ភ្នំពេញ ៖ យុវជន៥នាក់ស្រវឹងស្រាបានបើករថយន្តមួយគ្រឿង ទៅបុករថយន្តមួយគ្រឿងខ្ទៀតប៉ះរឺុម៉កកង់បី ហើយព្យាយាមបើករត់គេចខ្លួនក៏ជ្រុលទៅបុករៈរថយន្ត៣គ្រឿងនិងម៉ូតូមួយទៀត កំពុងចតស្ងៀមបណ្តាលឲ្យរងការខូចខាតយ៉ាងដំណំ នឹងរបួសមនុស្ស២នាក់ ។
ហេតុការណ៍គ្រោះថ្នាក់ចរាចរខាងលេីនេះ កាលពីវេលាម៉ោង១១និង៤០នាទីយប់ ថ្ងៃទី១៤ ខែកក្កដា ឆ្នាំ២០១៥ នៅចំណុចខាងជើងវិមានឯករាជ្យ តាមបណ្តោយផ្លូវព្រះនរោត្តម សង្កាត់ចតុមុខ ខណ្ឌដូនពេញ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញ រថយន្តម៉ាកតាកូម៉ាកមួយគ្រឿង ពណ៌ស ពាក់ស្លាកលេខភ្នំពេញ2AD-0338 បើកបរដោយយុវជនម្នាក់និង៤នាក់ទៀតរួមដំណើរជាមួយ ធ្វើដំណើរតាមបណ្តាលនរោត្តមន៍ ក្នុងទិសដៅពីជើងទៅត្បូង ក្នុងល្បឿនលឿន ខណៈមកដល់ចំណុចកើតហេតុក៏បួងចង្កូតបត់ទៅក្រោយវិញភ្លាមនោះក៏ជ្រុលទៅបុកនិងរថយន្តម៉ាកAvansa បើកបរដោយបុរសជនជាតិកូរ៉េម្នាក់ ធ្វើដំណើរបញ្ជ្រាស់ទិសគ្នា ចំពីចំហៀងពេញទំហឹង បណ្តាលឲ្យខ្ទៀតទៅប៉េះនិងរ៉ឺម៉កកង់បី ធ្វើឲ្យរងរបួសធ្ងន់២នាក់ ហើយរថយន្តបង្កបានព្យាយាមបើករត់រហូតមកដល់ចំណុចមុខហាងយីហោ កំពង់ត្រាំង Thai Food បានជ្រុលបុករថយន្តម៉ាករ៉េងរ៉ូវ័រ ពីក្រោយខណៈរថយន្តចតស្ងៀម បណ្តាលឲ្យរុញទៅបុកនិងរថយន្តកូរ៉ូឡា ហើយបន្តរុញបុកម៉ូតូPCXមួយគ្រឿងទៀត ខ្ទាត់ទៅប៉ះរថយន្តកាមរីហាយប្រ៊ីត បណ្តាលឲ្យរងកាខូចខាតយ៉ាងដំណំ ខណៈម្ចាស់ចត់នៅមុខហាងហើយបានចូលទៅក្នុងបាត់ សំណាងល្អមិនមានអ្នករងរបួស។
សាក្សីដដែល បានបន្តទៀតថា បន្ទាប់ពីរថយន្តបង្កបុកឲ្យរងការខូចខាតហើយក្រុមយុវជនទាំងនោះក៏បើកទ្វាចុះព្យាយាមបើករត់តែត្រូវបានប្រជាពលរដ្ឋនិងម្ចាស់រថយន្តរងគ្រោះដេញចាប់បាន៣នាក់និង២នាក់ទៀតរត់គេចខ្លួនបាត់ស្រមោល។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យចំណែករថយន្តបង្ករួមទាំងរថយន្តរងគ្រោះត្រូវបាននគរបាលជំនាញធ្វេីការវាស់វែងយកទៅរក្សាទុកនៅការិយាល័យចរាចរណ៍ជើងគោកដើម្បីដោះស្រាយតាមក្រោយ។
គួរបញ្ជាក់ផងដែរថាយុវជន៣នាក់ដែលបើករថយន្តបង្កទី១ឈ្មោះផាន់ ចាន់ ភេទប្រុស អាយុជាង២០ឆ្នាំ ស្នាក់នៅសង្កាត់ភ្នំពេញថ្មី ខណ្ឌសែនសុខ ទី២ឈ្មោះ ហេ សំបូរ ស្នាក់នៅម្តុំផ្សារចាស់ ខណ្ឌដូនពេញ ទី៣ឈ្មោះ សុខ គន្ធា ភេទប្រុស ស្នាក់នៅសង្កាត់ផ្សារថ្មីទី១ ខណ្ឌដូនពេញ៕ស ដារ៉ា
