កំពង់ឆ្នាំង ៖ បុរសម្នាក់បានសម្រេចចិត្តចង.ក សម្លាប់ខ្លួនទៅនឹងមែកស្វាយ ចោលក្រុមគ្រួសារ ព្រោះតែតួចចិត្តនឹងជំងឺប្រចាំកាយ ដែលកើតជាយូរណាស់មកហើយ ។ ករណីអត្តឃាតសម្លាប់ខ្លួនឯងនេះបានកើតឡើងកាលពីវេលាម៉ោងជាង៣រសៀល ថ្ងៃទី៨ ខែកុម្ភៈ ឆ្នាំ២០១៦ នៅភូមិអណ្តូងជ្រៃ ឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំ ។
សមត្ថកិច្ចបានអោយដឹងថា បុរសដែលធ្វើអត្តឃាតជននេះមានឈ្មោះព្រំ ចាន់ថន ហៅច្រូច អាយុ៣៧ឆ្នាំរស់នៅភូមិឃុំខាងលើ ។
សមត្ថកិច្ចបានអោយដឹងថា បុរសនេះមិនដឹងចងក សម្លាប់ខ្លួនតាំងពីពេលណានោះទេ ប៉ុន្តែនៅវេលាកើតេហតុ កូនរបស់គាត់បានដើរចូលមកផ្ទះ ក៍ស្រាប់ឃើញឪពុករបស់ខ្លួន បានស្លាប់នៅក្រោមដើមស្វាយ ដោយបុរសរូបនេះបានយកខ្សែនីឡុងពណ៌ខ្មៅចងកសម្លាប់ខ្លួនទៅនឹងដើមស្វាយ ។ ក្រោយពីឃើញស្ថានភាពនេះ កូនបានហៅញាតិមិត្តជិតខាងមកជួយ នឹងរាយការណ៍មកសមត្ថកិច្ច ដើម្បីពិនិត្យសាកសព ។
សមត្ថកិច្ចបានអោយដឹងថា បុរសរូបនេះពិតជាចងកសម្លាប់ខ្លួនឯងពិតប្រាកដមែន ក្រោយពីពិនិត្យសាកសពហើយសមត្ថកិច្ចបានប្រគល់សពអោយក្រុមគ្រួសារយកមកធ្វើបុណ្យតាមប្រពៃណី ។ ចន្ថា
