ខេត្ដឧត្ដមានជ័យ៖ សមត្ថកិច្ចចម្រុះ ស្រុកត្រញំងប្រាសាទដឹកនាំដោយលោក ប៊ូ សាខន អភិបាលរងខេត្ដឧត្ដរមាន ជ័យបានចុះបង្រាបឈើគ្រញូងកំពុងតែ ចរាចរណ៍ឆ្លងដែនមកពីប្រទេសថៃរឹប អូសបានចំនួន៣២ដុំស្មើ៤១៦គីឡូក្រាមកាលពីថ្ងៃ១៦ ខែកុម្ភៈ ឆ្នាំ២០១៦ ស្ថិតនៅចំណុចច្រករបៀងឈើទាលជ្រំជើងភ្នំដងរែង ក្នុងភូមិទំនប់អភិវឌ្ឍន៍ ឃុំអូរស្វាយ ស្រុកត្រញំងប្រាសាទ ខណៈដែលពលករ ជាច្រើននាក់កំពុងតែស្ពាយឆ្លងដែនមកពីប្រទេសថៃ ។ ក្រោយពីសមត្ថកិច្ចបង្ក្រាប យកឈើគ្រញូងតែមិនបានឃាត់ខ្លួនជនសង្ស័យនិងជនពាក់ព័ន្ធណាម្នាក់ដោយ សារតែជនទាំងនោះដឹងខ្លួនមុនរួចរត់ គេចខ្លួនចូលព្រៃបាត់ស្រមោលអស់ ។
បើតាមសមត្ថកិច្ចដែលចូលរួមបង្ក្រាបឱ្យដឹងថា ច្រករបៀងឈើទាលជ្រំជាច្រក មួយដែលសំបូរទៅដោយពលករឆ្លងដែនខុសច្បាប់ទៅកាប់ឈើគ្រញូងនៅទឹកដី ថៃដោយមានការប្រមូលផ្ដុំពីក្រុមឈ្មួញនិងមានការឃុបឃិតគ្នាជាមួយនឹង កងកម្លាំងយោធាសឹករងស្រុកត្រញំង ប្រាសាទ ។ ប្រភពដដែលបានបន្ដថាការ ចុះបង្ក្រាបឈើគ្រញូងនេះប្រព្រឹត្ដទៅក្នុងរោងយាមមួយកន្លែងជិតនឹងជើងភ្នុំដង រែក ដោយមានមន្ដ្រីយោធាសឹករងស្រុក ត្រញំងប្រាសាទប្រចាំការនៅទីនោះ ផងដែរ ។
ប្រភពបានឱ្យដឹងថាដោយសារតែ មានការឃុបឃិតជាមួយកងកម្លាំង មួយចំនួនតូចដែលឈរជើងនៅតាម បន្ទាត់ព្រំដែនទើបគេឃើញមានពលករជាច្រើននាក់ក្នុងមួយថ្ងៃៗចូលកាប់ឈើ គ្រញូងយ៉ាងអនាធិបតេយ្យនិងប្រព្រឹត្ដ ទៅយ៉ាងរលូនទាំងការឆ្លងដែនចូលនិង ដឹកជញ្ជូនឈើគ្រញូងត្រឡប់មកវិញ ដោយគ្រាន់តែបង់លុយឱ្យសមត្ថកិច្ច ជាការស្រេច ។ ចំពោះឈើគ្រញូងដែល សមត្ថកិច្ចចម្រុះបង្ក្រាបបានខាងលើត្រូវបានបញ្ជូនទៅរក្សារទុកនៅឯខណ្ឌរដ្ឋ បាលព្រៃឈើខេត្ដឧត្ដមានជ័យ ៕
