ក្លិបយក្សរបស់ព័រទុយហ្គាល់ Benfica បានប្រកាសថា ក្លិបបានចុះហត្ថលេខាលើខ្សែការពារស្តាំ Gilberto ពីក្លិបFluminense របស់ប្រេស៊ីលហើយ។

ក្លិបបានសរសេរក្នុងសេចក្តីថ្លែងការណ៍មួយនៅលើគេហទំព័ររបស់ក្លិប Benfica ថា កីឡាករវ័យ២៧ ឆ្នាំរូបនេះបានចុះហត្ថលេខាលើកិច្ចសន្យារយៈពេល៥ឆ្នាំបន្ទាប់ពីបានបញ្ចប់ការត្រួតពិនិត្យសុខភាពរួចរាល់។ ការផ្ទេរនេះធ្វើឡើងតាមការចង់បានរបស់អ្នកចាត់ការថ្មីរបស់ក្លិប Benfica គឺលោក Jorge Jesus។

លោក Jorge Jesus បានចូលរួមជាមួយក្លិបចាស់របស់លោកកាលពីខែកក្កដាបន្ទាប់ពីបានដឹកនាំក្លិប Fluminenseឈ្នះពានរង្វាន់ចំនួន៦ក្នុងរយៈពេល១៣ខែ។

ខ្សែការពារGilberto ដែលលោក Jorge Jesus បានស្គាល់កាលពី នៅក្លិបចាស់បានបង្ហាញខ្លួនចំនួន១០១ដងឱ្យFluminense បន្ទាប់ពីការផ្ទេររបស់គាត់កាលពីឆ្នាំ២០១៨ ពីក្លិបប្រទេសអុីតាលី Fiorentina ។ ថ្មីៗនេះក្លិប Benficaក៏បានប្រកាសពីការចុះ ហត្ថលេខាលើអ្នកចាំទីសញ្ជាតិប្រេស៊ីលHelton Leite ពីក្លិប Boavista ផងដែរ ៕

ដោយ៖ ភារៈ