អន្តរជាតិ៖រដ្ឋាភិបាលបេឡារូសបានដកហូតលិខិត អនុញ្ញាតដល់អ្នកសារព័ត៌មានបរទេស ២០នាក់ ដោយចោទប្រកាន់ថាបានផ្សាយព័ត៌មានប្រឆាំងរដ្ឋាភិបាល និងជំរុញឲ្យមានបាតុកម្ម ផ្ទុះឡើយក្នុងប្រទេសនេះ។
តាមតួលេខរបស់សមាគមអ្នកសារព័ត៌មានបេឡារូស បានឲ្យដឹងថា មានអ្នកសារព័ត៌មានបរទេស១៧រូប កំពុងតែបំពេញការងារនៅក្នុងប្រទេសបេឡារូស មកពីបណ្តាញព័ត៌មានធំៗនៅលើពិភពលោក ដូចជា BBC, Reuters…ជាដើម។ មកទល់ពេលនេះ ក្រសួងការបរទេសបេឡារូសមិនទាន់វិភាគអ្វីជុំវិញការបញ្ហាខាងលើនោះឡើយ។
នៅក្នុងសេចក្តីប្រកាសថ្មីបំផុត សារព័ត៌មានរ៉យទ័របានបញ្ជាក់ថាក្រុមអ្នកសារព័ត៌មាន ត្រូវដកហូតលិខិតអនុញ្ញាតបំពេញការងារ ក្នុងប្រទេសបេឡារូសនោះ គឺមិនបានបំពានច្បាប់ណាមួយនោះឡើយ។ សារព័ត៌មានរ៉យទ័រ បានអំពាវនាវដល់រដ្ឋាភិបាល ផ្តល់លិខិតជាថ្មីដល់អ្នកសារព័ត៌មាន បរទេស១៧រូប ដែលអាចផ្សព្វផ្សាយព័ត៌មានដោយមានតម្លាភាព ស្តីពីអ្វីដែលកំពុងកើតឡើងក្នុងប្រទេសបេឡារូស។
កាលពីចុងខែកកក្កដាប្រធានាធិបតី បេឡារូស លោក Lukashenko ធ្លាប់បានគំរាមកំហែង នឹងបណ្តេញអ្នកសារព័ត៌មាន បរទេស ដែលបំផុតបំផុលឲ្យមានបាតុកម្មប្រឆាំងរដ្ឋាភិបាល។ កាលពីសប្តាហ៍កន្លងមក អ្នកសារព័ត៌មាន៥០នាក់ ត្រូវបានកោះហៅទៅកាន់ស្នងការប៉ូលិស ដើម្បី ត្រួតពិនិត្យឯកសារផ្លូវច្បាប់ ក៏ដូចជាគោលដៅនៃការផ្សព្វផ្សាយព័ត៌មាន ពាក់ព័ន្ធបាតុកម្មប្រឆាំងរដ្ឋាភិបាលក្រោយការបោះឆ្នោត៕
ដោយ៖ធី រីណា
