ខេត្ដព្រះសីហនុ៖ ថ្នាក់ដឹកនាំកំពង់ផែ ស្វយ័តខេត្ដព្រះសីហនុបានយកគ្រឿង ចក្រមកជីកកាយយកអាចម៍ដីដែល ចាក់បំពេញនៅតំបន់ឆ្នេរក្រោយពី ស្ថាប័ននេះបានរំលោភយកដីតំបន់ឆ្នេរ សមុទ្រនិងបំផ្លាញព្រៃកោងកាងនៅឃុំ បិតត្រាំង ស្រុកព្រៃនប់ ឱ្យដូចសភាព ដើមវិញហើយ បន្ទាប់ពីរងការរិះគន់និង ចុះផ្សាយតាមសារព័ត៌មានរួចមក ។
អាចម៍ដីដែលថ្នាក់ដឹកនាំកំពង់ផែ ស្វយ័តជីកកាយចេញពីទីតាំងរំលោភ យកឆ្នេរសមុទ្រនោះ គឺបានដឹកចាក់ រំលោភលើតំបន់ព្រៃលិចទឹកមានដើម កោងកាងសម្រាប់ជាជម្រកមច្ឆជាតិ បន្ដពូជ ។
បន្ទាប់ពីមានការចុះពិនិត្យរបស់មន្ដ្រីជំនាញស្ថាប័នពាក់ព័ន្ធខេត្ដព្រះសីហនុ និងការចុះផ្សាយតាមបណ្ដាញសារព័ត៌មានមួយចំនួនមកកាលពីសបា្ដហ៍មុន អគ្គនាយកកំពង់ផែស្វយ័តខេត្ដព្រះសីហនុ លោក លូ គឹមឈុនបានឱ្យមេការរបស់ ខ្លួនកាយយកអាចម៍ដីដែលចាក់រំលោភ ឆ្នេរសមុទ្រឬចូលទៅក្នុងមាត់ឆ្នេរសមុទ្រ ក្នុងភូមិគគីរ ឃុំបិតត្រាំង ឱ្យមកសភាព ដើមវិញ ។
អាចម៍ដីដែលកាយចេញនោះបាន យកទៅចាក់លុបលើតំបន់ព្រៃកោងកាង ដែលជាជម្រកមច្ឆាសមុទ្រពងកូនមាន ទីតាំងនៅជាប់ឆ្នេរសមុទ្រក្នុងភូមិគគីរ ឃុំបិតត្រាំងដដែល ។
លោក ប៊ួន ណារិទ្ធិ ប្រធានអង្គការ លីកាដូ (LICADHO) ខេត្ដព្រះសីហនុ ដែលបានចុះពិនិត្យទីតាំងមានសកម្ម ភាពចាក់ដីរំលោភយកឆ្នេរសមុទ្រ និង ចាក់លុបព្រៃកោងកាងយ៉ាងអនាធិប តេយ្យនេះដែរ លោកបានស្នើឱ្យលោក យន្ដ មីន អភិបាលខេត្ដព្រះសីហនុ និង មន្ដ្រីដឹកនាំមន្ទីរបរិស្ថាន មន្ទីររៀបចំដែនដី នគរូបនីយកម្ម និងសំណង់ ជាដើមល្មម ដល់ពេលវេលារួមសហការគ្នាថែរក្សា និងអភិរក្សឆ្នេរសមុទ្រ និងព្រៃកោងកាង ក្នុងមូលដ្ឋាននេះឱ្យបានគង់វង្សប្រសើរ ជាងបន្ដឃុបឃិតគ្នាជាលក្ខណៈប្រព័ន្ធ បំផ្លាញឆ្នេរសមុទ្រ និងព្រៃកោងកាង ដែលជាជម្រកត្រីសមុទ្របន្ដពូជដូច មន្ដ្រីស្ថាប័នមួយចំនួនធ្លាប់ប្រព្រឹត្ដពី ពេលកន្លងទៅ ។
ប្រធានភូមិគគីរនិងប្រធានឃុំបិត ត្រាំង ស្រុកព្រៃនប់ ក៏បានបង្ហាញការព្រួយ បារម្ភពីការបាត់បង់ទ្រព្យសម្បត្ដិរដ្ឋក្នុងមូលដ្ឋានរបស់ខ្លួនដែរ ហើយបានសំណូមពរ ដល់អាជ្ញាធរថ្នាក់ជាតិ ជាពិសេសប្រមុខ ដឹកនាំរាជរដ្ឋាភិបាល មេត្ដាជួយទប់ ស្កាត់ឱ្យមានប្រសិទ្ធភាព ។
មេឃុំបិតត្រាំង ស្រុកព្រៃនប់ លោក អ៊ឹង សារ៉ុម ទទួលស្គាល់ថា មូលដ្ឋាននេះ ពិតជាមានសកម្មភាពចាក់ដីលុបឆ្នេរសមុទ្រ និងចាក់លុបបំផ្លាញដើមកោង កាងជាជម្រកមច្ឆាសមុទ្រយ៉ាងអនា ធិបតេយ្យពិតមែននាពេលកន្លងមក និង បន្ដមកដល់ពេលនេះ ។ លោកបន្ដថា បទល្មើសនេះវាហួសពីសមត្ថកិច្ចអាជ្ញាធរថ្នាក់ភូមិ-ឃុំ ត្រូវដោះស្រាយ ទើប ទទូចដល់ថ្នាក់ដឹកនាំរាជរដ្ឋាភិបាលជួយមានវិធានការទប់ស្កាត់ ។
អភិបាលខេត្ដព្រះសីហនុ លោក យន្ដ មីនមានប្រសាសន៍ថា ចំពោះសកម្ម ភាពខុសឆ្គងចាក់ដីលុបឆ្នេរសមុទ្ររបស់មេការកំពង់ផែស្វយ័តនៅឃុំបិតត្រាំងឱ្យ មកសភាពដើមវិញដោយមិនជំទាស់ ផែនការអភិវឌ្ឍន៍ឆ្នេរសមុទ្ររបស់រដ្ឋាភិបាលទេ ។
ប្រជាពលរដ្ឋបានអះអាងថា ប៉ុន្មាន អាណត្ដិកន្លងទៅខេត្ដនេះធ្លាប់កើតមានសកម្មភាពចាក់ដីលុបឆ្នេរសមុទ្រ និង បំផ្លាញដើមកោងកាងជម្រកមច្ឆាសមុទ្រធ្វើកម្មសិទ្ធិផ្ដើមដោយមន្ដ្រីបម្រើការ ងារខ្លះក្នុងខេត្ដព្រះសីហនុនិងឈ្មួញមាន ទ្រព្យបានកើតមានយ៉ាងអនាធិបតេយ្យ ហើយគ្មានអាជ្ញាធរទប់ស្កាត់ទេ ប៉ុន្ដែ នៅក្នុងអាណត្ដិអភិបាលខេត្ដបច្ចុប្បន្ន គេសង្កេតឃើញមានសកម្មភាពទប់ស្កាត់ការរំលោភយកឆ្នេរសមុទ្រនិងព្រៃកោង កាងពីសំណាក់បុគ្គលខ្លះឱ្យផ្អាកសកម្ម ភាពបានមួយចំនួន ៕
ដោយ៖ ហេង សូរិយា