ភ្នំពេញ ៖ យោងតាមបណ្ដាញសង្គមមួយមានឈ្មោះថា (ស៊ែរមួយចែកគ្នាមើល)បានបង្ហោះវីដេអូ ស្តីពីករណីជម្លោះរឿងចាក់បេតុងមុខផ្ទះខ្ពស់ជាងគ្នា ខាងណាខុស ខាងណាត្រូវ? ហេតុការណ៍នេះបានកើតឡើងនៅវេលាម៉ោង៥និង៣០នាទី ថ្ងៃទី០៩ ខែធ្នូ ឆ្នាំ២០២០ នៅភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ ហើយភ្លាមៗក៏ត្រូវបានលោកនាយប៉ុស្ដិ៍នគរបាលរដ្ឋបាល រលួស បានអញ្ចេីញភាគីទាំងពីរមកសម្របសម្រួលគ្នា ក៏ប៉ុន្តែភាគីទាំងពីរមិនសៈជាគ្នានោះទេ ទេីបនៅព្រឹកថ្ងៃទី១០ ខែធ្នូ ឆ្នាំ២០២០ សមត្ថកិច្ចបានអញ្ចេីញភាគីទាំងពីរមកសម្របសម្រួលគ្នាម្ដងទៀតនៅតែមិនសៈគ្នា រហូតដល់នគរបាលប៉ុស្ដិ៍រដ្ឋបាលរលួសកសាងសំណុំរឿងបញ្ចូនទៅអធិការដ្ឋាននគរបាលខណ្ឌដង្កោដេីម្បីដោះស្រាយបន្ត ទៀត។ ជាមួយគ្នានោះ លោកស្រី គឹម ញឹប អភិបាលខណ្ឌដង្កោ បានផ្ញើសារតបប្រាប់ក្រុមការងារកាសែតនគរវត្តយើងតាមរយៈ Telegram មកថា ករណីនេះ រដ្ឋបាលខណ្ឌបានចុះណែនាំនិងធ្វេីកំណត់ហេតុផ្អាកការចាក់សាបរំលោភផ្លូវសាធារណៈនិងឱ្យរុះរើចេញវិញ ហើយភាគីម្ចាស់សំណង់ក៏បានឯកភាពយល់ព្រមរុះរើវិញ ដែរ និងរដ្ឋបាលខណ្ឌបានចេញសេចក្តីជូនដំណឹងដល់សាធារណជនបានជ្រាបផងដែរ។ ដោយឡែកទាក់ទងនឹងទំនាស់បង្ករបួសស្នាម ប៉ុស្តិ៍នគរបាលរដ្ឋបាលរលួសកំពុងបន្តនិតិវិធីដូចខាងលេី ៕
ដោយ៖ ភារ៉ា ដង្កោ
