ភ្នំពេញៈ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាអ្នកនាំពាក្យរាជរដ្ឋាភិបាល បានមានប្រសាសន៍ថា៖ “អ្នកប្រើស្លាកលេខក្លែង (Press) ប្រយ័ត្នជាប់គុក” ។ លោករដ្ឋមន្ត្រីមានប្រសាសន៍បែបនេះ ដើម្បីរំលឹកទៅកាន់អ្នកសារព័ត៌មានទាំងឡាយណាដែលបានយកតួនាទី ប្រើប្រាស់ស្លាកលេខក្លែងបន្លំបិទបាំងលើរថយន្ត ម៉ូតូ រួចរំលោភតួនាទីរាជការសាធារណៈសុទ្ធតែជារឿងខុសច្បាប់ ប្រឈមនិងទោសទណ្ឌដាក់គុក។
កន្លងទៅមានអ្នកសារព័ត៌មានមួយចំនួនតូច មិនស្គាល់អំពីតួនាទី ខុសនឹងវិជ្ជាជីវៈ បាននាំគ្នាប្រើប្រាស់ស្លាកលេខក្លែង (Press) ដាក់ម៉ូតូនិងរថយន្តរបស់ខ្លួន ឬធ្វើឲ្យអ្នកដ៏ទៃ សុទ្ធតែអំពើល្មើសច្បាប់ ពួកគេពុំបានគិតដល់លើ ទោសទណ្ឌដែលត្រូវផ្ដន្ទាទោស។ យោងតាមមាត្រា៧៩នៃច្បាប់ចរាចរណ៍ផ្លូវគោកថ្មីចែងថា៖ “ជនណាក្លែងប័ណ្ណបើកបរ ប័ណ្ណសម្គាល់យានយន្ត ស្លាកលេខសម្គាល់យានយន្ត ឬលិខិតអនុញ្ញាតផ្សេងៗ ដែលចេញដោយរាជការសាធារណៈ ត្រូវផ្ដន្ទាទោសដាក់ពន្ធនាគារពី៥ទៅ១០ឆ្នាំ តាមបញ្ញត្តិមាត្រ៦២៩នៃក្រមព្រហ្មទណ្ឌ”៕
ដោយ៖ សុខ ខេមរា
