អន្តរជាតិ៖ ចំនួនអ្នកឆ្លងជំងឺ COVID-19 ក្នុងតំបន់អាស៊ីអាគេ្នយ៍ទាំងមូល ពេលនេះបានកើនឡើងដល់ជាង២២ម៉ឺននាក់ ក្នុងនោះស្លាប់ជាង៦០០០នាក់ និងសះស្បើយជិត១៣ម៉ឺននាក់។ ខណៈដែលប្រទេសឥណ្ឌូណេស៊ី នៅតែបន្តនាំមុខគេ ហើយតាមពីក្រោយដោយហ្វីលីពីន សិង្ហបុរី ម៉ាឡេស៊ី និងថៃ។ នេះបើគិតត្រឹមថ្ងៃអង្គារ ទី២១ ខែកក្កដា ឆ្នាំ២០២០នេះ ។
សូមជម្រាថា នៅថ្ងៃនេះដែរ ប្រទេឥណ្ឌូណេស៊ី៖ មានអ្នកឆ្លង១៦៥៥ករណី និងស្លាប់៨១នាក់ ដែលធ្វើឲ្យអ្នកឆ្លងសរុបមាន ៨៩ ៨៦៩ករណី និងស្លាប់៤៣២០នាក់ រីឯអ្នកជាសះស្បើយ មាន៤៨ ៤៦៦នាក់។
ប្រទេសហ្វីលីពីន៖ មាន៦៨ ៨៩៨ករណី (ស្លាប់១៨៣៥ និងសះស្បើយ ២៣ ០៧២), សិង្ហបុរី មាន៤៨ ៤៣៤ករណី (ស្លាប់២៧ និងសះស្បើយ៤៤ ៣៧១), ម៉ាឡេស៊ី មាន ៨ ៨០០ករណី (ស្លាប់១២៣ និងសះស្បើយ៨ ៥៥៥)។
ប្រទេសថៃ៖ មាន ៣២៥៥ករណី (ស្លាប់៥៨ សះស្បើយ ៣១០៥), វៀតណាម មាន៣៩៦ករណី (សះស្បើយ៣៦០ករណី), មីយ៉ាន់ម៉ា មាន៣៤២ករណី (ស្លាប់៦ សះស្បើយ២៧៨)។
ប្រទេសព្រុយណេ មាន១៤១ករណី (ស្លាប់៣ និងសះស្បើយ១៣៨), ទីម័រខាងកើត សះស្បើយទាំង២៤ករណី និងឡាវ សះស្បើយទាំង១៩ករណី ។
ដោយឡែកចំពោះប្រទេសកម្ពុជាវិញ នៅថ្ងៃអង្គារទី២១ ខែកក្កដានេះដែថ បានប្រកាសពីករណីឆ្លងចំនួន២៦ទៀត ដែលធ្វើឲ្យចំនួនសរុបឡើងដល់១៩៧ករណី ក្នុងនោះជាសះស្បើយ១៤០ករណី ៕ដោយ៖ស តារា
