រថយន្តពីរគ្រឿងនិង​ម៉ូតូ​សណ្តោង​រ៉ឺម៉ក​បុកបន្តកន្ទុយគ្នាបណ្តាលឲ្យបុរសម្នាក់រងរបួសធ្ងន់

ចែករំលែក៖

ខេត្ត​ព្រះសីហនុ​៖ រថយន្តពីរគ្រឿងនិង​ម៉ូតូ​សណ្តោង​រ៉ឺម៉ក​១​គ្រឿង​បានបុកបន្តកន្ទុយគ្នាបណ្តាលឲ្យបុរសម្នាក់រងរបួសធ្ងន់។ ហេតុហេតុការណ៍នេះបានកើតឡើងនៅ​ម៉ោងជាង​៣​រសៀលថ្ងៃទី​២១ ខែវិច្ឆិកា ឆ្នាំ​២០២០ នៅលើកំណាត់ផ្លូវជាតិលេខ៤​ត្រង់ចន្លោះ​គីឡូម៉ែត្រ​លេខ​១៤៨-១៤៩ ស្ថិតក្នុង​ភូមិ​គីិរី​វ័​ន ឃុំ​ស្ទឹង​ឆាយ ស្រុក​កំពង់សិលា ខេត្ត​ព្រះសីហនុ​។​

​សមត្ថកិច្ច​បានឱ្យដឹង​ថា ហេតុការណ៍​នេះ​បង្កឡើង​ដោយ​រថយន្ត​ធុនធំ​ម៉ាក​Hyundai ពណ៌​ត្រួយ​ចេក ពាក់ស្លាកលេខ កំពង់ស្ពឺ 3A-2618 (​អ្នកបើកបរ​មិនទាន់​ស្គាល់​អត្តសញ្ញាណ​) បើកតាមផ្លូវជាតិលេខ៤ក្នុងទិសដៅពីខេត្ត​ព្រះសីហនុទៅរាជធានីភ្នំពេញបាន​បុក​ពីក្រោយ​រថយន្ត​ម៉ាក Hyundai starex ពណ៌​ខ្មៅ ពាក់ស្លាកលេខ ភ្នំពេញ 2AY-2481 (​អ្នកបើកបរ​មិនទាន់​ស្គាល់​អត្តសញ្ញាណ​ដូចគ្នា​) រួច​ជ្រុល​ទៅបុក​ម៉ូតូ​សណ្តោង​រ៉ឺម៉ក​១​គ្រឿង​ទៀតម៉ាក​ហុងដា វ៉េវ ពាក់ស្លាកលេខ ព្រៃវែង 1M-0011 បើកបរ​ដោយ​បុរស​ម្នាក់​ឈ្មោះ ឆន សំ​អូន អាយុ​៣០​ឆ្នាំ មាន​ទីលំនៅ ភូមិ​អង្កាញ់ ឃុំ​ប្រ​ធាតុ ស្រុក​កំពង់ត្របែក ខេត្តព្រៃវែង បណ្តាលឱ្យ​អ្នកបើកបរ​ម៉ូតូ​រ៉ឺម៉ក​រងរបួស​ធ្ងន់ ត្រូវបញ្ជូន​ទៅកាន់​មន្ទីរពេទ្យបង្អែក​ស្រែអំបិល​ភ្លាមៗ។​
​បន្ទាប់ពី​កើតហេតុ​អ្នកបើកបរ​រថយន្ត​ទាំង​២​គ្រឿង​បាន​រត់គេចខ្លួន​បាត់ស្រមោល ចំណែក​វត្ថុតាង​ទាំង​៣​គ្រឿង ផ្នែក​ជំនាញ​បាន​យកទៅ​រក្សាទុក​នៅ​អធិការដ្ឋាន​នគរបាល​ស្រុក​កំពង់សិលា រង់ចាំដោះស្រាយគ្នានៅពេលក្រោយ​៕ជ្រោយពេជ្រ

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print