រដ្ឋវិចទ័ររៀ ដែលជារដ្ឋដែលមានពលរដ្ឋច្រើនលំដាប់ទីពីររបស់ប្រទេសអូស្ត្រាលី នៅថ្ងៃ ទី២៦ ខែកក្កដា នេះមានករណីស្លាប់ដោយកូវីដ១៩កើនឡើងខ្ពស់បំផុតមិនធ្លាប់មាន។ លោក Daniel Andrews អភិបាលរដ្ឋវិចទ័ររៀមានប្រសាសន៍ទៅកាន់ក្រុមអ្នកសារព័ត៌មានបានឲ្យដឹងថា ចំនួនអ្នកឆ្លងកូវីដ-១៩ក្នុងថ្ងៃទី២៦នេះមានដល់ទៅ៤៥៩នាក់ ជាថ្ងៃទីពីរហើយមានអ្នកឆ្លងច្រើនក្នុងរដ្ឋនេះ។ ជាមួយគ្នានេះដែរក៏មានករណីស្លាប់ ១០ នាក់ក្នុងរយៈពេល២៤ម៉ោង គឺជាចំនួនខ្ពស់ មិនធ្លាប់មាន។
មិនថា នៅក្នុងរដ្ឋវិចទ័ររៀប្រទេសអូស្ត្រាលីនោះឡើយ នៅ៤០ប្រទេសផ្សេងទៀតមានករណីឆ្លងកូវីដ១៩កើនឡើងទ្វេដង បើប្រៀបធៀបនិង១សប្តាហ៍កន្លងមក។ នៅពេលនេះមនុស្សគ្រប់រូបគឺត្រូវតែសម្រេចជោគវាសនានៃការស្លាប់រស់របស់ខ្លួន។
តាមតួលេខរបស់សារព័ត៌មានរ៉យ័រ មានប្រទេសចំនួន៤០មានករណីឆ្លងកូវីដ១៩ កើនឡើងទ្វេដង បើប្រៀបធៀបនឹង១សប្តាហ៍កន្លងមក ។ ប្រទេសដែលមានអ្នកឆ្លងច្រើនជាងគេគឺ អាមេរិក ប្រេស៊ីល និងឥណ្ឌា។ ក្រៅពីនេះនៅមានប្រទេសជាច្រើនទៀតមានករណីឆ្លងកើនឡើងខ្ពស់ ក្នុងនោះមានអូស្ត្រាលី ជប៉ុន ហុងកុង ប៊ូឡាវី…ជាដើម៕
