រយៈពេល៤ឆ្នាំចាប់តាំងពីក្លាយជាកីឡាករថ្លៃជាងគេបំផុតនៅលើពិភពលោក កីឡាករ Paul Pogba នៅតែមិនច្បាស់លាស់ក្នុងកិច្ចសន្យារបស់គាត់នៅ Manchester United ដោយមានមនុស្សជាច្រើននៅតែចោទជាសំណួរថា តើគាត់សមនឹងទទួលបានកន្លែងមួយក្នុងជម្រើស១១នាក់ដែរឬទេ?

ដោយចំណាយពេល៣ឆ្នាំក្នុងនាមជាកីឡាករវ័យក្មេងម្នាក់នៅក្រុមបិសាចក្រហមមុនពេលចាកចេញទៅក្លិបសេះបង្កង់ Juventus ក្នុងឆ្នាំ២០១២ កីឡាករ Pogba បានវិលត្រឡប់ទៅទឹកដី Old Trafford វិញក្នុងតម្លៃកំណត់ត្រាពិភពលោក៨៩.៣លានផោនក្នុងឆ្នាំ២០១៦ ។

ស្របពេលដែលក្លិបកំពុងព្យាយាមចម្លងអតីតកាលរបស់ខ្លួនបន្ទាប់ពីលោក Sir Alex Ferguson ចូលនិវត្តន៍ Pogbaបានវិលត្រឡប់ទៅក្លិបចាស់វិញ ខណៈដែលខ្សែបម្រើរូបនេះត្រូវបានគេមើលឃើញថាជាចំណុចរបត់មួយនៅក្នុងសំណាងរបស់ Man United ។

ប៉ុន្តែបន្ទាប់ពីការបង្ហាញខ្លួនជាង១៥០ដងនៅក្នុងការប្រកួតទាំងអស់ Pogba នៅតែជាកីឡាករសំខាន់ម្នាក់ក្នុងចំណោម ក្រោមការដឹកនាំរបស់លោក Ole Gunnar Solskjaer។
លោក Solskjaer បានប្រាប់អ្នកយកព័ត៌មានកាលពីខែសីហាថា “ចាប់តាំងពីត្រលប់មកពីរបួសវិញ Pogba ពិតជារីករាយណាស់ គាត់សប្បាយចិត្តហើយគាត់លេងបានល្អ”។

ការមកដល់របស់ខ្សែបម្រើ Bruno Fernandes នៅក្នុងខែមករាបានជះឥទ្ធិពលដល់ក្រុម Man United ដោយមិនមានកីឡាករណាចូលរួមក្នុងការរកគ្រាប់បាល់នៅ Premier League ច្រើនឡើយ ពោលគឺគ្រាប់បាល់ស៊ុតបញ្ចូលទី និងជួយបញ្ចូលគ្នាក្នុងកំឡុងពេលដែលគាត់ចូលរួម។

Pogba និង Fernandes បានលេងជាមួយគ្នាដោយពួកគេទាំង២បានផ្សារភ្ជាប់គ្នា ដោយ Man United បានបញ្ចប់កាលពីរដូវកាលមុនក្នុងតំណែង Top 4 ប៉ុន្តែលោក Solskjaer បានទុក Pogba ចេញពីការប្រកួត៣ចុងក្រោយរបស់ Man United ។

គួបផ្សំនឹងការចុះហត្ថលេខានៅរដូវក្តៅយក Donny van de Beek ចូលក្នុងខ្សែបម្រើកណ្តាលតួនាទីរបស់ Pogba ក្នុងផែនការរបស់លោក Solskjaer នៅតែមិនទាន់ច្បាស់ទោះបីអ្នកវិភាគខ្លះនៅតែមានសុទិដ្ឋិនិយមក៏ដោយ ៕

ដោយ៖ ភារៈ