ភ្នំពេញ៖បុរសជាកម្មករសំណង់ម្នាក់បានដេកស្លាប់ ក្បែរម៉ូតូមួយគ្រឿងនៅតាមផ្លូវលំ មិនដឹងថាជនរងគ្រោះស្លាប់ដោយសារគ្រោះថ្នាក់ចរាចរ រឺក៏ជាករណីឃាតកម្ម។
ហហេតុការណ៍នេះបង្កឲ្យភ្ញាក់ផ្អើលឡើងនៅម៉ោង១១ យប់ដែលត្រូវថ្ងៃទី១៦ ខែកក្កដា ឆ្នាំ ២០២០ នៅតាមបណ្តោយផ្លូវលំ ក្នុងភូមិកន្ទោកខាងត្បូង ក្នុងសង្កាត់កន្ទោក ខណ្ឌកំបូល រាជធានីភ្នំពេញ។
សមត្ថកិច្ចបានឲ្យដឹងថាជនរងគ្រោះ មានឈ្មោះ មឿន ម៉ាច អាយុ៣៥ ឆ្នាំ មានស្រុកកំណើត នៅខេត្តពោធិ៍សាត់ មុខរបរជាកម្មករសំណង់។
ប្រភពពីកន្លែងកើតហេតុ បានឲ្យដឹងថា មុនពេលកើតហេតុបុរសខាងលើ គាត់ទៅធ្វើការសំណង់នៅម្តុំផ្សារជម្ពូវន្ត ជារៀងរាល់ថ្ងៃ និងចប់ការងារ គាត់តែងតែមកផ្ទះទៀងម៉ោងណាស់ ឲ្យតែម៉ោង ៨ យប់គាត់មកដល់ផ្ទះហើយ ។ នៅព្រឹកថ្ងៃទី១៦ គាត់បានចេញពីផ្ទះទៅធ្វើការទាំងព្រឹក លុះមកដល់ល្ងាចហើយ បាត់គាត់អត់ឃើញមកផ្ទះ ម្តាយនិងប្រពន្ធចេះតែឆ្ងល់ ស្រាប់តែដល់ម៉ោង ១១ យប់ បងប្អូនជីដូនមួយគាត់ ចេញពីធ្វើការជិះកាត់ផ្លូវនឹងឃើញមនុស្សដេកស្លាប់ ពេលដពេលដែលប្អូនប្រុសចុះទៅពិនិត្យមើលមុខទើបដឹងថាជាបងរបស់គាត់ រួចមើលទៅមុខមាត់របស់ជនរងគ្រោះរាងហើម និងបែកឈាមហូរតាមត្រចៀក ប្អូនប្រុសបញ្ជាក់ថា សង្ស័យជាករណីឃាតកម្ម លើបងប្រុសរបស់គាត់ ហើយភហើយភ្លាមៗនោះដែរប្អូនបានទូរស័ព្ទទៅសមត្ថកិច្ច ចុះជួយអន្តរាគមន៍ភ្លាមៗ។
បន្ទាប់ពីកើតហេតុ សមត្ថកិច្ចមូលដ្ឋានចុះមកដល់រួចទាក់ទងទៅខាងជំនាញកោសល្យវិច័យ ឲ្យចុះមកត្រួតពិនិត្យតើជាករណីអ្វីពិតប្រាកដ រួចក៏ធ្វើកំណត់ហេតុ ដើម្ដើម្បីប្រគល់សពយកទៅធ្វើបុណ្យនៅស្រុកកំណើតតាមប្រពៃណី៕ ជ្រោយពេជ្រ
