លោក​ ហុង​ វិ​ណុ​ល​ ប្រគេន​ទេយ្យទាន​ ទៀនវស្សា​ដល់​ព្រះសង្ឃ​គង់​ចាំ​ព្រះ​វស្សា​៦​វត្ដ​ក្នុង​ឃុំ​ដូង​

ចែករំលែក៖

​ខេត្ដស្វាយរៀង​ ៖​ ចាប់ពី​ថ្ងៃ​ទី​១១-១២​ ខែកក្កដា​ ឆ្នាំ​២០១៥​ លោក​ ហុង​ វិ​ណុ​ល​ អនុប្រធាន​គណៈ​ពង្រឹង​ចុះ​ជួយ​ស្រុក​រមាស​ ហែក​ និង​ជា​ប្រធាន​គណៈ​ពង្រឹង​ឃុំ​ដូង​ អមដំណើរ​ដោយ​លោក​ រស់​ ឆាយ​ អនុប្រធាន​គណៈ​ពង្រឹង​បក្ស​ស្រុក​,​ លោក​ប្រធាន​បក្ស​ស្រុក​ និង​លោក​ ទូច​ គង្គា​ អនុប្រធាន​គណៈ​ពង្រឹង​ឃុំ​ដូង​បាន​ ដឹកនាំ​ក្រុមការងារ​បក្ស​នាំ​យក​មាន​ជា​ ទេយ្យវត្ថុ​ ទៀនវស្សា​ បច្ច័យ​ប្រគេន​ ព្រះសង្ឃ​គង់​ចាំ​ព្រះ​វស្សា​ចំនួន​៦​វត្ដ​ក្នុង​ឃុំ​ដូង​ ក៏​ដូច​ជា​ចុះ​ជួប​សំណេះសំណាល​ ជាមួយនឹង​បងប្អូន​ពុទ្ធបរិស័ទ​ចំណុះ​ជើង​ វត្ដ​ ។​
​ទេយ្យទាន​ដែល​លោក​អនុប្រធាន​គណៈ​ពង្រឹង​ចុះ​ជួយ​ស្រុក​រមាស​ហែក​ និង​ជា​ប្រធាន​គណៈ​ពង្រឹង​ឃុំ​ដូង​ប្រគេន​ដល់​វត្ដ​ ទាំង​៦​ ក្នុង​១​វត្ដៗ​រួម​មាន​ ៖​ ទៀនវស្សា​១​គូ​,​ តែ​៥​គីឡូក្រាម​,​ ស្ករសរ​១០​គីឡូ​ក្រាម​,​ ទឹកដោះគោ​១​កេស​,​ មី​យើង​៤​កេស​,​ ស្លា​ដក​១,​ ទឹកបរិសុទ្ធ​២​កេស​,​ ទឹក​ក្រូច​២​កេស​,​ ប្រេងម៉ាស៊ូត​៣០​លី​ត្រ​,​ អង្ករ​១​០០គីឡូក្រាម​ ដូច​ជាវ​ត្ដ​ជា​ធា​ជ​,​ វត្ដ​ ពោធិ៍​សេរី​,​ វត្ដ​ដូង​,​ វត្ដ​ត្រ​ញំ​ង​ស្លា​,​ វត្ដ​ទួល​អង្គញ់​ និង​វត្ដ​ឈើទាល​ជ្រុំ​ ។​
ក្នុង​នោះ​ លោក​អនុប្រធាន​គណៈ​ពង្រឹង​ ស្រុក​រមាស​ហែក​ក៏​បាន​ប្រគេន​ជា​បច្ច័យ​ ដល់​ព្រះសង្ឃ​ទាំង​៦​វត្ដ​ចំនួន​៣០​អង្គ​ ក្នុង​ ១​អង្គៗ​ចំនួន​៣​ម៉ឺន​រៀល​,​ តា​អាចារ្យ​ចំនួន​ ៤៧​នាក់​ក្នុង​ម្នាក់ៗ​ទទួល​បាន​ថវិកា​២​ម៉ឺន​ រៀល​ ហើយ​ប្រជាពលរដ្ឋ​ជា​ពុទ្ធបរិស័ទ​ ចំណុះ​ជើងវត្ដ​ជិត​១​ពាន់​នាក់​ម្នាក់ៗ​ ទទួល​បាន​ថវិកា​១​ម៉ឺន​រៀល​ ។​ ក្នុង​នោះ​ ផង​ដែរ​ យោង​តាម​ការ​បិណ្ឌបាត​ពី​ចៅ​ អធិការ​ចំនួន​៣​វត្ដ​ ដើម្បី​កសាង​របង​ ព្រះ​វិហារ​ សាលាឆាន់​ និង​ការ​ជួយ​ឧបត្ថម្ភ​ ផ្សេងៗ​ទៀត​ សរុប​ជា​ថវិកា​ទាំងអស់​ ចំនួន​៣៣.៩០៤.៤០០​រៀល​ និង​១.២៥៩​ ដុល្លារ​ ។​
​លោក​ហុង​ វិ​ណុ​ល​ ក្នុង​ពិធី​ចុះ​ជួប​ សំណេះសំណាល​ជាមួយ​ពុទ្ធបរិស័ទ​ និង​ ប្រគេន​ទេយ្យទាន​ ទៀនវស្សា​ដល់​ព្រះសង្ឃ​ គង់​ចាំ​ព្រះ​វស្សា​ទាំង​៦​វត្ដ​ក្នុង​ឃុំ​ដូង​ក៏​ បាន​មាន​ប្រសាសន៍​លើក​ឡើង​អំពី​កិច្ច​ ខិតខំ​ប្រឹងប្រែង​របស់​ថ្នាក់ដឹកនាំ​គណៈ​ បក្ស​ប្រជាជន​កម្ពុជា​ ក៏​ដូច​ជា​ប្រមុខ​រាជ​ រដ្ឋាភិបាល​ តែងតែបាន​គិត​អំពី​សុខទុក្ខ​ ការ​រស់នៅ​របស់​ប្រជាពលរដ្ឋ​ ការ​អភិ​ វឌ្ឍន៍​ហេដ្ឋារចនាសម្ព័ន្ធ​ទៅ​លើ​សមិទ្ធផល​ នានា​ជូន​សង្គម​ជាតិ​ និង​នាំ​មក​នូវ​សុខ​ សន្ដិភាព​ដ៏​ពេញលេញ​នេះ​ ។​
​ក្រៅពី​ការ​គិតគូ​លើ​បញ្ហា​នេះ​ថ្នាក់​ ដឹកនាំ​ក៏​បាន​យកចិត្ដទុកដាក់​ខ្ពស់​ទៅ​លើ​ បញ្ហា​ព្រះពុទ្ធ​សាសនា​ដែល​ជា​សាសនា​ របស់​រដ្ឋ​ តាម​រយៈ​ការ​ខិតខំ​កសាង​នៅ​ ទីវ​ត្ដ​អា​រ៉ា​ម​ សម្រាប់​ជាទី​សក្ដា​រៈ​បូជា​ ដល់​ពុទ្ធបរិស័ទ​ និង​អប់រំ​ផ្ដល់​ដំបូន្មាន​ល្អ​ ឱ្យ​យើង​ទាំងអស់​គ្នា​ស្រឡាញ់​នៅ​ភាព​ សុច្ចរិត​ទៀងត្រង់​ ប្រព្រឹត្ដ​តែ​អំពើ​ល្អ​នេះ​ជាដើម​ ។​

ស្រប​ពេល​ដែល​កន្លង​ទៅ​ថ្មីៗ​នេះ​ បញ្ហា​ព្រំដែន​ហាក់​មាន​ភាព​រំជើបរំជួល​ លោក​ ហុង​ វិ​ណុ​ល​ ក៏​បាន​ធ្វើការ​លើក​ ឡើង​ជម្រាប​ជូន​ដល់​បងប្អូន​ប្រជា​ពល​ រដ្ឋ​ផង​ដែរ​ថា​ សភាពការណ៍​វិវត្ដន៍​ថ្មី​ អំពី​បញ្ហា​ព្រំដែន​ដែល​កន្លង​មក​មាន​ ក្រុម​ជាតិនិយម​ជ្រុល​មួយ​ចំនួន​បាន​យក​បញ្ហា​ព្រំដែន​ធ្វើ​ជា​លេស​ដើម្បី​កេង​ ចំណេញ​ផ្នែក​នយោបាយ​និង​ប្រជាប្រិយភាព​ឱ្យ​អ្នក​ក្រៅប្រទេស​គាំទ្រ​ថា​ ខ្លួន​ជា​ អ្នក​ស្នេហា​ជាតិ​នោះ​គឺជា​រឿង​មួយ​ប្រាស់ចាក​ទៅ​នឹង​មូលដ្ឋាន​ច្បាប់​ ។​ ពីព្រោះ​ថា​ បញ្ហា​ព្រំដែន​នេះ​រាជរដ្ឋាភិបាល​បាន​គិតគូរ​និង​យកចិត្ដទុកដាក់​ខ្ពស់​បំផុត​ ។​
ទោះ​ជា​ពេល​ថ្មីៗ​នេះ​មាន​ក្រុម​ជ្រុល​ជាតិនិយម​ បាន​ដឹកនាំ​ក្រុម​និស្សិត​ ប្រជាពលរដ្ឋ​ អង្គការ​ ព្រះសង្ឃ​ចុះ​ទៅ​ពិនិត្យ​ព្រំដែន​ ដែល​មិន​បាន​ជូនដំណឹង​ដល់​អាជ្ញាធរ​ ដើម្បី​ការពារ​សន្ដិសុខ​និង​ថែម​ទាំង​បំពាន​ ចូល​ទឹកដី​ប្រទេស​ជិតខាង​នៃ​ចំណុច​ ហាមឃាត់​បណ្ដាល​ឱ្យ​ប៉ះទង្គិច​គ្នា​កើត​ ឡើង​ជាមួយ​សមត្ថកិច្ច​ប្រទេស​ជិតខាង​ រហូត​ដល់​មាន​របួស​ស្នាម​និង​ខ្លះ​ទៀត​ ត្រូវ​បាន​ឃាត់ខ្លួន​ក៏​ដោយ​ ប៉ុន្ដែ​ទោះជា​ យ៉ាងណា​ក៏​ដោយ​អាជ្ញាធរ​ក្ដី​រាជរ​ដ្ឋា​ ភិ​បាល​ក្ដី​តែងតែបាន​យកចិត្ដទុកដាក់​ គ្រប់ពេលវេលា​ដល់​ប្រជាពលរដ្ឋ​អន្ដរាគមន៍​ភ្លាមៗ​ឱ្យ​មានការ​ដោះ​លែង​ដោយ​មិន​បាន​គិត​ពី​បញ្ហា​និន្នាការ​ន​យោ​ណា​ បាយ​មួយ​ឡើយ​ ។​

លោក​ ហុង​ វិ​ណុ​ល​ បាន​ផ្ដល់​ជា​ការ​ អប់រំ​ដល់​ប្រជាពលរដ្ឋ​ផង​ដែរ​ថា​ បញ្ហា​ ព្រំដែន​គឺ​រាជរដ្ឋាភិបាល​ធ្វើ​តាម​មូល​ ដ្ឋា​ន​ច្បាប់​ក្នុង​នោះ​គណៈកម្មាធិការ​កិច្ច​ ការងារ​ព្រំដែន​ក៏​បាន​ធ្វើការ​ប្រជុំ​ដោះ​ ស្រាយ​ជា​បន្ទាន់​ភ្លាមៗ​កាលពី​ថ្ងៃ​ទី​៧-៨​ ខែកក្កដា​ ឆ្នាំ​២០១៥​ ទទួល​បាន​លទ្ធផល​ ជា​វិជ្ជមាន​ក្នុង​នោះ​ដូច​ជា​បញ្ហា​ជីក​ស្រះ​ នៅ​ខេត្ដរតនគិរី​ស្រះ​ចំនួន​៣​ត្រូវ​បាន​ លុប​ឡើង​វិញ​និង​នៅ​សល់​ស្រះ​៥​ទៀត​ បន្ដ​ត្រួតពិនិត្យ​ទៅ​តាម​ផ្លូវច្បាប់​ ។​ ដោយ​ឡែក​នៅ​ឃុំ​ សំពៅ​លូន​ ស្រុក​កោះធំ​ ខេត្ដ​កំ​ណ្ដា​ល​ បញ្ហា​ភាគី​វៀតណាម​សង់​ ប៉ុស្ដិ៍​យោធា​ក៏​ត្រូវ​បានឱ្យ​បញ្ឈប់​ ។​ ក្នុង​ នោះ​ចំពោះ​ភាគី​វៀតណាម​ដែល​បាន​ សាងសង់​ផ្លូវ​នៅ​ចំណុច​ព្រំដែន​ស្រុក​ច​ន្ទ្រា​ និង​ស្រុក​ កំពុង​រោទ៍​ ខេត្ដស្វាយរៀង​ក៏​ បាន​ផ្អាក​សកម្មភាព​ទាំងអស់​ ។​ មិន​តែ​ ប៉ុណ្ណោះ​ប្រមុខ​រាជរដ្ឋាភិបាល​ក៏​បាន​ធ្វើ​លិខិត​មួយ​ទៅ​កាន់​អង្គការ​សហ​ប្រជា​ ជាតិ​ដើម្បី​ខ្ចី​ផែនទី​ដែល​បាន​តម្កល់​ទុក​ នៅ​ទីនោះ​បាន​យក​មក​ធ្វើការ​ផ្ទៀងផ្ទាត់​ ជា​មូលដ្ឋាន​គ្រឹះ​សម្រាប់​ដោះស្រាយ​ឱ្យ​ បាន​ត្រឹមត្រូវ​បញ្ហា​ព្រំដែន​នេះ​ ។​
​លោក​ ហុង​ វិ​ណុ​ល​ បន្ដ​ថា​ ដូច្នេះ​ សូម​បងប្អូន​ប្រជាពលរដ្ឋ​មេត្ដា​កុំ​ជឿ​ទៅ​លើ​ការ​ញុះញង់​ឬ​ក្រុម​ខ្លះ​ដឹកនាំ​ឱ្យ​មាន​ ការ​តវ៉ា​ចូល​ទៅ​លើ​ទឹកដី​ប្រទេស​ជិត​ ខាង​ខុស​ពី​នីតិវិធី​ច្បាប់​ដែល​ក្រុម​ជ្រុល​ ជាតិនិយម​ខ្លះ​កំពុង​តែ​ធ្វើ​ដើម្បី​កេង​ ចំណេញ​ផ្នែក​នយោបាយ​ក៏​ដូច​ជា​ការ​ ទាញ​យក​ប្រជាប្រិយភាព​ពី​ប្រជាពលរដ្ឋ​និង​អ្នកគាំទ្រ​ក្រៅប្រទេស ​ផ្ទុយ​ពី​មូលដ្ឋាន​គ្រឹះ​ផ្លូវច្បាប់​ ដែល​គណៈកម្មាធិការ​កិច្ច​ ការងារ​ព្រំដែន​កំពុង​ដោះស្រាយ​នោះ​ ។​

លោក​ ហុង​ វិ​ណុ​ល​ ក៏​បាន​ស្នើ​ឱ្យ​បង​ ប្អូន​ប្រជាពលរដ្ឋ​មេត្ដា​ចូលរួម​គាំទ្រ​នូវ​ គោល​ជំហរ​បស់​ប្រមុខ​រាជរដ្ឋាភិបាល​កុំ​ជឿ​ទៅ​លើ​បញ្ហា​ដែល​គេ​កំពុង​យក​លេស​ រឿង​បញ្ហា​ព្រំដែន​ឱ្យទៅ​ជា​រឿង​ជាន់​ដាន​ ប្រវត្ដិសាស្ដ្រ​ដូច​សម័យ​ឆ្នាំ​១៩៧០​និង​ ឆ្នាំ​១៩៧៥​ដែល​បណ្ដាល​ឱ្យ​ប្រជាជាតិ​ ធ្លាក់​ក្នុង​ឱ​ភាព​នយោបាយ​ ។​ ដូច្នេះ​សូម​ បងប្អូន​ប្រជាពលរដ្ឋ​មេត្ដា​គាំទ្រ​និង​ជឿ​ ជាក់​ទៅ​លើ​គោល​ជំហ​របស់​រាជរ​ដ្ឋា​ភិ​ បាល​ដែល​កំពុង​ដោះស្រាយ​បញ្ហា​ព្រំដែន​ឈរ​លើ​មូលដ្ឋាន​គ្រឹះ​ផ្លូវច្បាប់​យ៉ាង​ពិត​ប្រាកដ​ ។

ព្រះ​ចៅអធិការ​ទាំង​៦​វត្ដ​ និង​ពុទ្ធ​ បរិស័ទ​បាន​សម្ដែង​នៅ​ការ​គាំទ្រ​ចំពោះ​ ក្រុមការងារ​បក្ស​ប្រជាជន​កម្ពុជា​ចុះ​ជួយ​ ស្រុក​រមាស​ហែក​មិន​ត្រឹមតែ​ខិតខំ​អភិ​ វឌ្ឍន៍​កសាង​សមិទ្ធផល​ដ៏​ច្រើន​ជូន​ប្រជា​ ពលរដ្ឋ​ប៉ុណ្ណោះ​ទេ​ ថែម​ទាំង​បាន​គិតគូ​ លើ​វិស័យ​ព្រះពុទ្ធ​សាសនា​ស្រប​តាម​ ច្បាប់រដ្ឋធម្មនុញ្ញ​ដែល​ជា​ច្បាប់​កំពូល​របស់​រដ្ឋ​ ៕​ សុខ​ ខេមរា​

20150714-050231.jpg

20150714-050237.jpg

20150714-050242.jpg

...

20150714-050248.jpg


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print