ក្រុម FC Barcelona បានសម្រេចបណ្ដេញគ្រូបង្វឹកលោក Setienចេញហើយ ក្រោយពីការចាញ់យ៉ាងអាម៉ាស់ទៅលើក្រុម Bayern Munich ក្នុងលទ្ធផល ៨–២ កាលពីយប់មុិញក្នុងក្របខ័ណ្ឌ Champions League វគ្គ៨ក្រុម។
លោក Setien រងសម្ពាធតាំងពីដឹកនាំក្រុម Barcelona ឈរនៅកំពូលតារាង La Liga រហូតធ្លាក់មកលេខ២វិញដោយខកខានលើកពានលីគកំពូលអេស្ប៉ាញរដូវកាលនេះ ប៉ុន្តែថ្នាក់ដឹកនាំក្លិបផ្ដល់ឱកាសឱ្យលោកទៀតដើម្បីដឹកនាំប្រកួតក្របខ័ណ្ឌ UEFA Champions League។ប៉ុន្តែលទ្ធផលមិនបានគាប់ប្រសើរសោះដោយចាញ់ Bayern Munich យ៉ាងអាម៉ាស់ក្នុងវគ្គជម្រុះ៨ក្រុមចុងក្រោយ ហើយក៏សម្រេចបញ្ចប់តំណែងរបស់លោក បើទោះបីនៅសល់កុងត្រាជាង២ឆ្នាំទៀតក៏ដោយ។
ក្នុងរដូវកាលនេះក្លិប Barcelona ហាក់ដូចជាដុនដាបខ្លាំង ដោយបាត់បង់ពានធំៗចំនួន២គឺលីគកំពូលអេស្ប៉ាញ La Liga និង Champions League ដែលចាំបាច់ក្លិបត្រូវកែប្រែប្រព័ន្ធលេង និងគិតគូរពីសក្តាលនុពលកីឡាករដើម្បីប្រជែងជាមួយក្លិបធំៗនៅរដូវកាលក្រោយ ៕ដោយ៖ភារៈ
