ខេត្តស្វាយរៀង៖ ជនសង្ស័យចែកចាយ និងប្រើប្រាស់ថ្នាំញៀន៣នាក់ត្រូវបានកម្លាំងសមត្ថកិច្ចនគរបាលក្រុងសហការជាមួយនគរបាលការិយាល័យប្រឆាំងគ្រឿងញៀនខេត្តស្វាយរៀងធ្វើការឃាត់ខ្លួនកាលពីវេលាម៉ោង១០ និង៤៥នាទីយប់ថ្ងៃទី២ ខែកុម្ភៈ ឆ្នាំ២០១៦ស្ថិតនៅភូមិចំនួន២គឺមេភ្លើង និងភូមិ វាលយន្ត សង្កាត់ស្វាយរៀង ក្រុងស្វាយរៀង។
នគរបាលក្រុងស្វាយរៀងបានអោយដឹងថា ជនសង្ស័យដែលឃាត់ខ្លួនមានឈ្មោះ ផាត់ ញ៉ូក ហៅម៉ៅ ភេទប្រុស អាយុ១៧ឆ្នាំមុខរបរកម្មករ រស់នៅ ភូមិព្រៃស្នួល ឃុំគោកខ្ចក ស្រុកកំពង់ត្របែក ខេត្តព្រៃវែង ទី២ឈ្មោះ ភោសុខរ៉ាឌី ហៅចិន ភេទប្រុស អាយុ២៨ឆ្នាំ មុខរបរជាងកាត់ដេ រស់នៅភូមិបាក់រនាស់ សង្កាត់សង្ឃ័រ ក្រុងស្វាយរៀង និងទី៣ ឈ្មោះ សុខ មករា ហៅគោ ភេទប្រុស អាយុ២២ឆ្នាំ មុខរបរជាងកាត់ដេរ រស់នៅភូមិ វាលយន្ដសង្កាត់ស្វាយរៀង ក្រុងស្វាយរៀង។
ប្រភពបន្តថា ចំពោះសម្ភារៈដោយដកហូតបានរួមមានវត្ថុតាង ថ្នាំញៀនប្រភេទ ម៉ាទឹកកកចំនួន ០២ កញ្ចប់តូច រួមនិងសម្ភារៈប្រើប្រាស់មួយចំនួនទៀត។
ក្រោយពីសាកសួរជនសង្ស័យទាំង៣នាក់រួចមកសមត្ថកិច្ចក៏បានបញ្ជូនបន្តមកស្នងការដ្ឋាននគរបាលខេត្តស្វាយរៀងចាត់ការតាមច្បាប់៕
ដោយ៖ យឹម សុថាន
...