មនុស្សជាច្រើនបានបង្ហាញពីក្តីបារម្ភយ៉ាងខ្លាំងពីសុវត្ថិភាព សម្រាប់ការធ្វើដំណើរ ក្រោយពេល កូវីដ​១៩ ស្ងប់ស្ងាត់ទៅ។ ពេលនោះតម្រូវការធ្វើដំណើរនៅលើពិភពលោកកើនឡើង ចំណែក ក្រុមអាកាសយានិកវិញ បានឈប់សម្រាកពីការងារហោះហើរយូពេល អាចធ្វើឲ្យ ប៉ះពាល់ពេលវិលត្រឡប់មកបញ្ជាយន្តហោះវិញ​។
កំថាឡើងបញ្ជាយន្តហោះ​ដឹកមនុស្សរាប់រយនាក់ សូម្បីតែបើកររថយន្ត ឬម៉ូតូ ក៏ត្រូវ ភាំងៗ ម្តងៗដែរ ក្រោយការផ្អាកបើកបរយូនោះ​។
ក្តីបារម្ភរបស់អ្នកធ្វើដំណើរកើតឡើង ក្រោយពេល មានករណីគ្រោះថ្នាក់ យន្តហោះកាលពីថ្ងៃទី​១៥ខែកញ្ញាឆ្នាំ​២០២០ ពេលនោះយន្តហោះដឹកអ្នកដំណើររបស់ ក្រុមហ៊ុនអាកាសចរណ៍ Lion Air ដឹកអ្នកដំណើរ​៣០៧នាក់ បានជ្រុលចេញពីផ្លូវ​ក្រោយចុះចតនៅអាកាសយានដ្ឋាន ស៊ូម៉ាត្រា ប្រទេសឥណ្ឌូនេស៊ី។
ក្រោយហេតុការគ្រោះថ្នាក់ក្រុមអ្នកស្រាវជ្រាវក៏បានរកឃើញថា​អាកាសយានិកបញ្ជាការហោះហើរដោយផ្ទាល់ មានរយៈពេលបញ្ជាការហោះហើរ មិនដល់ ៣ម៉ោងផងក្នុងរយៈពេល ៣ខែ​។ ចំណែក ជំនួយការអាកាសយានិកវិញ​មិនមានការហោះហើរម្តងណាឡើង តាំងពីថ្ងៃទី​១ខែកុម្ភៈឆ្នាំ​២០២០​។
អ្នកជំនាញជនជាតិឥណ្ឌាលោក​Mohan Ranganathan បានលើកឡើងថា នៅពេលអាកាសយានិកមិនបានបញ្ជាយន្តហោះ  ហោះហើររយៈពេលយូ និងធ្វើឲ្យស្មារតីរបស់ពួកគាត់​រងផលប៉ះពាល់​ ហើយនៅពេលដែល ការធ្វើដំណើរកាន់តែកើនឡើងនោះ​ អាកាសយានិកកាន់តែរងសម្ពាធខ្លាំង​។
ចំណែកមន្ត្រីសុវត្ថិភាពអាកាសចរណ៍អឺរ៉ុប​បានឲ្យដឹងថា​​ អាចនិងមានការបណ្តុះបណ្តាលខ្លីឡើងវិញដើម្បីឲ្យក្រុមអាកាសយានិកដែលឈប់សម្រាកយូ​អាច ដំណើរការហោះហើរបានល្អ៕