ប្រធាន​IOC ជឿជាក់​លើ​ជប៉ុន​ក្នុង​ការដឹកនាំ​កីឡា​អូឡាំពិក​ក្រុង​តូ​ក្យូ​ ព្រោះថា​វ៉ាក់សាំង​ជំងឺ COVID-19 នឹង​មាននៅ​រដូវក្តៅ​ខាងមុខនេះ​

ចែករំលែក៖

អន្តរជាតិ៖ ប្រធានគណៈកម្មាធិការអូឡាំពិកអន្តរជាតិ (IOC) លោក Thomas Bach បង្ហាញការជឿជាក់លើជប៉ុនក្នុងការដឹកនាំកីឡាអូឡាំពិកក្រុងតូក្យូដោយជោគជ័យនៅឆ្នាំ ២០២១ ដោយអនុញ្ញាតឲ្យមានអ្នកទស្សនា បើទោះបីជាប្រទេសជប៉ុនស្ថិតក្នុងស្ថានភាពជំងឺរាតត្បាតCOVID-19​ ក៏ដោយ។

​​ប្រធាន IOC ក្នុងដំណើរទស្សនកិច្ចរយៈពេលពីរថ្ងៃទៅកាន់ទីក្រុងតូក្យូ ទំនងជាជំរុញកិច្ចខិតខំប្រឹងប្រែងរបស់ម្ចាស់ផ្ទះជប៉ុនកាន់តែខ្លាំងឡើងក្នុងការរៀបចំព្រឹត្តិការណ៍អូឡាំពិក ខណៈមានការព្រួយបារម្ភពីការរីករាលដាលជំងឺសកល

ថ្លែងប្រាប់សន្និសីទសារព័ត៌មួយ លោក Bach បាននិយាយថា លោកនឹងស្នាក់នៅទីក្រុងតូក្យូចន្លោះថ្ងៃទី ១៥១៨ ខែវិច្ឆិកា ដើម្បីពិនិត្យមើលការត្រៀមរៀបចំកីឡាអូឡាំពិកឆ្នាំ ២០២០ ដែលត្រូវបានពន្យារទៅឆ្នាំ ២០២១

ជាក់ស្តែងប្រធានបទសំខាន់ៗនៃការពិភាក្សារបស់លោក Bach ជាមួយអ្នករៀបចំកម្មវិធី គឺផ្តោតលើការអនុញ្ញាតឲ្យមានអ្នកទស្សនា និងធានាកន្លែងស្នាក់នៅដែលមានសុវត្ថិភាពបំផុតសម្រាប់អត្តលិកជាង ១១០០០ នាក់មកពីទូទាំងពិភពលោក​​ ហើយនេះជាដំណើរទស្សនកិច្ចលើកដំបូងរបស់ប្រធានគ្រប់គ្រងកីឡាពិភពលោក ទៅកាន់រាជធានីជប៉ុនចាប់តាំងពីលោក និងអតីតនាយករដ្ឋមន្ត្រី ស៊ិនហ្សូ អាបេបានសម្រេចចិត្តនៅខែមីនាដើម្បីពន្យារពេលព្រឹត្តិការណ៍អូឡាំពិករយៈពេលឆ្នាំ។នេះបើតាមការចុះផ្សាយរបស់ទីភ្នាក់ងារព័ត៌មាន Reuters

គួរបញ្ជាក់ថា អ្វីដែលជាការកត់សម្គាល់ បន្ទាប់ពីរយៈពីរថ្ងៃនៅទឹកដីជប៉ុន នាថ្ងៃទី១៦ ខែវិច្ឆិកានេះ លោក Bach ដែលបានសហការជាមួយនាយករដ្ឋមន្ត្រីជប៉ុនថ្មីលោក ស៊ូហ្គា យូស៊ីហ៊ីដេ បានប្រាប់អភិបាលក្រុងតូក្យូលោកស្រី Yuriko Koike ថា លោកទាំងពីរពិតជាជឿជាក់ថាវ៉ាក់សាំងជំងឺ COVID-19 នឹងមាននៅរដូវក្តៅខាងមុខនេះ

ជាមួយគ្នានេះ លោកប្រធានគណៈកម្មាធិការអូឡាំពិករូបនេះបបន្ថែមថា នឹងរៀបចំដើម្បីធានាការចាក់វ៉ាក់សាំងទាំងអត្តលិ អ្នកគាំទ្រ និងទេសចរមុនពេលពួកគេចូលទៅដល់ប្រទេសជប៉ុន បុរសសញ្ជាតិអាល្លឺម៉ង់ពិតជាមាន «​ជំនឿចិត្ត​» យ៉ាងខ្លាំងថាអ្នកទស្សនានឹងអាចចូលរួមព្រឹត្តិការណ៍កីឡាអូឡាំពិក ដែលនឹងធ្វើឡើងនៅខែកក្កដា និងសីហា ដោយទំនុកចិត្ត៕ដោយ៖ស តារា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print