ការបោះឆ្នោតអាមេរិក កាន់តែខិតជិត រឿងរ៉ាវមិនល្អពាក់ព័ន្ធប្រធានាធិបតី ដូណាល់ ត្រាំក៏បានលេចចេញជាបន្តបន្ទាប់។ នៅពេលនេះ បងស្រីបង្កើតរបស់ប្រធានាធិបតី ដូណាល់ ត្រាំ បានបង្កឲ្យមានភាពភ្ញាក់ផ្អើលយ៉ាងខ្លាំង តាមរយៈខ្សែអាត់សំឡេង។
លោកស្រី Maryanne Trump Barry ជាចៅក្រមមួយរូបបានចូលនិវត្តន៍ បានបង្ហាញភាពភ្ញាក់ផ្អើលនៅអ្វីដែល លោកត្រាំបានធ្វើក្នុងនាមជាប្រធានាធិបតីអាមេរិក។ តាមខ្សែអាត់សំឡែង របស់លោកស្រីMaryanne Trump Barry ជាមួយក្មួយស្រី Mary Trump ត្រូវបានថតជាសម្ងាត់ ដែលមានរយៈដល់ទៅ១៥ម៉ោង ក្នុងអំឡុងឆ្នាំ២០១៨-២០១៩ បានបង្ហាញថា «លោកត្រាំ ជាមនុស្សគ្មានច្បាប់ទម្លាប់ »។
អតីតចៅក្រមនិងជាបងស្រី ប្រធានាធិបតីត្រាំ វ័យ៨៣ឆ្នាំ បានបង្ហាញការ ភ័យខ្លាច ចំពោះអ្វីដែលរដ្ឋាភិបាល ក្រុមការដឹកនាំរបស់ប្អូនប្រុសខ្លួន ទៅលើកុមារនៅតាមព្រំដែនម៉ិចស៊ីកូ។
លោកស្រី Barry មានប្រសាសន៍ថា“ ខ្ញុំគិតថា Trump មិនបានអានទស្សនៈរបស់ខ្ញុំស្តីពីជនអន្តោប្រវេសន៍ទេ»។ ដូច្នេះតើ Trump បានអានអ្វី? ទេ! គាត់មិនបានអានអ្វីទាំងអស់” ។
នៅក្នុងការសុន្ទនាផ្សេងទៀត លោកស្រី Barry ក៏បានលើកឡើងពីការវាយតម្លៃរបស់ខ្លួនដោយចំៗថា ប្អូនប្រុសវ័យ៧៤ឆ្នាំរបស់ លោកស្រី គឺជាមនុស្សពិសពុល និងក្លែងក្លាយ។ ជាមួយគ្នានេះនៅមានរឿងរ៉ាវជាច្រើនទៀតពាក់ព័ន្ធលោកត្រាំ តាំងពីដើមមក ទាំងការឲ្យគេប្រឡងជំនួសទៀតផង។
នៅពេលនេះសារព័ត៌មានCNN បានទំនាក់ទំនងលោកស្រីBarry ដើម្បីបញ្ជាក់ពី ខ្សែអាត់សំឡែងខាងលើ តែមិនទាន់ទទួលបានការឆ្លើយតបនៅឡើយ៕
