ក្រោយទទួលបានការលើកលែងទណ្ឌកម្ម អីរ៉ង់បានចាប់ផ្តើមនាំប្រេងឆៅជាច្រើនទៅកាន់ទីផ្សារនៅក្នុងតំបន់អឺរ៉ុប ដែលជាទីផ្សារដែលមានសក្តានុពលបំផុត អាចកំណត់តម្លៃប្រេង ឡើងឬចុះថ្លៃបាន។
សារព័ត៌មានBloomberg ពេលថ្មីៗនេះបានផ្សាយថា ក្រោយពេលអីរ៉ង់រួចផុតពីទណ្ឌកម្ម ប្រទេសនេះក៏បានចាប់ផ្តើមនាំប្រេងចេញទៅក្រៅប្រទេស ហើយអឺរ៉ុបជាតំបន់ដំបូងគេបង្អស់ ដែលអីរ៉ង់នាំប្រេងទៅកាន់ទីនោះ។
អីរ៉ង់មានគម្រោងបង្កើនការផលិតប្រេងបន្ថែមរហូតដល់ទៅ១លានបារ៉ែលក្នុងមួយថ្ងៃ នៅក្នុងឆ្នាំ២០១៦នេះ។ ប្រទេសដែលបានចុះហត្ថលេខាលើកិច្ចកិច្ចព្រមព្រៀងទិញប្រេងពីអីរ៉ង់រួម ក្រុមហ៊ុន Total SA របស់បារាំង ក្រុមហ៊ុនHellenic Petroleum SA របស់ក្រិក។ តាមតួលេខរបស់ក្រសួងថាមពលប្រេងអីរ៉ង់បានឲ្យដឹងថា នៅខែមករាឆ្នាំ២០១៦នេះ អីរ៉ង់បានបូបប្រេងរហូតដល់ ២,៨៦លានបារ៉េលក្នុងមួយថ្ងៃ ។
អីរ៉ងនិងបញ្ចូនប្រេងទៅកាន់តំបន់អឺរ៉ុប ក្នុងពេលដំបូងមាន៤លានបារ៉ែល ក្នុងនោះ២លានផ្តល់ឲ្យក្រុមហ៊ុនតូតាលរបស់បារាំង ក្រៅពីនេះផ្តល់ឲ្យក្រុមហ៊ុនរបស់ប្រទេសអេស្បាញ។
ក្រោយទណ្ឌកម្មត្រូវបានដកហូតទាំងស្រុងនៅថ្ងៃទី១៦ខែមករា អីរ៉ងក៏បានជម្រុញឲ្យមានកំណើនសេដ្ឋកិច្ចតាមរយៈការលក់ប្រេង ។ មិនត្រឹមតែប៉ុណ្ណោះអីរ៉ងក៏ទទួលបានប្រាក់៣០ពាន់លានដុល្លារដែលត្រូវសហគមន៍អន្តរជាតិបង្កកកាលពីពេលកន្លងមក។
ក្រុមអ្នកវិភាគបានលើកឡើងថា ពេលនេះអីរ៉ងបានបំពេញការខ្វះខាតប្រេងនៅតំបន់អឺរ៉ុប ជួយឲ្យ អឺរ៉ុបបញ្ចប់ការអាស្រ័យប្រេងពីរុស្ស៊ីដូចកាលពីមុន។ ចំណុចទាំងនោះតម្លៃប្រេងពិភពលោកពិបាក់ឡើងថ្លៃវិញបើទោះបី ប្រទេសមានសេដ្ឋកិច្ចអាស្រ័យប្រេងដូចជា វេណេហ្ស៊ូអេឡានិងរុស្ស៊ី ខិតខំធ្វើឲ្យតម្លៃប្រេងឡើងថ្លៃវិញក៏ដោយ។
តម្លៃប្រេងធ្លាក់ចុះប៉ះពាលយ៉ាងខ្លាំងដល់ប្រទេសអាស្រ័យប្រេងដូចរុស្ស៊ីនិង វេណាហ្ស៊ូអេឡាជាដើម។ កន្លងមកក្រុមហ៊ុនប្រេងជាតិវេណេហ្ស៊ូអេឡា PDVSA បានប្រកាសថាប្រទេសចំនួន៧ក្នុងចំណោមប្រទេស១៣ជាសមាជិករបស់អង្គការនាំប្រេងចេញច្រើនបំផុតលើពិភព លោកឿភជែបានគាំទ្រសំណើរជួបប្រជុំជាបនទាន់ដើម្បីធ្វើឱ្យតម្លៃប្រេងឡើថ្លៃវិញ ។
រដ្ឋមន្ដ្រីទទួលបន្ទុកថាមពលប្រេង របស់វេណេហ្សូអេឡាលោក Eulogio Del Pino បានប្រកាសពីព័ត៌មានខាងលើក្រោយពេលដែលលោកបានបំពេញទស្សនកិច្ចទៅកាន់ប្រទេសរុស្ស៊ីកាតា អ៊ីរ៉ង់ និងអារ៉ាបីសាអ៊ូឌីត។ លោក Pino បញ្ជាក់ថាប្រទេសជាច្រើនមានបំណង ចង់ឱ្យមានសកម្មភាពរួមដើម្បីធ្វើឱ្យតម្លៃប្រេងនៅលើពិភពលោកកើនឡើងដូចដើមវិញ។បច្ចុប្បន្នតម្លៃប្រេងទាប បំផុត ធ្វើឱ្យប្រទេសដែលផលិតប្រេងទទួលរងការខាតបង់ជាច្រើន ។
វេណេហ្ស៊ូអេឡាជាប្រទេសនាំប្រេងចេញលំដាប់ទី៥នៅលើពិភពលោក បានអំពាវនាវដល់ OPEC កោះប្រជុំជាបន្ទាន់ដើម្បីរកវីធីសាស្ដ្រជួយស្ដាតម្លៃ ប្រេងឡើងវីញក្រោយពេលបានធ្លាក់ថ្លៃ ជាប្រវត្ដិសាស្ដ្រ ចំណែកការផ្គតផ្គងចេះតែកើនឡើងធ្វើឱ្យតម្លៃមិនអាចឡើងថ្លៃវិញបាន។ក្រៅពីអ៊ីរ៉ង់ទទួលបានការលើក លេងទណ្ឌកម្មក្រោយកិច្ចព្រមព្រៀងបរមាណូ អ៊ីរ៉ង់ក៏បាននាំចេញប្រេងទៅកាន់ទីផ្សាពិភពលោកជាច្រើនទៀតធ្វើឱ្យតម្លៃប្រេងដាំក្បាលចុះរហូតដល់ក្រោម៣០ដុល្លារក្នុងមួយបារ៉ែល។
តាមក្រុមអ្នកឯកទេស ប្រសិនបើ ប្រទេសជាសមាជិក OPEC ទាំង១៣កាត់បន្ថយការនាំចេញប្រេងនោះតម្លៃ នឹងកើនឡើងវិញជាមិនខាន។ប៉ុន្ដែពិការក្នុងការសម្រេចប្រសិនបើគ្មានការយល់ព្រមពីប្រទេសអារ៉ាបីសាអ៊ូឌីត និងប្រទេស នាំចេញប្រេងសំខាន់ទៀត។ គួរបញ្ជាក់ ផងដែរថាកន្លងមកអារ៉ាប៊ីសាអ៊ូឌីត ធ្លាប់បានប្រកាសថានិងមិនកាត់បន្ថយការនាំប្រេងចេញទៅក្រៅឡើយបើទោះតម្លៃធ្លាក់ចុះក៏ដោយ ។
កាលពីឆ្នាំ២០១៥ វេណេហ្ស៊ូអេឡា ក៏បានស្នើរឱ្យ OPEC កាតបន្ថយការ ផលិតរបស់ខ្លួន ប៉ុន្ដែមិនបានសម្រេចធ្វើឱ្យតម្លៃប្រេងកាន់តែធ្លាក់ចុះបន្ដបន្ទាប់។ប្រទេសដែលមានសេដ្ឋកិច្ចជាតិអាស្រ័យលើការនាំចេញប្រេងដូចវេណេហ្ស៊ូអេឡារុស្ស៊ីជាដើមទទួលរងការខាត់បង់រាប់សិបពាន់លានដុល្លារក្នុងមួយឆ្នាំៗដោយសារតែប្រេងធ្លាក់ថ្លៃ ៕
ប្រែសម្រួល៖ ម៉ែវ សាធី
