ខេត្តកំពង់ធំ៖ បុរសម្នាក់បានស្លាប់ភ្លាមៗនៅក្នុងហេតុការណ៍គ្រោះថ្នាក់ចរាចរណ៍មួយបង្កឡើងដោយរថយន្ដមិនស្គាល់ម៉ាក បុកបុរសម្នាក់ជិះម៉ូតូ វ៉ែវ អាលហ្វា គ្មានផ្លាកលេខ ស្លាប់ភ្លាមៗនៅនិងកន្លែងកើតហេតុ។ ហេតុការណ៍ដ៏រន្ធត់នេះបានកើតឡើងកាលពីវេលាម៉ោង២០និង២០នាទី ថ្ងៃទី១៤ ខែកក្កដា ឆ្នាំ២០១៥ ត្រង់ចំណុចភូមិក្រសាំង(ក) ឃុំសានគរ ស្រុកស្ទោងខេត្តកំពង់ធំ។ ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តនោះតែមិនដឹងថាជាម៉ាកអ្វីនោះទេ គ្រាន់តែលឺសំលេងប្រាវ ធ្វើអោយផ្ញាក់ផ្អើរដល់ប្រជាពរដ្នក៏នាំគ្នាមកមើលឃើញបុរសរងគ្រោះដេកដួលនៅលើថ្នល់ជាតិលេខ ០៦ ព្រមទាំងម៉ូតូ១គ្រឿងប្រកបទៅដោយឈាមហូរដាប់ថ្នល់ ហើយក៏បាត់បង់ជីវិតបាតទៅហើយ។ អ្នកបើកបររថយន្តបង្កបានបើករថយន្ដរត់គេចខ្លួនបាត់ស្រម៉ោល ។ ម៉ូតូ និងរថយន្ដបានបើកបរបញ្ច្រាស់ទិសគ្នាពីជើងទៅត្បូង ។ សមត្ថកិច្ចកំពុងកសាងសំណុំរឿង និងតាមចាប់ជនបង្កនាំខ្លួនចូលមកដោះស្រាយតាមច្បាប់ ៕ ប៊ុន រិទ្ធី
