ភ្នំពេញ៖បុរសម្នាក់បើករថយន្តស៊េរីទំនើបលឿនជ្រុលចង្កូតទៅបុករះរថយន្ត៤គ្រឿងចតនៅចិញ្ចើមផ្លូវ ហើយរថយន្តនៅមិនទាន់អស់ល្បឿនបានជ្រុលទៅបុកផ្ទះប្រជាពលរដ្ឋដាក់កាឡេកង់ទៅមុខលែងរួច។
ហេតុការណ៍នេះបានកើតឡើងនៅម៉ោង ១១ និង ៣០នាទីយប់ ថ្ងៃសុក្រទី១៧ ខែកក្កដា ឆ្នាំ២០២០ នៅតាមបណ្តោយផ្លូវលេខ១៧៤ ក្នុងសង្កាត់ផ្សាថ្មី ៣ ខណ្ឌដូនពេញ រាជធានីភ្នំពេញ។
ប្រភពពត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពមុនពេលកើតហេតុគាត់បានឃើញបុរសម្នាក់បើករថយន្ត ford ranger ពណ៌ស ពាក់ស្លាកលេខ ភ្នំពេញ 2BC-9378 ធ្វើដំណើរតាមបណ្តោយផ្លូវលេខ១៧៤ក្នុងទិសដៅពីកើតទៅលិច យ៉ាងលឿន ខណខណៈមកដល់ចំណុចកើតហេតុជ្រុលចង្កូតទៅបុករថយន្ត lexus 570 ពាក់ស្លាកលេខ 2BB 2899 ពេញទំហឹងរួចជ្រុលទៅបុករថយន្ត៣ គ្រឿងទៀត ហើយរថយន្តនៅមិនទាន់អស់ល្បឿនបានជ្រុលទៅបុកកញ្ចក់ទ្វារផ្ទះប្រជាពលរដ្ឋ បណ្តាលឲ្យរថយន្តបង្កដាក់កង់ទៅមុខលែងរួច ភ្លាមៗនោះម្ចាស់រថយន្តបង្កបានរត់គេចខ្លួនបាត់។
បន្ទាប់ពីកើតហេតុ សមត្ថកិច្ចមូលដ្ឋាន ចុះមចុះមកដល់រួចទាក់ទងទៅសមត្ថកិច្ចជំនាញចរាចរ ចុះមកវាសវែងយកស្ទូចយករថយន្តទាំង ៤គ្រឿងយកទៅរក្សាទុក នៅការិយាល័យចរាចរផ្លូវគោករាជធានីភ្នំពេញរង់ចាំដោះគ្នានៅពេលក្រោយ៕ជ្រោយពេជ្រ
