លោកត្រាំប្រកាសថា លោកស្ម័គ្រចិត្តធ្វើជាមនុស្សទីមួយសាកល្បងវ៉ាក់សាំង​បង្ការកូវីដ​១៩

ចែករំលែក៖

សារព័ត៌មាន​Fox News បានផ្សាយថា ប្រធានាធិបតីអាមេរិក ដូណាល់ត្រាំ បានបញ្ជាក់ថា លោកបានត្រៀមលក្ខណៈ ជាអ្នកដំបូងគេ នៅអាមេរិក ក្នុងការធ្វើតេស្តចាក់វ៉ាក់សាំងបង្ការ កូវីដ​១៩ ក្រោយការផលិតរួចរាល់​ ។
នៅក្នុងការសន្ទនាជាមួយ គ្រូពេទ្យ​Marc Siegel ដែលកំពុងតែបំពេញការងារជាអ្នកប្រឹក្សា​សុខភាព លើបណ្តាញទូរទស្សន៍Fox News អាមេរិក ​​ប្រធានាធិបតីដូណាល់ ត្រាំ បានបញ្ជាក់ថា លោក បានត្រៀមលក្ខណៈ ក្លាយជាអ្នកសាកល្បង់វ៉ាក់សាំងប្រឆាំងកូវីដ​១៩​ ដំបូងគេ ឬ ជាអ្នកចុងក្រោយ ក្រោយអាមេរិក ផលិតរួចរាល់នៅវ៉ាក់សាំងនេះ។
កន្លងមក ប្រធានាធិបតីដូណាល់ ត្រាំ បានសារភាពថា​ ស្ថានភាពនៃការឆ្លងរាលដាលកូវីដ ១៩​នៅអាមេរិក នឹងកាន់តែអាក្រក់ជាងនេះ ហើយលោកក៏បានអំពាវនាវឲ្យពលរដ្ឋគោរពច្បាប់គម្លាតសង្គម​ និងពាក់ម៉ាស់នៅទីសាធារណៈ​។ ប្រធានាធិបតីដូណាល់ត្រាំ​បានលើកឡើងទៀតថា នៅចុងខែកក្កដានេះ និងមានវ៉ាក់សាំងពីរប្រភេទ របស់អាមេរិក ក្នុងការប្រឆាំងកូវីដ ១៩​ឈានដល់ដំណាក់កាល​ចុងក្រោយនៃការសាកល្បង ។
តាមតួលេខរបស់គេហទំព័រworldometers.info គិតដល់វេលាម៉ោង​៧យប់ថ្ងៃទី​២៣ខែកក្កដា ចំនួនអ្នកឆ្លងនៅលើពិភពលោកមានដល់ទៅ 15.341.253 នាក់ និងស្លាប់​625.077 នាក់ ជាមួយគ្នានេះក៏មានអ្នកព្យាបាលជាសះស្បើយដល់ទៅ​9.327.811 នាក់ផងដែរ ។ អាមេរិកឈរលំដាប់លេខមួយក្នុងចំណោមទាំង​២១៣ ប្រទេសមានករណីឆ្លងកូវីដ​១៩ ។ បច្ចុប្បន្នអាមេរិកមានអ្នកឆ្លង​ដល់ទៅ 4,102,105 និងស្លាប់​146,199នាក់៕


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print