ប្រជាពលរដ្ឋច្រើនជាង៦០០លាននាក់ ស្ទើរពាក់កណ្តាលតំបន់អាស៊ីអាគ្នេយ៍ នឹងរងផលប៉ះពាល់ ដោយសារតែការវិនិយោគរបស់ក្រុមហ៊ុនមេហ្គាហ្វើស សង់វារីអគ្គិសនីដនសាហុងក្នុងប្រទេសឡាវ ។ ព្រោះតែដើម្បីផលចំណេញរបស់ខ្លួន ក្រុមហ៊ុនមេហ្គាហ្វើស ដែលជាមេក្រុមហ៊ុនស្រាបៀរអង្គរខេមប្រូ មិនគិតអំពីផលប៉ះពាល់លើជីវិតមនុស្សសត្វ រុក្ខជាតិ ដែលរស់កន្លងមកដោយសុខស្រួលនៅតាមដងទន្លេមេគង្គនោះឡើយ ។ សម្រាប់ប្រជាពលរដ្ឋកម្ពុជា នឹងធ្វើពហិកាមិនទទួលទានស្រាបៀរអង្គរនោះទេ ។ មិនទទួលទានស្រាបៀរអង្គរ ក៏ព្រោះតែចង់ឲ្យក្រុមហ៊ុននេះភ្ញាក់រលឹក បញ្ឈប់សកម្មភាពរំលោភបំពានទៅលើបញ្ហាបរិស្ថាន និងបញ្ហាសិទ្ធិមនុស្ស ។
ក្រុមហ៊ុនស្រាបៀរអង្គរដែលមានថៅកែជាជនជាតិម៉ាឡេស៊ីបានរួមចំណែកធ្វើឲ្យមនុស្សរាប់សិបលាននាក់ ដែលរស់នៅក្រោមខ្សែទឹកទន្លេមេគង្គប្រឈមនឹងហានិភ័យ ផ្នែកបរិស្ថាន នៅពេលដែលដំណើរការទំនប់វារីអគ្គិសនីដនសាហុងចាប់ផ្តើមដំណើរការ ។ រងគ្រោះមិនមែនតែត្រីក្នុងទឹកនោះទេ សូម្បីតែជីវៈចម្រុះ, មនុស្ស សត្វ ក៏រងគ្រោះដោយសារទំនប់ដងសាហុងនេះដែរ ។ វាជាហានិភ័យដែលពិភពលោកកំពុងព្រួយបារម្ភនោះគឺការកើនឡើងនៃបម្រែបម្រួលអាកាសធាតុ ក៏ដូចជាការផុតពូជនៃមជ្ឆជាតិទាំងឡាយ ។ ក្នុងផលប្រយោជន៍របស់ខ្លួន ក្រុមហ៊ុនមេហ្គាហ្វើស ក៏ដូចជាក្រុមហ៊ុនស្រាបៀរអង្គរខេមប្រូ បិទភ្នែក បិទត្រចៀក ធ្វើមិនដឹង មិនឮចំពោះសេចក្តីស្រែកអំពាវនាវរបស់ជនរងគ្រោះរាប់សិបលាននាក់ ។
ព័ត៌មានក្តៅបំផុត៖ NGOនឹងធ្វើយុទ្ធនាការពន្យល់ឱ្យ បញ្ឈប់ទទួលទានស្រាបៀរអង្គរ
របាយការណ៍មួយដែលចេញផ្សាយដោយ អង្គការWWF បានឱ្យដឹង ថា ម្ចាស់ក្រុមហ៊ុននៃការសាងសង់ទំនប់ វារីអគ្គិសនីដនសាហុងគឺក្រុមហ៊ុនមេ ហ្គាហ្វើស ។ ក្រុមហ៊ុននេះមានភាគហ៊ុន ៨០ភាគរយក្នុងការសាងសង់ទំនប់វារី អគ្គិសនីនេះចំណែក២០ភាគរយទៀតជារបស់រដ្ឋាភិបាលឡាវ ។ ក្នុងចំណោម ៨០ភាគរយនៃទុនវិនិយោគនេះមាន ភាគហ៊ុនជិត៣៣ភាគរយជារបស់ក្រុមហ៊ុនស្រាបៀរអង្គរដែរ ។ ដូច្នេះក្រុមហ៊ុនស្រាបៀរអង្គរមានចំណែកទទួលខុសត្រូវចំពោះហានិភ័យដែលនឹងកើតឡើង ។
ផលប៉ះពាល់នៃវារីអគ្គិសនីដនសាហុង នេះមិនត្រឹមតែធ្វើឱ្យជះឥទ្ធិពលអាក្រក់ចំពោះជីវិតមនុស្សទេវាថែមទាំងធ្វើឱ្យមច្ឆជាតិគ្រប់បែបយ៉ាងក៏នឹងជួបបញ្ហា ដែរ ។ ទំនប់វារីអគ្គិសនីដនសាហុងធ្វើឱ្យ ប៉ះពាល់មនុស្សរាប់លាននាក់រស់នៅ ក្រោមខ្សែទឹកទន្លេមេគង្គមានប្រទេស កម្ពុជានិងវៀតណាមជាដើម ។ កម្ពុជានិង វៀតណាមធ្លាប់បានជំទាស់ជាញឹកញាប់ ប៉ុន្ដែឥឡូវនេះការស្ថាបនាវារីអគ្គិសនី ដនសាហុងចាប់ផ្ដើមហើយ ។ រដ្ឋាភិ បាលឡាវ ពុំបានខ្វាយខ្វល់អំពីបញ្ហាគ្រោះភ័យដែលនឹងកើតឡើងចំពោះប្រជាពលរដ្ឋរស់នៅភាគខាងក្រោមនោះ ឡើយ ។ ដូចគ្នានេះដែរក្រុមហ៊ុនមេហ្គា ហ្វើសដែលមានចំណែករួមជាមួយក្រុមហ៊ុនស្រាបៀរអង្គរខេមប្រ៊ូក៏មិនខ្វល់អំពីទុក្ខវេទនាដែលនឹងកើតឡើងលើប្រជា ជនកម្ពុជានោះដែរ ។
ទំនប់វារីអគ្គិសនីដនសាហុង មានថាមពល២៦០មេហ្គាវ៉ាត់ស្ថិត នៅក្នុងខេត្ដចំប៉ាសាក់ ប្រទេសឡាវ ។ នៅពេលដែលវាកើតឡើងវានឹងកាត់ ផ្ដាច់លំហូរនៃមច្ឆជាតិពីអាងទន្លេមេគង្គលើនិងធ្វើឱ្យភក់ល្បាប់ត្រូវរីងស្ងួត ។ ការ ប្រឈមនេះនៅមិនទាន់គិតដល់ចំនួនសត្វ ផ្សោតដែលនឹងត្រូវផុតពូជនៅឡើយផង។
ប្រទេសឡាវចាប់ផ្ដើមសាងសង់ទំនប់ វារីអគ្គិសនីដនសាហុងក្រោមកិច្ចវិនិ យោគរបស់ក្រុមហ៊ុនមេហ្គាហ្វើសចាប់តាំងពីខែតុលា ឆ្នាំ២០១៥ ខណៈដែល ប្រទេសជាសមាជិកទាំង៤នៃគណៈកម្មាធិការទន្លេមេគង្គរួមមានកម្ពុជា, ថៃ, វៀតណាម និងឡាវខ្លួនឯងបានឯកភាព គ្នាអំឡុងខែមិថុនា ឆ្នាំ២០១៥ថានឹង ពិគ្រោះយោបល់គ្នាមុននឹងសាងសង់ ទំនប់នេះ ។ តែដើម្បី ផល ប្រយោជន៍ផ្ទាល់ខ្លួនរបស់ក្រុមហ៊ុនមេហ្គា ហ្វើសក៏ដូចជាចំណែកភាគហ៊ុនក្រុម ហ៊ុនស្រាបៀរអង្គរពិតជាបានរួមចំណែកបង្កទុក្ខវេទនាចំពោះប្រជាពលរដ្ឋរាប់ សិបលាននាក់ដែលរស់នៅភាគខាង ក្រោមនៃទំបន់នេះ ។
តាមគម្រោងទំនប់វារីអគ្គិសនីដន សាហុងមានកម្ពស់៣០ម៉ែត្រទៅ៣២ ម៉ែត្រ និងមានចម្ងាយប្រហែល៧គីឡូ ម៉ែត្រ ។ ទំនប់នេះមានចម្ងាយប្រមាណ ១.៥០០ម៉ែត្រពីព្រំដែនប្រទេសកម្ពុជា ក្នុងខេត្ដស្ទឹងត្រែង ។ បើទោះបីជាមាន ការជំទាស់ពីបណ្ដាប្រទេសនៅតាមដង ទន្លេមេគង្គបែបណាក៏ដោយក្រុមហ៊ុន មេហ្គាហ្វើសដែលជាអ្នកសាងសង់ទំនប់នេះបានបញ្ជាក់ថា ខ្លួនបានសិក្សានិងវាយ តម្លៃអំពីផលប៉ះពាល់បរិស្ថានឬហៅ កាត់ថា EIA (Environmental Impact Assessment) រួចហើយឃើញថា មិន មានផលប៉ះពាល់អ្វីនោះទេ ។ តែការវាយតម្លៃមិនបានសិក្សាពីបណ្តាប្រទេសនៅខាងក្រោមទេ ។
រដ្ឋាភិបាលឡាវក្រោមការចង់មានចង់បានរបស់ក្រុមហ៊ុនមេហ្គាហ្វើសនៃចំណែកភាគហ៊ុនក្រុមហ៊ុនស្រាបៀរអង្គរ យល់ថាការសាងសង់ទំនប់នេះស្ថិតក្នុង អធិបតេយ្យនៃប្រទេសឡាវ ។ រដ្ឋាភិ បាលឡាវអះអាងថា មិនមានផលប៉ះ ពាល់អ្វីអំពីការសាងសង់ទំនប់នេះទេ ។ ប៉ុន្ដែយោងតាមកិច្ចព្រមព្រៀងឆ្នាំ១៩៩៥ នៃបណ្ដាប្រទេសជាសមាជិកគណៈកម្មាធិការទន្លេមេគង្គកំណត់ឱ្យបញ្ឈប់ និង សងសំណងប្រសិនបើរកឃើញមានផលប៉ះពាល់ឆ្លងដែនជាក់លាក់ ។ មាត្រា៧ ចែងថា“ការទទួលខុសត្រូវសំណងដោយរដ្ឋជាភាគី” ។
ប្រជាពលរដ្ឋកម្ពុជា ដែលនឹងពហិកាមិនទទួលទានស្រាបៀរអង្គររំពឹងថា កិច្ចប្រជុំកំពូលអាស៊ាន-អាមេរិក ដែលនឹងធ្វើឡើងនៅពេលខាងមុខ ពិតជាបានពិភាក្សាអំពីអ្វីដែលជាសំណូមពររបស់ប្រជាពលរដ្ឋកម្ពុជាមិនខាន ។ និយាយឲ្យខ្លីទៅ មិនមែនតែប្រជាពលរដ្ឋកម្ពុជានោះទេ ដែលនឹងរងផលប៉ះពាល់ដោយសារទំនប់វារីអគ្គិសនីដនសាហុងនេះ ។ ផ្ទុយទៅវិញ ប្រជាពលរដ្ឋរហូតដល់ជាង៦០០លាននាក់ នៃបណ្តាប្រទេសតាមតំបន់ទន្លេមេគង្គនឹងរងផលប៉ះពាល់ ហើយមិនមែនតែមនុស្សទេ ដែលរងផលប៉ះពាល់ សូម្បីតែសត្វ, មច្ឆជាតិ, រុក្ខជាតិ ជីវៈចម្រុះផ្សេងទៀត ក៏រងផលប៉ះពាល់ដែរ ៕
ដោយ៖ នួន នរិន្ទ្រន៍
