ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែនមានប្រសាសន៍ថា កន្លងមកមានអ្នកអង្គុយបក់ផ្សែង តែងតែចាត់ទុកថា រាជរដ្ឋាភិបាលកម្ពុជានឹងស្លាប់ ជាមួយនិងការផ្ទុះរីករាលដាល នៃជំងឺកូវីដ១៩នេះ ប៉ុន្តែផ្ទុយទៅវិញកម្ពុជាបានរស់ ហើយរស់ប្រកបដោយមោទនភាព ដែលប្រជាជាតិយើងបានខិតខំចូលរួមចំណែកទប់ស្កាត់ ការអនុវត្តនូវវិធានការណែនាំនានា របស់រាជរដ្ឋាភិបាល និងក្រសួងសុខាភិបាល ពិសេសស្មារតីនៃការចូលរួមចែករំលែកការលំបាកនានា ដែលជាបន្ទុករបស់រាជរដ្ឋាភិបាល ក្នុងកាល:ទេស:នៃការរីករាលដាលជំងឺកូវីដ១៩ ជាសកលនេះ។
សម្តេចតេជោនាយករដ្ឋមន្រ្តីមានប្រសាសន៍បន្តថា យើងមិនគ្រាន់តែរស់ប្រកបដោយមោទនភាពនោះទេ ប៉ុន្តែតាមរយះនៃការសន្សំសំចៃខ្ពស់ ការចូលរួមរិតត្បៀតការចំណាយថវិការដ្ឋពីគ្រប់ផ្នែកទាំងអស់ រាជរដ្ឋាភិបាលបានសន្សំថវិកាបាន ប្រមាណ ៦០០លានដុល្លា សម្រាប់យកទៅអភិវឌ្ឍសេដ្ឋកិច្ចជាតិ និងដើម្បីត្រៀមបង្ការលើបញ្ហាដែលអាចកើតមានឡើងជាយថាហេតុណាមួយ។ ប្រសាសន៍សម្ដេចតេជោ ក្នុងកិច្ចប្រជុំគណៈរដ្ឋមន្ត្រី ព្រឹកថ្ងៃទី៤ ខែកញ្ញា ឆ្នាំ២០២០)៕
ដោយ៖ សិលា
