ភ្នំពេញ៖ រថយន្តកាមរីស្វិតថយមិនប្រយ័ត្នជ្រុលបុករថយន្តឡិសស៊ីសRX330 បណ្តាលឲ្យរងការខូចខាត ។ ហេតុការណ៍េនេះបានកើតឡើងនៅវេលាម៉ោង៩ និង៣០នាទីព្រឹកថ្ងៃទី១៣ ខែកុម្ភៈ ឆ្នាំ២០១៦ នៅតាមបណ្តោយផ្លូវ១១០ សង្កាតវត្តភ្នុំ ខណ្ឌដូនពេញ។

តាមសម្តីរបស់អ្នកយកព័ត៌មាននគរដ្រេហ្គនបានប្រាប់ឲ្យដឹងថា រថយន្តកាមរីស្វិតបានយករថយន្តខ្លួនមកតុបតែងលែងឡានរួចក៏ថយក្រោយមិនប្រយ័ត្នក៏មកបុកពាក់កណ្តាលរថយន្តឡិចស៊ីសRX330 ពណ៌ស្ករ មួយពេញទំហឹងបណ្តាលឲ្យខូចខាតទ្វារទាំង២យ៉ាងដំណំ។

ក្រោយកើតហេតុសមត្ថកិច្ចចុះទៅដល់ទីតាំងកើតហេតុរួចក៏បានហៅភាគីទាំងសងខាងមកសម្របសម្រួលគ្នា ដោយម្ចាស់រថយន្តកាមរីសងថ្លៃខូចខាតទៅម្ចាស់រថយន្តឡិចស៊ីសធ្វើដូចដើមវិញ៕

ដោយ៖ ស ដារ៉ា