អង់គ្លេសក្លាយជាប្រទេស ដំបូងគេបង្អស់នៅលើពិភពលោក​ដែលទទួលបានវ៉ាក់សាំងប្រឆាំងកូវីដ​១៩ពីក្រុងមហ៊ុនPfizer-BioNTech។

សារព័ត៌មាន CNN បានផ្សាយថា​វ៉ាក់សាំង ប្រឆាំងកូវីដ​១៩ ផលិតដោយក្រុមហ៊ុន Pfizer-BioNTech បានបញ្ជូន

ដល់ប្រទេសអង់គ្លេស នៅថ្ងៃទី ០៣ខែធ្នូ។ វ៉ាក់សាំងនោះបានបញ្ជូនទៅកាន់អង់គ្លេស តាមរថយន្ត​ដែលមិនមាន ឡូហ្គោ ធ្វើដំណើរពីប៊ែលហ្ស៊ិច​ទៅកាន់ទីតាំងរក្សាទុកក្នុងប្រទេសអង់គ្លេស​ ក្នុងនោះមាន Wales, Scotland និង north Ireland ។​
ក្រសួងសុខាភិបាលអង់គ្លេស បានប្រកាសថា វ៉ាក់សាំងនោះ នឹងបញ្ជូនទៅកាន់មជ្ឈមណ្ឌលសុខាភិបាល និងមន្ទីរពេទ្យ​​នៅដើមសប្តាហ៍ក្រោយ ដើម្បីរៀបចំចាក់បង្ការដល់ពលរដ្ឋ ។
ក្រសួងសុខាភិបាលអង់គ្លេស បានឲ្យដឹងថា នៅសប្តាហ៍ក្រោយនឹងមានវ៉ាក់សាំង​ដល់ទៅ ៨សែនដូស​នឹងបញ្ជូនទៅដល់អង់គ្លេស​។
អង់គ្លេស​ជាប្រទេស​លោកខាងលិច ដំបូងគេបង្អស់ដែលបានចាក់វ៉ាក់សាំងប្រឆាំងកូវីដ​១៩​ ។ ប្រទេសនេះបានបញ្ជាទិញវ៉ាក់សាំងដល់ទៅ​៤០លានដូសសម្រាប់ផ្គត់ផ្គង់ ដល់ពលរដ្ឋ​២០លាននាក់ ។
តាមគេហទំព័រ Worldometers អង់គ្លេសមានអ្នកឆ្លងកូវីដ​១៩ 1.690.432 នាក់ និងស្លាប់60.617 នាក់ ៕

ដោយធីរីណា

កម្មករម្នាក់នៅក្បែរកន្លែងផលិតវ៉ាក់សាំង Pfizer នៅបែលហ្ស៊ិកថ្ងៃទី ៣ ធ្នូ។ រូបថត៖ BLOOMBERG

រូបថត៖Reuters