យូនៅឆ្នាំ ២០២១ និងកំពុងពិចារណាលើសេណារីយ៉ូជាច្រើនដើម្បីធានាសុវត្ថិភាពដល់អ្នកចូលរួមទាំងអស់។ នេះបើយោងតាមសារព័ត៌មានស៊ីនហួរនៅព្រឹកថ្ងៃព្រហស្បតិ៍ ទី១៦ កក្កដានេះ។
ការប្រកួតកីឡាអូឡាំពិកនៅទីក្រុងតូក្យូ ប្រទេសជប៉ុនដែលគ្រោងនឹងចាប់ផ្តើមនៅថ្ងៃទី២៤ ខែកក្កដាឆ្នាំនេះត្រូវបានពន្យារពេលមួយឆ្នាំដោយសារការរីករាលដាលនៃជំងឺរាតត្បាតជាសកលកូវីដ-១៩ ។
លោក Bach ប្រធានគណៈកម្មាធិការអូឡាំពិកអន្តរជាតិ (IOC) បានប្រាប់អ្នកយកព័ត៌មាននៅក្នុងសន្និសីទសន្និសីទមួយបន្ទាប់ពីការប្រជុំក្រុមប្រឹក្សាប្រតិបត្តិអាយអូស៊ីកាលពីថ្ងៃពុធថា “យើងកំពុងធ្វើការរួមគ្នាជាមួយដៃគូ និងមិត្តភក្តិរបស់យើងដើម្បីអបអរព្រឹត្តិការណ៍កីឡានៅឆ្នាំក្រោយចាប់ពីថ្ងៃទី២៣ ខែកក្កដារហូតដល់ថ្ងៃទី៨ ខែសីហា ឆ្នាំ២០២១” ។
លោក Bach បានបន្តថា “ដំបូងIOCទាំងមូលកំពុងធ្វើតាមគោលការណ៍ដែលយើងបានបង្កើតឡើងមុនការពន្យារពេលនៃព្រឹត្តិការណ៍អូឡាំពិកទីក្រុងតូក្យូដែលអាទិភាពទីមួយគឺសុវត្ថិភាពសម្រាប់អ្នកចូលរួមទាំងអស់។ដោយហេតុផលនេះហើយយើងកំពុងធ្វើការលើសេណារីយ៉ូជាច្រើនអំពីការរៀបចំព្រឹត្តិការណ៍កីឡាទាក់ទងនឹងស្ថានភាពសុខភាពដែលយើងមិនដឹង”។
ប្រធាន IOC រូបនេះបានបន្ថែមថា “អង្គការសុខភាពពិភពលោកកំពុងដើរតួនាទីយ៉ាងសំខាន់ ដូច្នេះយើងបន្តដឹកនាំស្របតាមដំបូន្មានរបស់អង្គការសុខភាពពិភពលោក ដោយផ្អែកលើដំបូន្មាននេះដែលយើងកំពុងរៀបចំសេណារីយ៉ូជាច្រើន។ ទោះបីមានសេណារីយ៉ូជាច្រើនកំពុងត្រូវបានគេពិចារណាក៏ដោយក៏កីឡាអូឡាំពិកមួយដែលគ្មានអ្នកទស្សនាមិនមែនជាអ្វីដែលIOCចង់បាននោះទេ។ ការប្រកួតកីឡាអូឡាំពិកដោយបិទទ្វារគឺជាអ្វីដែលយើងមិនចង់បាន។ ដូច្នេះយើងកំពុងរកដំណោះស្រាយសម្រាប់កីឡាអូឡាំពិកដែលមួយផ្នែកត្រូវការពារសុខភាពអ្នកចូលរួម និងមួយផ្នែកទៀតឆ្លុះបញ្ចាំងពីស្មារតីអូឡាំពិកផងដែរ”។
សូមបញ្ជាក់ថា ក្រុមប្រឹក្សាប្រតិបត្តិ IOC កាលពីថ្ងៃពុធក៏បានអនុម័តសេចក្តីសំរេចចិត្តជំរុញការប្រកួតកីឡាអូឡាំពិកយុវជនរដូវក្តៅឆ្នាំ២០២២ ដែលគ្រោងធ្វើនៅទីក្រុងដាកា ប្រទេសសេណេហ្គាល់ចាប់ពីថ្ងៃទី២២ ខែតុលាដល់ថ្ងៃទី៩ ខែវិច្ឆិកា ឆ្នាំ២០២២ ជាកីឡា៤ឆ្នាំម្តង និងជាព្រឹត្តិការណ៍លើកទី១៣៦សម្រាប់ការផ្តល់សច្ចាប័នឲ្យមានរៀបចំការប្រកួតផងដែរ។ ការពន្យារពេលដល់ឆ្នាំ២០២២នេះនឹងអនុញ្ញាតឱ្យ IOC គណៈកម្មាធិការអូឡាំពិកជាតិ (NOCs) និងសហព័ន្ធអន្តរជាតិ (IFs) រៀបចំផែនការសកម្មភាពរបស់ខ្លួនឱ្យបានប្រសើរជាងមុន និងអនុញ្ញាតឱ្យប្រទេសសេណេហ្គាល់ត្រៀមបន្តអនុវត្តសម្រាប់ការរៀបចំអូឡាំពិកយុវជនមួយនេះ ៕ដោយ៖ភារៈ
