បុរសពីរនាក់និងស្ត្រីពីរនាក់បានស្លាប់នៅក្នុងហេតុការណ៍គ្រោះថ្នាក់ធ្លាក់យន្តហោះធុនតូចនៅជិតអាកាសយានដ្ឋាន Hilltop Lakes ចម្ងាយពីទីក្រុង Houston ២០០គីឡូម៉ែត្រនៅភាគខាងជើង។ ហេតុការណ៍គ្រោះថ្នាក់កើតឡើងនៅវេលាម៉ោង​១១ថ្ងៃទី​២០ខែកញ្ញា។
សារព័ត៌មានស៊ីនហួបានផ្សាយថា​​ កាលពីថ្ងៃទី ២០ខែកញ្ញា យន្តហោះធុនតូចមួយគ្រឿងបានធ្លាក់នៅរដ្ឋតិចសាស់ អាមេរិក សម្លាប់មនុស្ស ៤នាក់ នៅនឹងកន្លែង។
មន្ត្រីក្នុងរដ្ឋតិចសាស់បានឲ្យដឹងថា យន្តហោះសំណាងអាក្រក់ខាងលើ ព្យាយាមចុះចតបន្ទាន់មុនពេលហេតុការណ៍កើតឡើង។
តាមគម្រោងហោះហើរ យន្តហោះខាងលើបានចាកចេញពីតំបន់Horseshoe នៅវេលាម៉ោង​១០ព្រឹក ឆ្ពោះទៅកាន់ Natchitoches រដ្ឋ Louisiana។ នៅពេលនេះគេមិនទាន់ដឹងពីមូលហេតុបណ្តាលឲ្យធ្លាក់នៅឡើយទេ។
កាលពី២ខែមុន រដ្ឋតិចសាស់ ក៏មានករណីធ្លាក់យន្តហោះធុនតូច​មួយគ្រឿង​នៅតំបន់ Dallas បណ្តាលឲ្យមនុស្ស​១០នាក់ស្លាប់ដែរ៕