ប្រអប់កុងទ័យភ្លើងជាង១០ត្រូវបានអគ្គីភ័យឆាបឆេះយ៉ាងសន្ធោសន្ធៅ ពលរដ្ឋរិះគន់ថា សមត្ថកិច្ចពាក់ព័ន្ធ អសមត្ថភាព

ចែករំលែក៖

ខេត្តសៀមរាប ៖  ប្រអប់កុងទ័រភ្លើងជាង១០ប្រអប់ ត្រូវបានអគ្គីភ័យឆាបឆេះយ៉ាង​សន្ធោសន្ធៅ ដោ​យ​មិនមាន មន្ដ្រីជំនាញណាមួយជួយពន្លត់ទាន់ពេលវេលាឡើយ បណ្ដាលឲ្យដាច់ភ្លើងប្រើប្រាស់​មួយ​រយៈ​​ព្រមទាំងបង្កឲ្យ​មាន ការភ្ញាញ់ផ្អើលដល់ពលរដ្ឋផងដែរ។

ហេតុការណ៍នេះ កើតឡើងកាលពីវេលាម៉ោង៤និង៣០នាទី​ល្ងាច ថ្ងៃទី១៤ខែកក្កដាឆ្នាំ​២០១៥ស្ថិត​នៅចំនុចផ្លូវខាង​ក្រោយពេទ្យនាគទេព ក្នុងភូមិវត្តបូព៌ សង្កាត់សាលាកំរើក ក្រុងសៀមរាប ។

ករណីនេះ ពល​រដ្ឋរិះ​គន់ថា សមត្ថកិច្ចពាក់ព័ន្ធ គ្មានសមត្ថភាពជួយ​ពន្លត់ឲ្យ​ទាន់​ពេលវេលា​ទើបបណ្ដាលឲ្យភ្លើងឆេះកុងទ័រស្ទើអស់ទាំងស្រុង។

សាក្សីបានអោយដឹងថា មុនពេលភ្លើងឆាបឆេះប្រអប់កុងទ័រភ្លើងនោះ ពលរដ្ឋបានទូរស័ព្ទទៅ​ ​ខាង​អគ្គិសនី​ឲ្យមកជួយផ្តាច់​ភ្លើង ជៀសវាង កុំឲ្យឆ្លងពីប្រអប់មួយទៅប្រអប់មួយទៀត ប៉ុន្ដែរយៈជាង១​ម៉ោងគ្មានឃើញខាង​ជំនា​ញ​ណាមកពិនិត្យសោះ ដែលធ្វើឲ្យ​ពលរដ្ឋលែងមានជំនឿនិងទុកចិត្តចំពោះ​សមត្ថ​កិច្ចពាក់ព័ន្ធ ខណៈដែលពួកគេបាន​ហៅ​​ជាលើកទី២​​គ្មាន​ឃើញមុខមកជួយអន្ដរាគមន៍ ទើបបណ្ដាល​ឲ្យ​ភ្លើង​ឆាបឆេះតាមចិត្ដ​រហូតឆេះ​ឆ្លងគ្នាអស់១០​ប្រអប់។

លោកវរសេនីយឯក សំ សុជាតិ ស្នងការរងទទួលបន្ទុកពន្លត់ និងបង្កាអគ្គិភ័យ នៃស្នងការនគរ​បាល​ខេត្ត​បាន​​ប្រាប់អ្នកសារព័ត៌មាន កាលពីល្ងាចថ្ងៃទី១៤ខែកក្កដានេះថា លោកបានរៀបចំកម្លាំងនិង​រថ​យន្ត​ពន្លត់អគ្គិ​ភ័យ​ដែរ តែខាងអគ្គិសនីបានប្រាប់មកវិញថា មិនបាច់ចេញរថយន្តទេ ព្រោះ​អគ្គិសនី​បាន​ឲ្យកម្លាំងជំនាញ​ទៅផ្តាច់​ចរន្តខ្សែ​ធំរួចរាល់អស់ហើយ ​មិនអាចឆ្លងទៅមកកាប៊ីន​ផ្សេង​បានទេ​។​លោកបាន​បន្តថា ករណីនោះ មិនមែនជាកំ​ហុសខាង​លោកទេ ព្រោះអគ្គិសនី​មិនឲ្យចេញឡាន។

អ្នកយកព័ត៌មាននគរវត្ដមិនទាន់អាចទាក់ទងផ្នែកអគ្គិសនីខេត្ដសៀមរាបបាននៅឡើយទេ ។

គួរបញ្ជាក់ថា  ប្រជាពលរដ្ឋក្នុងក្រុងសៀមរាបបាន ត្អូញត្អែរថា អគ្គិសនីខេត្ដរំដួលនេះ ដាច់​ភ្លើង​ជា​ញឹកញាប់ ដែលបណ្ដាលឲ្យកុងទ័រគីឡូវាត់របស់ពួកគាត់ ឡើងខុសប្រក្រតី និងឧបករណ៍អេឡិចត្រូ​និច្ចខូចខាតផងដែរ៕

IMG_20150714_171245

...

IMG_20150714_172712


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print