អន្តរជាតិ៖ ក្រោយព្រះរាជពិធីមួយនៅទីក្រុងតូក្យូ ព្រះអង្គម្ចាស់ Akishino ក្រោមព្រះនាម Fumihito ដែលជាព្រះអនុជរបស់អធិរាជNaruhito បានក្លាយជារជ្ជទាយាទ (Crown Prince) ផ្លូវការរបស់ជប៉ុន។
ព្រះអង្គ Akishino មានព្រះជន្មតិចជាងអធិរាជ Naruhito ៦ព្រះវស្សា ដោយព្រះអង្គទាំងទ្វេជាព្រះរាជបុត្ររបស់អធិរាជ Akihito និងម្ចាស់ក្សត្រី Michiko។ ព្រះចៅអធិរាជ Naruhito មិនមានព្រះរាជបុត្រឡើយ ដោយតែមានព្រះរាជបុត្រី ប៉ុន្តែមិមានសិទ្ធិឡើងសោយរាជ្យនោះទេ។
ព្រះរាជពិធី «Rikkosho no rei» សម្រាប់ការឡើងជា Crown Prince របស់ព្រះអង្គ Akishino ត្រូវបានពន្យាពេលអស់៧ខែដោយសារតែកូវីដ-១៩។ យោងតាម Kyodo News Agency ព្រះរាជពិធីនេះ មានសមាជិករាជវង្សានុវង្សចូល៤៦អង្គ/នាក់។
គួរបញ្ជាក់ផងថា កាលពីឆ្នាំមុន ព្រះចៅអធិរាជ Akihito បានប្រកាសដាក់រាជ្យ ដែលនេះជាប្រវត្តិសាស្ត្រលើកដំបូងបំផុតនៅជប៉ុនក្នុងរយៈពេលជាង២០០ឆ្នាំ៕ដោយ៖ស តារា
