អាមេរិកជិតមានវ៉ាក់សាំងប្រឆាំងកូវីដ​-១៩ ចំនួន២ប្រភេទ

ចែករំលែក៖

តាមគម្រោងក្រុមហ៊ុនអាមេរិកចំនួនពីរ នឹងដាក់លិខិតស្នើសំុច្បាប់បន្ទាន់ក្នុងការផលិតវ៉ាក់សាំងប្រឆាំងកូវីដ​-១៩​នៅចុងខែវិច្ឆិកា​ខាងមុខ​។
សារព័ត៌មាន AFP បានផ្សាយថា ក្រុមហ៊ុនឱសថ​ Pfizer នៅថ្ងៃទី​១៧ខែតុលា បានប្រកាសថា ក្រុមហ៊ុននឹង​ស្នើសុំច្បាប់​ក្រោយពេលមានតួលេខស្តីពី​សុវត្ថិភាព​និងប្រសិទ្ធភាពនៃវ៉ាក់សាំង​។ នៅសប្តាហ៍ទី​៣ នៃខែវិច្ឆិកា ក្រុមហ៊ុននិឹងចាប់ផ្តើមស្នើសុំការអនុញ្ញាតជាផ្លូវការ។
អគ្គនាយកក្រុមហ៊ុន Pfizer លោក Albert Bourla បានឲ្យដឹងថា ក្រុមហ៊ុននឹងដាក់លិខិតស្នើសុំច្បាប់ប្រើប្រាស់ជាបន្ទាន់នៅអាមេរិក ក្រោយការទទួលលទ្ធលពីកម្រិតសុវត្ថិភាព​ និងចេញជាផ្លូវការនៅសប្តាហ៍ទី​៣ក្នុងខែវិច្ឆិកា​»។
តាមសេចក្តីប្រកាសខាងលើ អាមេរិក នឹងមានវ៉ាក់សាំងពីរប្រភេទនៅចុងឆ្នាំ​២០២០នេះ​។ កន្លងមក ក្រុមហ៊ុន ឱសថ Moderna មានទីតាំងនៅរដ្ឋ Massachusetts ​បានស្នើសំុការអនុញ្ញាតច្បាប់នៅថ្ងៃទី​២៥ខែវិច្ឆិកាឆ្នាំ​២០២០។
ក្រុមអ្នកឯកទេសបានលើកឡើងថា បើទោះបីទទួលបានការអនុញ្ញាត ប៉ុន្តែក្រុមហ៊ុនត្រូវការពេលវេលាច្រើនទៀតទើបអាច​​ចែកចាយប្រើប្រាស់ទូលំទូលាយបាន​។ បច្ចុប្បន្នអាមេរិកមានករណីឆ្លងកូវីដ​-១៩ កើនឡើង​ជាង​៨លាននាក់ហើយ ​។ អាមេរិកជាប្រទេសរងគ្រោះខ្លាំងជាងគេដោយកូវីដ​-១៩ ដោយមានអ្នកស្លាប់ជាង​២១៨ពាន់នាក់ ៕


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print