អន្តរជាតិ៖ សត្វតោចំនួនបួនក្បាល នៅឯសួនសត្វបាសេឡូណា ប្រទេសអេស្ប៉ាញ ត្រូវបានគេធ្វើតេស្តវិជ្ជមានកូវីដ១៩ ដែលក្នុងនោះមានសត្វតោញី ៣ក្បាល និងសត្វតោឈ្មោល ១ក្បាល ត្រូវបានគេធ្វើតេស្តភ្លាមៗ បន្ទាប់ពីពួកវាចេញរោគសញ្ញាដំបូងក្នុងកម្រិតស្រាល។ នេះបើយោងតាមការចុះផ្សាយរបស់សារព័ត៌មាន BBC ។
ដោយឡែកបុគ្គលិកសួនសត្វពីរនាក់ ក៏ត្រូវបានតេស្តវិជ្ជមានជំងឺកូវីដនេះផងដែរ។ ខណៈបច្ចុប្បន្ននេះ អាជ្ញាធរកំពុងបើកការស៊ើបអង្កេតភ្លាមៗដើម្បីស្វែងរកមូលហេតុដែលបណ្តាលឱ្យសត្វតោឆ្លងកូវីដ១៩ ប៉ុន្តែវាត្រូវបានគេរំពឹងថា សត្វតោទាំង ៤ក្បាលនេះប្រហែលជាមានជាប់ទាក់ទងជាមួយនឹងបុគ្គលិក ដែលឆ្លងកូវីដ១៩នោះហើយ។
គួរបញ្ជាក់ថា បើតាមការរាយការណ៍របស់អ្នកមើលថែសួនសត្វ បានបញ្ជាក់ថា ការធ្វើតេស្តទៅលើតោទាំង ៤ក្បាលនេះ មានលក្ខណៈ និងវិធីសាស្រ្តដូចគ្នាទៅនឹងមនុស្ស ហើយពួកវាកំពុងត្រូវបានគេព្យាបាល ក៏ដូចជាមានការតាមដានយ៉ាងដិតដល់ផងដែរ៕ដោយ៖ស តារា
សួនសត្វបាសេឡូណា ប្រទេសអេស្ប៉ាញ
តោញីមួយក្នុងចំណោមតោញីទាំង ៣ ដែលឆ្លងវីរុសកូវីដ ១៩
