ក្នុងពេលដែលលោកបៃឌិន បានចាប់ដៃគ្នាបង្កើតក្រុមប្រយុទ្ធប្រឆាំងការឆ្លងរាលដាលកូវីដ-១៩ និងបញ្ហាជាច្រើនទៀតនោះ លោក ប្រធានាធិបតីដូណាល់ ត្រាំ បែរជាឡើងគម្រោងរៀបចំពិធីជួបជុំគ្នា ប្រឆាំងលទ្ធផលបោះឆ្នោត។
ក្រោយរយៈពេលជាង១ថ្ងៃ ដែល លោកបៃឌិន ទទួលបានចំនួនកៅអីតំណាងគ្រប់គ្រាន់ដើម្បីក្លាយជាអ្នកឈ្នះក្នុងការបោះឆ្នោតប្រធានាធីបតីអាមេរិកនោះ គឺលោកត្រាំមិនបានទទួលស្គាល់លទ្ធផលបោះឆ្នោតនៅថ្ងៃទី៣ខែវិច្ឆិកានោះទេ។
លោកTim Murtaugh អ្នកនាំពាក្យក្រុមរៀបចំការបោះឆ្នោត របស់លោកត្រាំ បានបញ្ជាក់ថា ជាមួយគ្នានេះដែរ លោកត្រាំបានរៀបចំពិធីជួបជុំគ្នាដើម្បីអូសទាញ អ្នកគាំទ្រប្រឆាំងលទ្ធផលបោះឆ្នោត។ គោលដៅរបស់លោកត្រាំគឺដើម្បីទាមទាររាប់សន្លឹកឆ្នោតឡើងវិញនៅក្នុងរដ្ឋ Wisconsin, Pennsylvania និង Arizona ។
បច្ចុប្បន្ន ចំនួនសន្លឹកឆ្នោតសកលរបស់លោកបៃឌិន បានកើនឡើងដល់ទៅ៤,១ លានសន្លឹក មានកៅអីតំណាងដល់ទៅជាង៣០០កៅអីគឺលើសពីចំនួនកំណត់ដែលមានតែ២៧០កៅអីតំណាង។ លទ្ធផលនៃការបោះឆ្នោតអាមេរិក គឺមិនអាចកែប្រែបានឡើយ។
នៅពេលនេះដែរ លោកបៃឌិនមានគម្រោងលុបការហាមប្រាមដល់ប្រទេសកាន់សាសនាអ៊ិស្លាមមួយចំនួនចូលក្នុងទឹកដីអាមេរិក ដែលពីមុនលោកត្រាំបានហាមប្រាម។ មិនតែប៉ុណ្ណោះ គម្រោងដកអាមេរិកចេញពីអង្គការសុខភាពពិភពលោកក៏ត្រូវបានលោកត្រាំលុបចោលផងដែរ និងគោលនយោបាយជាច្រើនផ្សេងទៀត ក្នុងនោះក៏មានទាំងអាមេរិកចូលក្នុងសន្ធិសញ្ញាទីក្រុងប៉ារីសស្តីពីអាកាសធាតុផងដែរ…៕
