នាយករដ្ឋមន្ត្រីម៉ាឡេស៊ី លោក Muhyiddin Yassin ប្រឈមនឹងសំណើឲ្យលោកលាលែងចេញពីតំណែង។ នៅពេលនេះសភាមិនមានទំនុកចិត្តលើរូបលោកទៀតឡើយក្រោយពេលដែលសំណើរប្រកាសអាសន្នទប់ស្កាត់ការឆ្លងរាលដាលកូវីដ១៩ ត្រូវសភាច្រានចោល។
ជាមួយគ្នានោះដែរព្រះមហាក្សត្រម៉ាឡេស៊ី ក៏បានបដិសេធ ប្រកាសអាសន្នដើម្បីទប់ស្កាត់ការឆ្លងរាលដាលកូវីដ១៩
ដើម្បីទប់ស្កាត់ការឆ្លងរាលដាលកូវីដ១៩ផ្ទុះឡើងជាថ្មី នៅម៉ាឡេស៊ី នាយករដ្ឋមន្ត្រី Muhyiddin Yassin បានស្នើប្រកាសអាសន្ន ដើម្បីទប់ស្កាត់ការឆ្លងរាលដាល និង ការខាតបង់សេដ្ឋកិច្ច។ សំណើររបស់លោក ត្រូវបានក្រុមប្រឆាំង និង អ្នកជំនាញបដិសេធ ថានោះជាលេសដើម្បីឲ្យលោក នាយករដ្ឋមន្ត្រី ផ្អាកដំណើរការសភា បញ្ជៀសការថ្កោលទោសពីរដ្ឋសភា។
អ្វីដែលចាប់អារម្មណ៍នោះគឺ ព្រះមហាក្សត្រ Al-Sultan Abdullah កាលពីថ្ងៃទី២៥ខែតុលា បានបដិសេធដំណើរប្រកាសអាសន្ននៅទូទាំងប្រទេស របស់នាយករដ្ឋមន្ត្រី ដើម្បីទប់ស្កាត់ការឆ្លងរាលដាលកូវីដ១៩ ។ ជាមួយគ្នានេះព្រះមហាក្សត្រ បានអំពាវនាវឲ្យបញ្ចប់ ការប្រឈមមុខបញ្ហានយោបាយ ខណៈក្រុមប្រឆាំងស្នើឲ្យលោកនាយករដ្ឋមន្ត្រីលាលែងចេញពីតំណែង៕ ដោយ៖ធីរីណា
