ពានរង្វាន់ណូប៊ែលសន្តិភាពឆ្នាំ​២០២០ បានរកឃើញម្ចាស់ហើយ ម្ចាស់ពាន់នោះមិនមែនប្រធានាធិបតី រុស្ស៊ី លោកពូទីន ហើយក៏មិនមែនលោកត្រាំ ប្រធានាធិបតីអាមេរិក នោះដែរ​ … គឺមិនមានបុគ្គលណាមួយទទួលបានពាននេះឡើយ គឺបានទៅលើកម្មវិធីស្បៀងអាហារពិភពលោក (WFP) ដែលបានខិតខំជួយដល់ពលរដ្ឋ ជាច្រើនរងគ្រោះដោយសារសង្គ្រាម នៅជុំវិញពិភពលោក​។
សារព័ត៌មានរ៉យទ័រ នៅថ្ងៃទី០​៩ខែតុលា បានដកស្រង់ សេចក្តីប្រកាស​របស់(WFP) បានបញ្ជាក់ថា ក្នុងចំណោមមនុស្ស ៩នាក់មានម្នាក់ត្រូវប្រឈមនិងកង្វះស្បៀងអាហារ​។ ចាប់តាំងពីអង្គការ (WFP) បានបង្កើតឡើងនៅឆ្នាំ ១៩៦១ មកទល់ពេលនេះ គឺក្នុងមួយឆ្នាំៗ អង្គការនេះបានជួយផ្តល់ស្បៀងអាហារដល់មនុស្ស ៩៧លាននាក់ នៅ​​៨៨ប្រទេសជុំវិញពិភពលោក​។
ប្រធានគណៈកម្មការ​ពានរង្វាន់ណូប៊ែល ន័រវេសលោកBerit Reiss-Andersen បានប្រកាសថា ពានរង្វាន់ឆ្នាំ​២០២០ បានផ្តល់ទៅឲ្យ អង្គការ កម្មវិធីស្បៀងអាហារ ពិភពលោក​ ដោយសារតែការខិតខំរបស់អង្គការនេះជួយដល់ពលរដ្ឋដែលរងផលប៉ះពាល់។
តាមសារព័ត៌មាន The Guardian ពាន់រង្វាន់ណូប៊ែលសន្តិភាព​បានប្រគល់ជូនបុគ្គលនិង ស្ថានប័ន ជាន​១០០ ហើយចាប់តាំងពីឆ្នាំ​១៩០១​មកទល់ពេលនេះ​។ កាលពីឆ្នាំ ២០១៩ ពានរង្វាន់នេះបានទៅលើនាយករដ្ឋមន្ត្រី Ethiopia លោក Abiy Ahmed ដែលបានខិតខំស្វែងរកសន្តិភាពបញ្ចប់សង្គ្រាមជាមួយEritrea ។ ពិធីប្រគល់ពានរង្វាន់ណូប៊ែលសន្តិភាពឆ្នាំ​២០២០ នឹងធ្វើឡើងនៅថ្ងៃទី​១០ខែតុលា នៅមហាវិទ្យាល័យOslo៕ ដោយ៖ធីរីណា