ភ្នំពេញ៖ ស្គាល់អត្តសញ្ញាណនារីដែលលោតទឹកសម្លាប់ខ្លួន នៅលើស្ពានជ្រោយចង្វារ, មហាជនចង់ឲ្យសមត្ថកិច្ចស្រាវជ្រាវបន្ថែមលើករណីនេះ ព្រោះខ្លាចមិនមែនជាការធ្វើអត្តឃាត ។ នេះជាការសង្ស័យបន្សល់ទុកផ្កា១បាច់ និងស្បែកជើង១គូ។
សូមបញ្ជាក់ថា៖ មាននារីស្រស់សោភាម្នាក់ ដែលសម្រេចចិត្តលោតទឹកសម្លាប់ខ្លួន នៅលើស្ពានជ្រោយចង្វារ នាយប់ទាបភ្លឺឈានចូលថ្ងៃទី១១ ខែកញ្ញា ឆ្នាំ២០២០នេះ ត្រូវបានគេស្គាល់អត្ដសញ្ញាណហើយ តាមរយៈការចែកចាយនូវសាររំលែកទុក្ខ និងការសោកស្ដាយពីសំណាក់មិត្តភក្តិរបស់នារីរងគ្រោះ នៅលើបណ្ដាញសង្គម Facebook។
រហូតនៅល្ងាចថ្ងៃទី១១ ខែកញ្ញា ឆ្នាំ២០២០នេះ បានរកឃើញនូវអត្ដសញ្ញាណរបស់នារីរងគ្រោះ ដែលប្រើប្រាស់គណនី Facebook ឈ្មោះ «Gech Gech» និងមានឈ្មោះពិត «ចាន់ ស្រីមាន» អាយុ២២ឆ្នាំ ស្នាក់នៅខុនដូរមួយកន្លែង នៅរាជធានីភ្នំពេញ។
ប្រភពព័ត៌មានដែលបង្ហាញនៅលើគណនី Facebook របស់នារីរងគ្រោះបានបង្ហាញថា មុនពេលកើតហេតុរូបនាង បានទៅចូលរួមកម្មវិធីខួបកំណើត របស់បងស្រី នៅភោជនីយដ្ឋានទន្លេបាសាក់២។ ក្រោយចប់កម្មវិធីខួបកំណើត នាងបានបន្ដទៅញាំអីនៅភោជនីយដ្ឋាន ក្នុង Eden Garden ដែលមានទីតាំងក្នុងបរិវេណបឹងកក់ ហើយក៏បាត់ដំណឹងសូន្យឈឹង។ រហូតព្រឹកឡើង បានមិត្តភ័ក្ររកគេផ្សព្វផ្សាយករណីនារីម្នាក់លោតទឹកសម្លាប់ខ្លួន ដែលបន្សល់ទុកនូវផ្កាមួយបាច់ និងស្បែកជើងមួយគូរ។
ព័ត៌មានបឋម នៅកន្លែងកើតហេតុវិញ បានអះអាងថា មុនពេលកើតហេតុ គេឃើញនារីរូបស្រស់សោភាម្នាក់ បានចុះពីលើរថយន្តមួយគ្រឿង ដោយកាន់បាច់ផ្កា រួមទាំងស្ពាយកាបូប និងពាក់អាវខោប៊យពីក្រៅផងនោះ ហើយរថយន្តនោះក៏បើកទៅបាត់បន្សល់ទុកតែនារីរូបស្រស់សោភា នៅលើស្ពានតែម្នាក់ឯង។ បន្ទាប់មកនារីខាងលើបានដោះស្បែកជើង និងទុកផ្កាមួយបាច់ដាក់ជាប់ស្បែកជើង ហើយលោតចូលទៅក្នុងទន្លេបាត់ស្រមោលតែម្ដង ភ្លាមៗគេក៏បានរាយការណ៍ ទៅសមត្ថកិច្ចដើម្បីជួយជនរងគ្រោះ តែអកុសលនារីរងគ្រោះត្រូវបានលិចចូលទៅក្នុងទន្លេបាត់ទៅហើយ។
យ៉ាងណាមិញ ជុំវិញរឿងហេតុនេះ មហាជនចង់ឲ្យសមត្ថកិច្ចបើកការស្រាវជ្រាវបន្ថែមទៀត ដើម្បីច្បាស់ថាតើ ជនរងគ្រោះលោតទឹកសម្លាប់ខ្លួន ឬមានរឿងអ្វីផ្សេងក្រៅពីនេះ ដែលស្ថិតក្នុងភាពអាថកំបាំងនៅឡើយ។ មូលហេតុដែលពួកគេថា រឿងនេះស្ថិតក្នុងភាពអាថកំបាំង ព្រោះហេតុអ្វីឡាននោះ ឈប់ហើយបើកឱកាសឲ្យនារីរងគ្រោះលោតទឹកបាន។
ព័ត៌មានផ្សេងទៀតដែលគេទទួលបាននៅកន្លែងកើតហេតុ បានបង្ហើបថា នារីរងគ្រោះ និងអ្នកបើកបររថយន្ដនោះ ដូចជាមានការប្រកែកគ្នាមុនពេលរថយន្ដនោះបើកចេញទៅ។ យ៉ាងណាក៏ដោយ នេះគ្រាន់តែជាព័ត៌មានដែលគេទទួលបានជំហ៊ានដំបូង នៅកន្លែងកើតហេតុតែប៉ុណ្ណោះ ដូច្នេះហើយទើបមហាជនចង់ឲ្យសមត្ថកិច្ចបើកការស្រាវជ្រាវបន្ថែមទៀតលើករណីនេះ។
សូមសមត្ថកិច្ចកិច្ចបើកការស្រាវជ្រាវ ជារឿងអត្តឃាត ឬឃាតកម្ម ខណៈមុនហេតុកើតឡើងមានបាច់ផ្កា១ និងស្បែកជើង១គូ ស្មើរៀបចំ ធ្វើឱ្យមានមន្ទិលសង្ស័យ តែសំខាន់សមត្ថកិច្ច ស្វែងរកសាកសពដើម្បីធ្វើកោសល្យវិច្ច័យ ពីស្នាកស្នាម ឬ រូបរាងសាកសព៕

ដោយ៖ សិលា