ខេត្តកណ្តាលៈ មានករណីគ្រោះថ្នាក់ចរាចរណ៍ដ៏រន្ធត់មួយបានកើតហេតុកាលពីវេលាម៉ោង៣រសៀលថ្ងៃទី០៧,០២,២០១៦ រវាងរថយន្ត និងម៉ូតូលើផ្លូវជាតិលេខ០៨ ចន្លោះkm៣៩-៤០ឋិតនៅ ចំណុចភូមិវិហារសួគ័ត្បូង ឃុំវិហារសួគ័ ស្រុកខ្សាច់កណ្តាលខេត្តកណ្តាល
គ្រោះថ្នាក់ចរាចរណ៍បង្ករឡើង
ដោយម៉ូតូម៉ាកសង់125ពណ័ខ្មៅពាក់ផ្លាកលេខ ព្រៃវែង 1C-6742 បើកបរដោយឈ្មោះស វណ្ណា ភេទប្រុសអាយុ២៣ឆ្នាំ (ស្លាប់) រស់នៅ ភូមិស្វាយអត់ ឃុំជ្រៃ ស្រុកព្រៃវែង ខេត្តព្រៃវែង ។
សមត្ថកិច្ចបានអោយដឹងថាៈ មុនពេលកើតហេតុ ជនរងគ្រោះបានបើកបរម៉ូតូម៉ាក C125 ពាក់ស្លាកលេខ 1C-6742 ក្នុងទិសដៅពីភ្នំពេញទៅព្រៃវែង ។ មូលហេតុដោយសារអ្នកបើកបរម៉ូតូមិនប្រកាន់ស្ដាំ លុះមកដល់ចំណុច គីឡូម៉ែត្រ លេខ ៣៩-៤០ ចំណុចភូមិវិហារសួគ័ត្បូង ឃុំវិហារសួគ័ ស្រុកខ្សាច់កណ្តាលខេត្តកណ្តាល ក៏បានបុក ជាមួយរថយន្ត ម៉ាក Sangyung ពណ៌លឿងពាក់ផ្លាកលេខភ្នំពេញ 2W-8064 បណ្ដាលអោយអ្នកបើកបរម៉ូតូស្លាប់នៅនិងកន្លែងកើតហេតុចំណែកអ្នកបើកបររថយន្ដបានរត់គេចខ្លួនបាត់មិនស្គាល់អត្តសញ្ញាណ។ ចំណែករថយន្តនិងម៉ូតូខូចខាតដ៏តំណំរីឯរថយន្តនឹងម៉ូតូត្រូវបានសមត្ថកិច្ចចរាចរណ៌ធ្វើការដកហូតមករក្សាទុកនៅអធិការស្រុកខ្សាច់កណ្ដាល រង់ចាំការដោះស្រាយ តាមនីតិវិធីច្បាប់ ៕ ស្អាងជ័យ