តាមការវិភាគរបស់អ្នកឯកទេសសេដ្ឋកិច្ចលោកTodd Wood នៅលើសារព័ត៌មានWashington Times ថារុស្សីបានស្វែងរកដៃគូនៅទ្វីបអាស៊ីដើម្បីកែតម្រង់សេដ្ឋកិច្ចគឺជាដំណើរត្រឹមត្រូវបំផុត ប៉ុន្តែខុសពេលវេលា។
សារព័ត៌មានរុស្សីTASS បានផ្សាយថានៅក្នុងកិច្ចប្រជុំជាប្រចាំរបស់ក្រុមសហប្រតិបត្តិការសៀងហៃ BRICS (មានប្រេស៊ីល រុស្សី ចិន ឥណ្ឌា អាហ្វ្រិកខាងត្បូង) ។នៅក្នុងកិច្ចប្រជុំនោះលោកពូទីនចាត់ទុកចិនជាក្បាលម៉ាស៊ីនសេដ្ឋកិច្ចពិភពលោក។ជាមួយនឹងការសសើរឡើកកំពស់ខាងលើ របស់រុស្ស៊ី អ្នកឯកទេសTodd Wood បានបញ្ចាក់ថា ទស្សនរបស់លោកពូទីនក៏ដូចជាអាទិភាពនៅក្នុងការឆ្ពោះទៅកាន់តំបន់អាស៊ីផ្តោតទៅលើចិនជាដៃគូសំខាន់បំផុត ដើម្បីកែតម្រង់សេដ្ឋកិច្ចរបស់ខ្លួនដែលកំពុងតែជួបផលលំបាក។
បច្ចុប្បន្នស្ថានភាពសេដ្ឋកិច្ចមិនជ្រួបគ្រោះអាសន្នដូចកាលពេលមុន ប៉ុន្តែការពិតសេដ្ឋកិច្ចរុស្ស៊ីកំពុងតែប្រឈមនៅឧបបស័គ្គជាច្រើន។ ជាមួយនិងតម្លៃប្រេងបន្តធ្លាក់ចុះ ព្រមទាំងការដាក់ទណ្ឌកម្ម ពីបណ្តាប្រទេសលោកខាងលិច សេដ្ឋកិក្ចរុស្ស៊ីតាមពិតកំពុងតែជួបវិបត្តិយ៉ាងធ្ងន់ធ្ងរ។
រុស្ស៊ីបានអនុវត្តវិធីសាស្ត្រមួយចំនួនក្នុងនោះមានការកាត់បន្ថយការចំណាយទៅលើវិស័យមួយចំនួនដូចជាសុខាភិបាល អបរំប៉ុន្តែរុស្ស៊ីបានចំណាយខ្ពស់ទៅលើវិស័យយោធាវិញជាការចំាបាច់សម្រាប់ផលប្រយោជន៍ជាតិ ទប់ទល់និងការគំរាបមកំហែងពីខាងក្រៅពិសេសគឺអង្គការណាតូ។ ចំណុចទាំងនោះហើយបានធ្វើឲ្យរុស្ស៊ីត្រូវតែអនុវត្តគោលនយោបាយឆ្ពោះទៅកាន់តំបន់អាស៊ីហើយរកចិនជាដៃគូដើម្បីជួយសេដ្ឋកិច្ចរបស់ខ្លួន។
ប៉ុន្តែ ការប្រែប្រួលនាពេលកន្លងមកបានបង្ហាញឲ្យឃើញថាទីក្រុងមូស្កូរនឹងមិនអាចទទួលបានផ្លែផ្កាច្រើនពីការចាប់ដៃជាមួយទីក្រុងប៉េកាំង ដោយសារតែពេលនេះទីក្រុងប៉េកាំងក៏កំពុងជួបនៅបញ្ហាជាច្រើន ហើយសេដ្ឋកិច្ចចិនក៏ធ្លាក់ចុះជាងកាលពីឆ្នាំ២០១៤ដែលមានរហូតដល់ទៅ៧ភាគរយ។
រុស្ស៊ីវិញបានដឹងថាខ្លួនមិនអាចចូលទៅកាន់សហគមន៍អឺរ៉ុបនោះឡើយ ទាំងនោះហើយបានធ្វើឲ្យរុស្ស៊ីចាំបាច់ត្រូវតែអនុវត្តគោលនយោបាយសេដ្ឋកិច្ចឆ្ពោះទៅទឹសខាងកើតវិញ។ រុស្ស៊ីបានបង្កើតទំនាក់ទំនងសេដ្ឋកិច្ចជាមួយបណ្តាប្រទេសនៅក្នុងតំបន់អាស៊ីភាគខាងកើតនៅអាស៊ីភាគអាគ្នេយ៍។ ពេលនេះអាស៊ី មិនទាន់ក្លាយទៅជារបស់អ្នកណាមួយ ជាការងាយស្រួលដល់រុស្ស៊ីអនុវត្តគោលនយោបាយសេដ្ឋកិច្ចនៅទីនេះក្រោយពេលដែលប្រឈមមុខតានតឹងជាមួយអឺរ៉ុប ពាក់ព័ន្ធការដាក់ទណ្ឌកម្ម។
ប្រទេសដែលរុស្ស៊ីត្រូវការនាពេលនេះគឺចិន និងឥណ្ឌាដែល មានពលរដ្ឋច្រើនជាងគេបង្អស់នៅលើពិភពលោក។ ប្រទេសទាំងពីរមានពលរដ្ឋស្មើមួយភាគ៣នៅលើពិភពលោក ជាទីផ្សារដែលមានសក្តានុពលបំផុតដែលរុស្ស៊ីចង់បាន។
ចំណែកចិនវិញគោលដៅសំខាន់គឺទៅកាន់អឺរ៉របនិងអាហ្វ្រិកដើម្បីសម្រេចគោលដៅរបស់ខ្លួននោះដែរ ដោយមានតែអឺរ៉ុបដែលជាទីផ្សាមានសក្តានុពលសម្រាប់ផលិតផលនានារបស់ចិន។មានប្រសាសន៍ទៅកាន់ក្រុមអ្នកសារព័ត៌មាន លោកលី ឃឺជាំង បានបញ្ជាក់ថា កិច្ចប្រជុំជាប្រចំាលើកទី១៧ ជាឱកាសចាប់ផ្តើមដ៏ល្អប្រសើរ ជាឱកាសជា មូលដ្ឋានចាប់ផ្តើមនៃទំនាក់ទំនងដ៏ល្អប្រសើរ ជាងចិន និងអឺរ៉ុប ។ លោកលី ឃឺជាំង បញ្ជាក់ទៀតថា ចិនបានត្រៀមលក្ខណៈចូលរួមនៅក្នុងគម្រោងវិនិយោគថ្មី ជួយដល់ទីក្រុង ប្រុចស៊ែលមានក្តីសង្ឃឹមថ្មី រួចផុតពីការវិលវល់នៃវិបត្តសេដ្ឋកិច្ច។
ចំពោះសហគមន៍អឺរ៉ុបវិញ មន្ត្រីអឺរ៉ុបបានបង្ហាញពីការយកចិត្តទុកដាក់ដល់គម្រោងវិនិយោគរបស់ចិន ដើម្បីជាការកែទម្រង់មូលដ្ឋានគ្រឹះក្នុងទំនាក់ទំនងរវាងចិន អឺរ៉ុប។ ចំពោះវិបត្តសេដកិច្ចនៅក្នុងប្រទេសក្រិច បានក្លាយទៅជាផ្ទាំងថ្មដ៏ធំមួយសង្កត់រាល់កិច្ចប្រជុំនានារបស់សហគមន៍អឺរ៉ុប។ ក្នុងពេលដែលអឺរ៉ុបមិនទាន់រកឃើញវិធីសាស្ត្រមានប្រសិទ្ធភាព ភាគីចិនបានប្រកាសថា បានត្រៀមលក្ខណៈ «យកស្មាទៅជួយទ្រផ្ទាំងថ្មនោះ» ។ នៅពេលដែលចិនយកចិត្តទុកដាក់ដល់វិបត្តក្នុងប្រទេសក្រិច ធ្វើឲ្យប្រធានសហគមន៍អឺរ៉ុប លោកJean Claude Juncker បានស្នើចិននិយាយវិលប្រធានបទវិញ ។
ក្រៅពីជជែកអំពីរឿងបំណុលប្រទេសក្រិច កិច្ចប្រជុំចិន អឺរ៉ុបក៏បានលើកឡើងពីជនភៀសខ្លួន បម្រែបម្រួលអាកាសធាតុ ស្ថានភាពនៅក្នុងប្រទេសអ៊ុយក្រែន ស៊ីរី និងបញ្ហានៅដែនសមុទ្រចិនភាគខាងត្បូងផងដែរ ។
សារព័ត៌មាន Financial Times បានផ្សាយថា អឺរ៉ុបបានស្នើចិនពង្រីកកិច្ចសហប្រតិបត្តិ ទីក្រុងប៉េកាំងបង្ហាញការព្រួយបារម្ភទៅលើសន្ឋិសញ្ញា២ ស្តីពីពាណិជ្ជកម្មទំហំពិភពលោក ដែលដឹកនាំដោយអាមេរិកក្នុ ងនោះមាន TPP និង TTIP អាចធ្វើឲ្យចុះខ្សោយនៅឥទ្ធិពលរបស់ចិននៅលើឆាកអន្តរជាតិ ។
កាលពីសប្តាហ៍កន្លងមក ប្រធានាធិបតីអាមេរិកលោកបារ៉ាក់ អូបាម៉ា ទទួលបានការគាំទ្រ យ៉ាងខ្លាំងពីក្រុមអ្នកតំណាងរាស្ត្រអាមេរិកក្នុងការសម្រេចឲ្យបាន កិច្ចពីភាក្សាស្តីពីដៃគូពាណិជ្ជកម្មឆ្លងទ្វីប TTP ។ នោះជាកិច្ចព្រមព្រៀងដ៏ធំរវាងអាមេរិក ជប៉ុន នឹងប្រទេស១០ផ្សេងទៀត ដែលមានសេដ្ឋកិច្ចខ្ពស់។ កិច្ចព្រមព្រៀង TTIP «កិច្ចព្រមព្រៀងពាណិជ្ជកម្ម និងវិនិយោគរវាងអឺរ៉ុប និងអាមេរិក» ហើយបើកិច្ចព្រមព្រៀង នោះបានអនុវត្ត ចិនពិបាកក្នុងការលូកដៃចូលតំបន់អឺរ៉ុប ។ ទាំងនោះហើយបានជាលោកលី ឃឺជាំង បញ្ជាក់ថា វិនិយោគរវាងចិន និងអឺរ៉ុបមិនទាន់អភិវឌ្ឍន៍នៅឡើយ ពាណិជ្ជកម្មរវាងអឺរ៉ុប និងចិន មានតែ1,7ពាន់លានដុល្លារក្នុងមួយថ្ងៃ ចំណែកទុនវិនិយោគ ទ្វេភាគីក្នុងឆ្នាំ២០១៤ មានតែ២០ពាន់លានដុល្លារប៉ុណ្ណោះ៕
